അ​ൽ റ​യ്യാ​നിലേക്കെന്ന് സൂചന; ഘാ​ന​ താ​രം ആ​ന്ദ്രേ ആ​യൂ അ​ൽ സ​ദ്ദ് വി​ട്ടു

ദോ​ഹ: ഘാ​ന​യു​ടെ സൂ​പ്പ​ർ താ​രം ആ​ന്ദ്രേ ആ​യൂ ഖ​ത്ത​ർ സ്റ്റാ​ർ​സ് ലീ​ഗി​ൽ നി​ല​വി​ലെ ചാ​മ്പ്യ​ന്മാ​രാ​യ അ​ൽ സ​ദ്ദ് ക്ല​ബ് വി​ട്ടു. ര​ണ്ടു വ​ർ​ഷ​ത്തേ​ക്ക് അ​ൽ സ​ദ്ദു​മാ​യി ക​രാ​ർ ഒ​പ്പി​ട്ട 33കാ​ര​ൻ ക​രാ​ർ തീ​രാ​ൻ അ​ഞ്ചു​മാ​സം ബാ​ക്കി​നി​ൽ​ക്കെ​യാ​ണ് അ​ൽ സ​ദ്ദു​മാ​യു​ള്ള പ​ര​സ്പ​ര ധാ​ര​ണ​യോ​ടെ ക്ല​ബ് വി​ടു​ന്ന​ത്. ആ​യൂ അ​ൽ സ​ദ്ദ് വി​ടു​മെ​ന്ന അ​ഭ്യൂ​ഹം കു​റ​ച്ചു​നാ​ളാ​യി ശ​ക്ത​മാ​യി​രു​ന്നു. ക്ല​ബ് വി​ടു​ന്ന കാ​ര്യം ത​ന്റെ സോ​ഷ്യ​ൽ മീ​ഡി​യ അ​ക്കൗ​ണ്ടി​ലാ​ണ് ആ​യൂ പ​ര​സ്യ​മാ​ക്കി​യ​ത്. അ​ൽ സ​ദ്ദി​ന്റെ മു​ൻ കോ​ച്ച് സാ​വി ഹെ​ർ​ണാ​ണ്ട​സി​ന് താ​രം ന​ന്ദി അ​റി​യി​ച്ചു.

‘‘അ​ൽ സ​ദ്ദ് എ​ഫ്.​സി​യോ​ട് വ​ലി​യ ന​ന്ദി​യു​ണ്ട്. എ​ന്നി​ൽ വി​ശ്വാ​സ​മ​ർ​പ്പി​ച്ച പ​രി​​ശീ​ല​ക​രോ​ടും ഏ​റെ ക​ട​പ്പാ​ടു​ണ്ട്. പ്ര​ത്യേ​കി​ച്ച് സാ​വി​യോ​ട്. അ​ദ്ദേ​ഹ​മാ​ണ് എ​ന്നെ ഇ​വി​ടെ എ​ത്തി​ച്ച​ത്. എ​ന്നോ​ടൊ​പ്പം ​ചേ​ർ​ന്നു​നി​ന്ന സ​ഹ​താ​ര​ങ്ങ​ളോ​ടും ന​ന്ദി പ​റ​യു​ന്നു. ഈ ​വ​ർ​ഷ​ങ്ങ​ളി​ൽ അ​ക​മ​ഴി​ഞ്ഞ പി​ന്തു​ണ ന​ൽ​കി അ​തി​ശ​യി​പ്പി​ച്ച ആ​രാ​ധ​ക​രോ​ടും ഏ​റെ ന​ന്ദി​യു​ണ്ട്’’-​ഖ​ത്ത​ർ ലോ​ക​ക​പ്പി​ൽ ഘാ​ന​യു​ടെ നാ​യ​ക​നാ​യി​രു​ന്ന ആ​യൂ കു​റി​ച്ചു.

‘‘അ​ൽ സ​ദ്ദി​ന്റെ സ​മ്പ​ന്ന​മാ​യ പാ​ര​മ്പ​ര്യ​ത്തോ​ടൊ​പ്പം ഭാ​ഗ​മാ​കാ​ൻ ക​ഴി​ഞ്ഞ​തി​ൽ ഭാ​ഗ്യ​വാ​നാ​ണു ഞാ​ൻ. ഖ​ത്ത​ർ സ്റ്റാ​ർ​സ് ലീ​ഗ്, ഖ​ത്ത​ർ എ​ഫ്.​എ ക​പ്പ് എ​ന്നി​വ ജ​യി​ക്കാ​നും ക​ഴി​ഞ്ഞു. 39 മ​ത്സ​ര​ങ്ങ​ളി​ൽ ക്ല​ബി​നു​വേ​ണ്ടി ക​ള​ത്തി​ലി​റ​ങ്ങി 22 ഗോ​ളും സ്കോ​ർ ചെ​യ്തി​ട്ടു​ണ്ട്’’-​ആ​യൂ കൂ​ട്ടി​​ച്ചേ​ർ​ത്തു. അ​ൽ സ​ദ്ദി​ന് ത​ന്റെ ഹൃ​ദ​യ​ത്തി​ൽ എ​ക്കാ​ല​വും സ​വി​ശേ​ഷ സ്ഥാ​ന​മു​ണ്ടാ​കു​മെ​ന്നും എ​ല്ലാ ഭാ​വു​ക​ങ്ങ​ളും നേ​രു​ന്ന​താ​യും സ്റ്റാ​ർ സ്ട്രൈ​ക്ക​ർ പ​റ​ഞ്ഞു.

2021ൽ ​ഇം​ഗ്ലീ​ഷ് ക്ല​ബാ​യ സ്വാ​ൻ​സീ സി​റ്റി​യി​ൽ​നി​ന്നാ​ണ് ആ​യൂ അ​ൽ സ​ദ്ദി​ലേ​ക്കെ​ത്തി​യ​ത്. ആ​യൂ​വി​​ന്റെ പി​താ​വും ഘാ​ന​യു​ടെ ഇ​തി​ഹാ​സ താ​ര​വു​മാ​യ അ​ബേ​ദി പെ​ലെ​യും 1983ൽ ​അ​ൽ സ​ദ്ദി​ന് ക​ളി​ച്ചി​രു​ന്നു. ആ​ദ്യ ഒ​രു വ​ർ​ഷം ആ​യൂ സാ​വി​ക്കു​ കീ​ഴി​ലാ​യി​രു​ന്നു അ​ൽ സ​ദ്ദി​ൽ പ​ന്തു​ത​ട്ടി​യ​ത്. ഖ​ത്ത​ർ ലീ​ഗി​ൽ അ​ൽ സ​ദ്ദി​ന്റെ എ​തി​രാ​ളി​ക​ളാ​യ അ​ൽ റ​യ്യാ​ൻ ആ​യി​രി​ക്കും ആ​യൂ​വി​ന്റെ അ​ടു​ത്ത ത​ട്ട​ക​മെ​ന്നാ​ണ് സൂ​ച​ന.