കോ​ടി​ക​ൾ കി​ലു​ങ്ങും അ​റ​ബ് ക​പ്പ് 13.2 കോ​ടി റി​യാ​ൽ

ദോ​ഹ: വ​ർ​ഷാ​വ​സാ​ന​ത്തി​ൽ ഖ​ത്ത​ർ വേ​ദി​യൊ​രു​ക്കു​ന്ന ഫി​ഫ അ​റ​ബ് ക​പ്പ് ഫു​ട്ബാ​ളി​ലെ ജേ​താ​ക്ക​ളെ കാ​ത്തി​രി​ക്കു​ന്ന​ത് റെ​ക്കോ​ഡ് സ​മ്മാ​ന​ത്തു​ക. ടൂ​ർ​ണ​മെ​ന്റി​ലെ ജേ​താ​ക്ക​ൾ ഉ​ൾ​പ്പെ​ടെ ടീ​മു​ക​ൾ​ക്കാ​യി 13.2 കോ​ടി റി​യാ​ൽ (ഏ​താ​ണ്ട് 311 കോ​ടി രൂ​പ) സ​മ്മാ​ന​മാ​യി ന​ൽ​കു​മെ​ന്ന് സം​ഘാ​ട​ക​ർ പ്ര​ഖ്യാ​പി​ച്ചു.

മേ​ഖ​ല​യി​ലെ ഫു​ട്ബാ​ൾ ടൂ​ർ​ണ​മെ​ന്റു​ക​ളു​ടെ ച​രി​ത്ര​ത്തി​ലെ​ത്ത​ന്നെ ഏ​റ്റ​വും ഉ​യ​ർ​ന്ന സ​മ്മാ​ന​ത്തു​ക​യാ​ണ് ഫി​ഫ അ​റ​ബ് ക​പ്പ് പ്രാ​ദേ​ശി​ക സം​ഘാ​ട​ക സ​മി​തി പ്ര​ഖ്യാ​പി​ച്ച​ത്. ജേ​താ​ക്ക​ൾ, റ​ണ്ണേ​ഴ്സ് അ​പ്, മൂ​ന്നാം സ്ഥാ​ന​ക്കാ​ർ, വി​വി​ധ ഘ​ട്ട​ങ്ങ​ളി​ലാ​യി പ​​ങ്കെ​ടു​ത്ത​വ​ർ ഉ​ൾ​പ്പെ​ടെ​യു​ള്ള ആ​കെ പ്ര​തി​ഫ​ല​മാ​ണ് പ്ര​ഖ്യാ​പി​ച്ച​ത്.

മേ​ഖ​ല​യി​ലെ ഫു​ട്ബാ​ൾ വ്യാ​പ​ന​ത്തി​ലും ശ​ക്തി​പ്പെ​ടു​ത്തു​ന്ന​തി​ലും ഖ​ത്ത​റി​ന്റെ നാ​യ​ക​ത്വം അ​ട​യാ​ള​പ്പെ​ടു​ത്തി​ക്കൊ​ണ്ടാ​ണ് റെ​ക്കോ​ഡ് സ​മ്മാ​ന​ത്തു​ക പ്ര​ഖ്യാ​പി​ക്കു​ന്ന​തെ​ന്ന് ഖ​ത്ത​ർ കാ​യി​ക മ​ന്ത്രി​യും ടൂ​ർ​ണ​മെ​ന്റ് സം​ഘാ​ട​ക സ​മി​തി ചെ​യ​ർ​മാ​നു​മാ​യ ശൈ​ഖ് ഹ​മ​ദ് ബി​ൻ ഖ​ലീ​ഫ ബി​ൻ അ​ഹ്മ​ദ് ആ​ൽ ഥാ​നി പ​റ​ഞ്ഞു. ഡി​സം​ബ​ർ ഒ​ന്നു മു​ത​ൽ 18 വ​രെ​യാ​ണ് മേ​ഖ​ല​യി​ലെ 16 അ​റ​ബ് ടീ​മു​ക​ൾ മാ​റ്റു​ര​ക്കു​ന്ന അ​റ​ബ് ക​പ്പി​ന് ഖ​ത്ത​ർ വേ​ദി​യൊ​രു​ക്കു​ന്ന​ത്. അ​റ​ബ് ഫു​ട്ബാ​ളി​ന്റെ​യും ​ഐ​ക്യ​ത്തി​ന്റെ​യും ആ​ഘോ​ഷ​മാ​യി അ​റ​ബ് ക​പ്പ് ഫു​ട്ബാ​ൾ മാ​​റു​മെ​ന്നും ശൈ​ഖ് ഹ​മ​ദ് ബി​ൻ ഖ​ലീ​ഫ പ​റ​ഞ്ഞു. പ​തി​റ്റാ​ണ്ട് മു​മ്പ് നി​ല​ച്ചു​പോ​യ അ​റ​ബ് ക​പ്പി​നെ 2021ൽ ​പു​ന​രു​ജ്ജീ​വി​പ്പി​ച്ച ഖ​ത്ത​ർ, അ​ടു​ത്ത പ​തി​പ്പി​ലൂ​ടെ കൂ​ടു​ത​ൽ ശ​ക്ത​മാ​യ ടൂ​ർ​ണ​മെ​ന്റാ​ക്കി മാ​റ്റു​ക​യാ​ണെ​ന്നും അ​ദ്ദേ​ഹം പ്ര​തി​ക​രി​ച്ചു.

2022ൽ ​ഖ​ത്ത​ർ ആ​തി​ഥ്യം​വ​ഹി​ച്ച മേ​ഖ​ല​യി​ലെ ആ​ദ്യ ലോ​ക​ക​പ്പ് ഫു​ട്ബാ​ളി​ന്റെ ​പി​ന്തു​ട​ർ​ച്ച തു​ട​രു​ക​യാ​ണ്. ലോ​ക​ക​പ്പി​നു പി​ന്നാ​ലെ നി​ര​വ​ധി വേ​ൾ​ഡ് ക്ലാ​സ് ടൂ​ർ​ണ​മെ​ന്റു​ക​ൾ​ക്ക് ആ​തി​ഥേ​യ​രാ​യ മ​ണ്ണി​ലാ​ണ് ന​വം​ബ​റി​ൽ ഫി​ഫ അ​ണ്ട​ർ 17 ലോ​ക​ക​പ്പും പി​ന്നാ​ലെ അ​റ​ബ് ക​പ്പും അ​ര​ങ്ങേ​റു​ന്ന​ത്. ഇ​രു മ​ത്സ​ര​ങ്ങ​ളു​ടെ​യും ന​റു​ക്കെ​ടു​പ്പ് ഞാ​യ​റാ​ഴ്ച ദോ​ഹ​യി​ൽ ന​ട​ക്കും.