അമീർ കപ്പ്: അൽ അറബി സെമിയിൽ

ദോഹ: അമീർ കപ്പ് ഫുട്ബാളിലെ ആദ്യ ക്വാർട്ടർ ഫൈനലിൽ അൽ അറബിക്ക് ജയം. അബ്ദുല്ല ബിൻ ഖലീഫ സ്റ്റേഡിയത്തിൽ നടന്ന മത്സരത്തിൽ മുഐതറിനെ മറുപടിയില്ലാത്ത രണ്ടു ഗോളിനു തോൽപിച്ചാണ് അൽ അറബി എഫ്.സി സെമിയിൽ പ്രവേശിച്ചത്. കളിയുടെ 12ാം മിനിറ്റിൽ റഫീന്യയും 71ാം മിനിറ്റിൽ യൂസുഫ് സാക്നിയും നേടിയ ഗോളുകളിലൂടെയായിരുന്നു അൽ അറബിയുടെ ജയം. തിങ്കളാഴ്ച നടക്കുന്ന മത്സരത്തിൽ അൽ ദുഹൈലും അൽ സൈലിയയും ഏറ്റുമുട്ടും. രാത്രി 9.45നാണ് മത്സരം.