അറബ്​ കപ്പ്​ യോഗ്യത: ഫലസ്​തീൻ ഇന്ന്​ കളത്തിൽ

ദോഹ: അറബ്​ കപ്പ്​ ഫുട്​ബാൾ യോഗ്യത റൗണ്ടിൽ ഇന്ന്​ ഫലസ്​തീനും ആ​ഫ്രിക്കൻ ദ്വീപുരാജ്യമായ കൊമോറോസും തമ്മിലെ പോരാട്ടം. ലോകകപ്പ്​ യോഗ്യത റൗണ്ടിലെ തങ്ങളുടെ അവസാന രണ്ട്​ മത്സരത്തിൽ യമനിനെയും (3-0), സിംഗപ്പൂരിനെയും (4-0) തോൽപിച്ചാണ്​ ഫലസ്​തീ​െൻറ വരവ്​.

ഫിഫ റാങ്കിങ്ങിൽ 104ാം സ്​ഥാനത്തുള്ള ടീം മികച്ച വിജയ പ്രതീക്ഷയോടെയാണ്​ ലോകഫുട്​ബാളിലെ പുതുമുഖക്കാരായ കെ​ാമോറോസിനെതിരെ കളത്തിലിറങ്ങുന്നത്​. തുടക്കക്കാരാണെങ്കിലും ഫിഫ റാങ്കിങ്ങിൽ 131ാം സ്​ഥാനത്താണ്​ ടീം.