റാങ്ക്​ ജേതാവ്​ അംറീന് നടുമുറ്റം​ ആദരവ്​

ദോഹ: കേരള എൻജിനീയറിങ്​ പ്രവേശന പരീക്ഷയിൽ ആർക്കിടെക്​ചർ വിഭാഗത്തിൽ രണ്ടാം റാങ്ക് നേടിയ ഖത്തർ എം.ഇ.എസ് ഇന്ത്യൻ സ്കൂൾ വിദ്യാർഥിനി അംറീനെ നടുമുറ്റം ഖത്തർ അനുമോദിച്ചു. കൾചറൽ ഫോറം ഖത്തർ വൈസ് പ്രസിഡൻറും നടുമുറ്റം ചീഫ് കോഒാഡിനേറ്ററുമായ ആബിദ സുബൈർ, നടുമുറ്റം അസിസ്​റ്റൻറ്​ കോഒാഡിനേറ്റർ റുബീന മുഹമ്മദ് കുഞ്ഞി എന്നിവർ റാങ്ക് ജേതാവിനെ വീട്ടിൽ സന്ദർശിച്ച് അഭിനന്ദനങ്ങൾ അറിയിക്കുകയും ഉപഹാരം നൽകുകയും ചെയ്തു.