അറബ്​ കപ്പ്​ യോഗ്യത: ഇന്ന്​ ഗൾഫ്​ പോരാട്ടം

ദോഹ: ഫിഫ അറബ്​ കപ്പ്​ ഫുട്​ബാൾയോഗ്യതാ റൗണ്ടിലെ അവസാന മത്സരത്തിൽ ബഹ്​റൈനും കുവൈത്തും മുഖാമുഖം. രണ്ട്​ ഗൾഫ്​രാജ്യങ്ങളുടെ പോരാട്ടം എന്ന നിലയിൽ ശ്രദ്ധേയമാണ്​ മത്സരം. 1966ലെ അറബ്​ കപ്പിലൂടെ ആദ്യമായി ഏറ്റുമുട്ടിയ ഇരു ടീമുകളും ഇന്ന്​ ഏഷ്യൻ ഫുട്​ബാളിൽ കരുത്തരാണ്​. ഫിഫറാങ്കിങ്ങിൽ 98ാം സ്​ഥാനത്തുള്ള ബഹ്​റൈനാണ്​ കളത്തിൽ കൂടുതൽ കേമൻ. ​പോർച്ചുഗീസുകാരനായ പരിശീലകൻ ഹി​ലിയോ സൗസക്ക​ു കീഴിൽ വിവിധ ബഹ്​റൈൻ ടീമുകളിൽ കളിക്കുന്ന താരങ്ങളാണ്​ ടീം നിറയെ.

2019 അറേബ്യൻ ഗൾഫ്​ കപ്പിലെ ചാമ്പ്യന്മാർ കൂടിയാണ്​ ഇവർ. അറബ്​ കപ്പിൽ രണ്ടു തവണ ഫൈനലിസ്​റ്റുമായിരുന്നു. ഫിഫ റാങ്കിങ്ങിൽ 148ാം സ്​ഥാനക്കാരാണ്​ കുവൈത്ത്​. ലോകകപ്പ്​ യോഗ്യതാ റൗണ്ടിൽ മികച്ച പ്രകടനം കാഴ്​ചവെച്ചാണ്​ കോച്ച്​ താമിർ ഇനാദിനു കീഴിലുള്ള ടീം ദോഹയിലെത്തിയത്​. ഇന്ന്​ രാത്രി എട്ടിന്​ ഖലീഫ ഇൻറർനാഷനൽ സ്​റ്റേഡിയത്തിലാണ്​ മത്സരം. യോഗ്യതാ റൗണ്ടിലെ അവസന മത്സരമാണിത്​.