ശൂറാ കൗൺസിൽ പ്രദർശനം അമീർ സന്ദർശിച്ചു

ദോഹ: ശൂറാ കൗൺസിൽ സ്ഥാപനത്തിന്റെ 50ാം വാർഷിക ഭാഗമായി തയാറാക്കിയ പ്രദർശനം അമീർ സന്ദർശിച്ചു. 51ാമത് കൗൺസിൽ സെഷനിൽ സംബന്ധിക്കാനെത്തിയപ്പോഴായിരുന്നു അമീർ പ്രദർശന ഹാൾ സന്ദർശിച്ചത്. ഖത്തറിന്റെ നിയമനിർമാണ വ്യവസ്ഥയിൽ പ്രധാന സംഭാവനകൾ നൽകിയാണ് 1972ൽ ശൂറാ കൗൺസിൽ ആരംഭിക്കുന്നത്.ശൂറാകൗൺസിൽ സ്‍പീക്കർ ഹസൻ ബിൻ അബ്ദുല്ല അൽ ഗാനി, വൈസ് പ്രസിഡന്റ് ഡോ. ഹംദ ബിൻത് ഹസൻ അൽ സുലൈതി എന്നിവരും പങ്കെടുത്തു.