സി​റി​യ​ക്ക് പി​ന്തു​ണ​യു​മാ​യി അ​റ​ബ്, മു​സ്‍ലിം രാ​ജ്യ​ങ്ങ​ൾ

ദോ​ഹ: സി​റി​യ​യി​ലെ ഇ​സ്രാ​യേ​ൽ ആ​ക്ര​മ​ണ​ത്തി​ന്റെ പ​ശ്ചാ​ത്ത​ല​ത്തി​ൽ ച​ർ​ച്ച ന​ട​ത്തി അ​റ​ബ്, മു​സ്‍ലിം വി​ദേ​ശ​കാ​ര്യ​മ​ന്ത്രി​മാ​ർ. വി​ഷ​യ​ത്തി​ൽ എ​കീ​കൃ​ത നി​ല​പാ​ട് സ്വീ​ക​രി​ക്കു​ന്ന​തി​ന്റെ​യും സി​റി​യ​യെ പി​ന്തു​ണ​ക്കു​ന്ന​തി​ന്റെ​യും ഭാ​ഗ​മാ​യാ​ണ് ച​ർ​ച്ച​ക​ൾ ന​ട​ന്ന​ത്.

സി​റി​യ​യു​ടെ ഐ​ക്യ​ത്തി​നും സ്ഥി​ര​ത​ക്കും പ​ര​മാ​ധി​കാ​ര​ത്തി​നും പി​ന്തു​ണ ന​ൽ​കു​ന്ന​താ​യും എ​ല്ലാ​ത​രം വി​ദേ​ശ ഇ​ട​പെ​ട​ലു​ക​ളും നി​ര​സി​ക്കു​ന്ന​താ​യും ഖ​ത്ത​ർ, കു​വൈ​ത്ത്, സൗ​ദി അ​റേ​ബ്യ, യു.​എ.​ഇ, ബ​ഹ്‌​റൈ​ൻ, ഒ​മാ​ൻ, ഇ​റാ​ഖ്, ജോ​ർ​ഡ​ൻ, ല​ബ​നാ​ൻ, ഈ​ജി​പ്ത്, തു​ർ​ക്കി​യ രാ​ജ്യ​ങ്ങ​ളി​ലെ മ​ന്ത്രി​മാ​ർ സം​യു​ക്ത പ്ര​സ്താ​വ​ന​യി​ൽ വ്യ​ക്ത​മാ​ക്കി. സു​വൈ​ദ ഗ​വ​ർ​ണ​റേ​റ്റി​ലെ സം​ഘ​ർ​ഷം അ​വ​സാ​നി​പ്പി​ക്കു​ന്ന​തി​നാ​യി ഒ​പ്പു​വെ​ച്ച ക​രാ​ർ മ​ന്ത്രി​മാ​ർ സ്വാ​ഗ​തം ചെ​യ്തു. ക​രാ​ർ പാ​ലി​ക്കേ​ണ്ട​തി​ന്റെ ആ​വ​ശ്യ​ക​ത​യും ചൂ​ണ്ടി​ക്കാ​ട്ടി.

സി​റി​യ​യി​ൽ സു​ര​ക്ഷ​യും പ​ര​മാ​ധി​കാ​ര​വും സ്ഥാ​പി​ക്കാ​നു​ള്ള എ​ല്ലാ ശ്ര​മ​ങ്ങ​ൾ​ക്കും മ​ന്ത്രി​മാ​ർ പി​ന്തു​ണ അ​റി​യി​ച്ചു. സി​റി​യ​ക്കെ​തി​രാ​യ ആ​വ​ർ​ത്തി​ച്ചു​ള്ള ഇ​സ്രാ​യേ​ൽ ആ​ക്ര​മ​ണ​ങ്ങ​ളെ അ​പ​ല​പി​ച്ചു. ഇ​സ്രാ​യേ​ൽ ന​ട​പ​ടി അ​ന്താ​രാ​ഷ്ട്ര നി​യ​മ​ങ്ങ​ളു​ടെ​യും സി​റി​യ​യു​ടെ പ​ര​മാ​ധി​കാ​ര​ത്തി​ന്റെ​യും ന​ഗ്ന​മാ​യ ലം​ഘ​ന​മാ​ണ്. സി​റി​യ​യു​ടെ സു​ര​ക്ഷ​യും സ്ഥി​ര​ത​യും പ്രാ​ദേ​ശി​ക സു​ര​ക്ഷ​യു​ടെ​യും സ്ഥി​ര​ത​യു​ടെ​യും പ്ര​ധാ​ന അ​ടി​ത്ത​റ​യാ​ണെ​ന്നും വ്യ​ക്ത​മാ​ക്കി.

