അറബ്​ റോബോട്ടിക്​ ചാമ്പ്യൻഷിപ്പിൽ ഖത്തറി​െൻറ താരകങ്ങൾ

ദോഹ: കുവൈത്തിൽ നടന്ന 12ാം​ അറബ്​ റോബോട്ടിക്​ ചാമ്പ്യൻഷിപ്പിൽ താരങ്ങളായി ഖത്തരി വിദ്യാർഥികൾ. വിവിധ ഖത്തർ സർ ക്കാർ സ്​കൂളുകളിലെ കുട്ടികളാണ്​ ചാമ്പ്യൻഷിപ്പിലെ വിവിധ വിഭാഗങ്ങളിൽ മികവ്​ പുലർത്തിയത്​. അറബ്​ റോബോട്ടിക്​ അസോസിയേഷനുമായി സഹകരിച്ച്​ സബാഹ്​ അൽ അഹ്​മദ്​ സ​​െൻറർ സംഘടിപ്പിച്ച മൂന്ന്​ ദിവസ​െത്ത മേള വ്യാഴാഴ്​ചയാണ്​ സമാപിച്ചത്​. അറബ്​ രാജ്യങ്ങളിലെ എല്ലാ വിദ്യാർഥികളു​ടെയും പ്രകടനം മികച്ചതായിരുന്നുവെന്നും അവരെ അഭിനന്ദിക്കുന്നുവെന്നും ഖത്തർ സംഘത്തിനെ നയിച്ച മുഹമ്മദ്​ അൽ അബ്​ദുല്ല അൽ ഉബൈദലി പറഞ്ഞു. സാ​േങ്കതിക മേഖലയിൽ ഖത്തരി വിദ്യാർഥികൾ മികച്ച കഴിവുള്ളവരാണെന്നും ചാമ്പ്യൻഷിപ്പിലെ അവരുടെ പ്രകടനവും വിവിധ വിഭാഗങ്ങളിലെ വിജയവും അതി​​​െൻറ തെളിവാണെന്നും അദ്ദേഹം പറഞ്ഞു. ഹിന്ദ്​ ബിൻത്​ അബൂസുഫിയാൻ സെകൻഡറി സ്​കൂൾ ഫോർ ഗേൾസിലെ റോബോർട്ടിക്​ വിദ്യാഭ്യാസ വിഭാഗത്തി​ലെ മറിയം അൽ അവാദിയും ചാമ്പ്യൻഷിപ്പിൽ പ​െങ്കടുത്തിരുന്നു. മൽസരങ്ങൾ എല്ലാം ഏറെ കഠിനമായിരുന്നുവെന്നും അറബ്​ ലോകത്തെ വിദ്യാർഥികളുടെ ടീമുകളിൽ നിന്നെല്ലാം വൻവെല്ലുവിളിയാണ്​ ഉണ്ടായതെന്നും മികച്ച അനുഭവമായിരുന്നു​ ഇതെന്നും അവർ അഭിപ്രായപ്പെട്ടു. ചാമ്പ്യൻഷിപ്പ്​ ഏറെ പ്രഫഷനൽ സ്വഭാവത്തിൽ ഉള്ളതായിരുന്നുവെന്ന്​ അറബ്​ റോബോട്ടിക്​ അസോസിയേഷൻ പ്രതിനിധി ഇസ്​മായിൽ ഷംസ്​ പറഞ്ഞു. വിനോദത്തിന്​ വേണ്ടി മാത്രമല്ല റോബോർട്ടിക്​ സാ​േങ്കതിക വിദ്യ ഉപയോഗിക്കുന്നത്​. കുട്ടികളുടെ അറിവും ചിന്തയും കഴിവുകളും റോബോർട്ടിക്​സുമായി ശാസ്​ത്രീയമായി കൂട്ടിയോജിപ്പിക്കുകയാണ്​ ചെയ്യുന്നത്​. ശാസ്​ത്രം, എഞ്ചിനീയറിങ്​, കണക്ക്​, പ്രോഗ്രാമിങ്​ തുടങ്ങിയ മേഖലകളിൽ കുട്ടികളുടെ അറിവുകൾ റോബോർട്ടിക്​സുമായി യോജിപ്പിച്ച്​ പ്രാവർത്തികമാക്കുകയാണ്​ ചെയ്യുന്നത്​. ഇത്തരത്തിലുള്ള ചാമ്പ്യൻഷിപ്പുകൾ ഇതിന്​ ഏറെ സഹായകരമാകുന്നുണ്ട്​.