അറബ്​ മേഖലയിൽ തൊഴിലില്ലായ്​മ 29 ശതമാനം

ദോഹ: അറബ്​ മേഖല അനുഭവിക്കുന്ന ഏറ്റവും വലിയ പ്രശ്​നങ്ങളിലൊന്ന്​ തൊഴിലില്ലായ്​മയാണെന്ന്​ വിദഗ്​ധർ. ലോകതലത്തിൽ തന്നെ ഏറ്റവും കൂടുതൽ തൊഴിലില്ലായ്​മ അനുഭവപ്പെടുന്നത്​ അറബ്​ മേഖലയിലാണ്​. ഇവിടെ തൊഴിലില്ലായ്​മ 29 ശതമാനമാണെന്ന്​ ദോഹയിൽ നടന്ന എൻറിച്ചിങ്​ മിഡിലീസ്​റ്റ്​സ്​ ഇക്കണോമിക്​ ഫ്യൂച്ചർ കോൺഫറൻസിൽ സംബന്ധിച്ച വിദഗ്​ധർ പറഞ്ഞു. അറബ്​ മേഖല നേരിടുന്ന സാമ്പത്തിക വെല്ലുവിളികളാണ്​ സമ്മേളനം പ്രധാനമായും ചർച്ച ചെയ്​തത്​. അറബ്​ മേഖലയിലെ തൊഴിലില്ലായ്​മ 29 ശതമാനത്തിൽ അധികമായതായി സമ്മേളനത്തിൽ സംസാരിച്ചവർ വ്യക്​തമാക്കി. യുവ സമൂഹത്തി​​െൻറ തൊഴിലില്ലായ്​മ വലിയ പ്രശ്​നം സൃഷ്​ടിക്കും. വിദേശകാര്യ മന്ത്രാലയത്തിലെ ​പെർമനൻറ്​ കമ്മിറ്റി ഫോർ ഒാർഗനൈസിങ്​ കോൺഫറൻസസും കാലി​േഫാർണിയ സർവകലാശാല മിഡിലീസ്​റ്റ്​ ഡെവലപ്​മ​െൻറ്​ സ​െൻററും സഹകരിച്ചാണ്​ സമ്മേളനം സംഘടിപ്പിച്ചത്​.

മിഡിലീസ്​റ്റ്​, വടക്കൻ ആഫ്രിക്ക മേഖല ശക്​തമായ സമ്പദ്​വ്യവസ്ഥയുള്ളതാണെങ്കിലും ചില വെല്ലുവിളികൾ അനുഭവിക്കുന്നുണ്ട്​. മേഖലയിലെ സമ്പദ്​വ്യവസ്ഥ പരിപോഷിപ്പിക്കുന്നതിന്​ സ്വകാര്യ മേഖലയും ശക്​തമായി വളരേണ്ടതുണ്ട്​. അഴിമതി പ്രതിരോധിക്കുന്നതിന്​ ശക്​തമായ നടപടികൾ തുടരണം.
ജനങ്ങൾക്കിടയിലുള്ള വരുമാന വ്യത്യാസം, ഉയരുന്ന തൊഴിലില്ലായ്​മ, കാലാവസ്ഥ വ്യതിയാനം എന്നീ മൂന്ന്​ മേഖലകളാണ്​ പ്രധാന വെല്ലുവിളികളെന്നും സമ്മേളനത്തിൽ സംസാരിച്ചവർ വിലയിരുത്തി. അറബ്​ മേഖലയിലെ സമ്പത്തി​​െൻറ 67 ശതമാനവും ജനസംഖ്യയുടെ പത്ത്​ ശതമാനം പേരുടെ കൈവശമാണ്​. പ്രകൃതി വിഭവങ്ങളെ കേന്ദ്രീകരിച്ചാണ്​ മേഖലയിലെ സാമ്പത്തിക നയങ്ങൾ രൂപവത്​കരിച്ചിട്ടുള്ളത്​. എന്നാൽ, വിപണി കൂടുതൽ വൈവിധ്യവത്​കരിക്കേണ്ടതുണ്ട്​. തൊഴിൽ വിപണിയിലേക്ക്​ പ്രവേശിക്കാൻ അർഹരാക്കുന്ന വിധം പൗരൻമാരുടെ വിദ്യാഭ്യാസവും കഴിവുകളും വികസിപ്പിക്കാൻ സർക്കാറുകൾ ശ്രദ്ധിക്കണമെന്നും സമ്മേളനം അഭിപ്രായപ്പെട്ടു.