പു​ന​ർ​നി​ർ​മാ​ണ​ത്തി​നാ​യു​ള്ള സി​റി​യ​ൻ സ​ർ​ക്കാ​റി​ന്റെ ശ്ര​മ​ങ്ങ​ളെ പി​ന്തു​ണ​ക്കാ​ൻ മ​ന്ത്രി​മാ​ർ അ​ന്താ​രാ​ഷ്ട്ര സ​മൂ​ഹ​ത്തോ​ട് ആ​ഹ്വാ​നം ചെ​യ്തു. സി​റി​യ​ൻ പ്ര​ദേ​ശ​ങ്ങ​ളി​ൽ നി​ന്ന് ഇ​സ്രാ​യേ​ൽ സേ​ന​യു​ടെ പി​ൻ​വാ​ങ്ങ​ൽ ഉ​റ​പ്പാ​ക്കു​ന്ന​തി​നും ആ​ക്ര​മ​ണ​ങ്ങ​ൾ അ​വ​സാ​നി​പ്പി​ക്കു​ന്ന​തി​നും ഇ​ട​പെ​ടാ​ൻ യു.​എ​ൻ ര​ക്ഷാ കൗ​ൺ​സി​ലി​നോ​ട് ആ​വ​ശ്യ​പ്പെ​ട്ടു.

സി​റി​യ​ക്ക് നേ​രെ​യു​ണ്ടാ​യ ഇ​സ്രാ​യേ​ൽ ആ​ക്ര​മ​ണ​ത്തെ ക​ഴി​ഞ്ഞ​ദി​വ​സം ഖ​ത്ത​ർ വി​ദേ​ശ​കാ​ര്യ മ​ന്ത്രാ​ല​യം ശ​ക്ത​മാ​യി അ​പ​ല​പി​ച്ചി​രു​ന്നു. ഇ​ത് സി​റി​യ​യു​ടെ പ​ര​മാ​ധി​കാ​ര​ത്തി​ന്മേ​ലു​ള്ള ക​ട​ന്നു​ക​യ​റ്റ​വും അ​ന്താ​രാ​ഷ്ട്ര നി​യ​മ​ങ്ങ​ളു​ടെ​യും യു.​എ​ൻ ചാ​ർ​ട്ട​റി​ന്റെ​യും ഗു​രു​ത​ര​മാ​യ ലം​ഘ​ന​വു​മാ​ണെ​ന്നും മേ​ഖ​ല​യു​ടെ സു​ര​ക്ഷ​ക്കും സ്ഥി​ര​ത​ക്കും ഈ ​ആ​ക്ര​മ​ണം വി​ഘാ​ത​മാ​കു​മെ​ന്നും പ്ര​സ്താ​വ​ന​യി​ൽ വ്യ​ക്ത​മാ​ക്കി​യി​രു​ന്നു. സി​റി​യ​ൻ ത​ല​സ്ഥാ​ന ന​ഗ​ര​മാ​യ ഡ​മ​സ്ക​സി​ലും തെ​ക്ക​ൻ ഗ​വ​ർ​ണ​റേ​റ്റാ​യ അ​ൽ സു​വൈ​ദ​യി​ലും ഇ​സ്രാ​യേ​ൽ ക​ഴി​ഞ്ഞ ദി​വ​സം ശ​ക്ത​മാ​യ ആ​ക്ര​മ​ണം ന​ട​ത്തി​യി​രു​ന്നു.