അബൂദബിയിൽ ഇമാറാത്തിന്‍റെ ദുഃഖത്തിൽ പങ്കുചേർന്ന് അമീർ

ദോ​ഹ: ശൈ​ഖ്​ ഖ​ലീ​ഫ ബി​ൻ സാ​യി​ദ്​ ആ​ൽ ന​ഹ്​​യാ​ന്‍റെ വി​യോ​ഗ​ത്തി​ൽ അ​നു​ശോ​ച​ന​വു​മാ​യി ഖ​ത്ത​ർ അ​മീ​ർ ശൈ​ഖ്​ ത​മീം ബി​ൻ ഹ​മ​ദ്​ ആ​ൽ​ഥാ​നി യു.​എ.​ഇ​യി​ലെ​ത്തി. ഞാ​യ​റാ​ഴ്​​ച​യാ​ണ്​ അ​മീ​ർ യു.​എ.​ഇ​യു​ടെ പു​തി​യ പ്ര​സി​ഡ​ന്‍റ്​ ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​ ആ​ൽ ന​ഹ്​​യാ​നെ സ​ന്ദ​ർ​ശി​ച്ച്​ അ​നു​ശോ​ച​നം അ​റി​യി​ച്ച​ത്. അ​ബൂ​ദ​ബി പ്ര​സി​ഡ​ൻ​ഷ്യ​ൽ വി​മാ​ന​ത്താ​വ​ള​ത്തി​ലെ​ത്തി​യ അ​മീ​റും ഉ​ന്ന​ത​സം​ഘ​വും ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​ ആ​ൽ ന​ഹ്​​യാ​നു​മാ​യി കൂ​ടി​ക്കാ​ഴ്ച ന​ട​ത്തി ആ​ൽ ന​ഹ്​​യാ​ൻ കു​ടും​ബ​ത്തി​ന്‍റെ​യും ഇ​മാ​റാ​ത്തി ജ​ന​ത​യു​ടെ​യും ദുഃ​ഖ​ത്തി​ൽ പ​ങ്കു​ചേ​ർ​ന്നു.

ഹ്ര​സ്വ​സ​ന്ദ​ർ​ശ​ന​ത്തി​നു​ശേ​ഷം മ​ട​ങ്ങി​യ അ​മീ​റി​നെ ​പ്ര​സി​ഡ​ൻ​ഷ്യ​ൽ വി​മാ​ന​ത്താ​വ​ള​ത്തി​ൽ യാ​ത്ര​യ​യ​ക്കാ​നാ​യി പ്ര​സി​ഡ​ന്‍റ്​ മു​ഹ​മ്മ​ദ്​ ബി​ൻ സാ​യി​ദ്​ ആ​ൽ ന​ഹ്​​യാ​ൻ നേ​രി​ട്ട്​ എ​ത്തി.

ശ​നി​യാ​ഴ്ച അ​മീ​റി​ന്‍റെ പ്ര​ത്യേ​ക പ്ര​തി​നി​ധി ശൈ​ഖ്​ ജാ​സിം ബി​ൻ ഹ​മ​ദ്​ ആ​ൽ​ഥാ​നി​യും യു.​എ.​ഇ​യി​ലെ​ത്തി​യി​രു​ന്നു. ശൈ​ഖ്​ അ​ബ്​​ദു​ല്ല ബി​ൻ ഖ​ലീ​ഫ ആ​ൽ​ഥാ​നി, ശൈ​ഖ്​ മു​ഹ​മ്മ​ദ്​ ബി​ൻ ഖ​ലീ​ഫ ആ​ൽ​ഥാ​നി, ശൈ​ഖ്​ ജാ​സിം ബി​ൻ ഖ​ലീ​ഫ ആ​ൽ​ഥാ​നി, ശൈ​ഖ്​ ജു​ആ​ൻ ബി​ൻ ഹ​മ​ദ്​ ആ​ൽ​ഥാ​നി, ശൈ​ഖ്​ ഖ​ലീ​ഫ ബി​ൻ ഹ​മ​ദ്​ ആ​ൽ​ഥാ​നി എ​ന്നി​വ​രും ശ​നി​യാ​ഴ്​​ച പ്ര​ത്യേ​ക പ്ര​തി​നി​ധി​ക്കൊ​പ്പം ദുഃ​ഖ​ത്തി​ൽ പ​ങ്കു​ചേ​രാ​നാ​യി അ​ബൂ​ദ​ബി സ​ന്ദ​ർ​ശി​ച്ചു.

2017ൽ ​നാ​ലു​ രാ​ജ്യ​ങ്ങ​ൾ ഖ​ത്ത​റി​നെ​തി​രെ ഏ​ർ​പ്പെ​ടു​ത്തി​യ ഉ​പ​രോ​ധ​ത്തി​നു​ശേ​ഷം ആ​ദ്യ​മാ​യാ​ണ്​ അ​മീ​ർ ശൈ​ഖ്​ ത​മിം ബി​ൻ ഹ​മ​ദ്​ ആ​ൽ​ഥാ​നി യു.​എ.​ഇ സ​ന്ദ​ർ​ശി​ക്കു​ന്ന​ത്. ഉ​പ​രോ​ധ​ത്തി​ന്​ മു​മ്പ്​ 2016ൽ ​ര​ണ്ടു ദി​വ​സ​ത്തെ ഔ​ദ്യോ​ഗി​ക സ​ന്ദ​ർ​ശ​ന​ത്തി​നാ​യി അ​മീ​ർ അ​ബൂ​ദ​ബി സ​ന്ദ​ർ​ശി​ച്ചി​രു​ന്നു. 2021 ജ​നു​വ​രി​യി​ൽ ഉ​പ​രോ​ധം പി​ൻ​വ​ലി​ച്ച​ശേ​ഷം, രാ​ജ്യ​ങ്ങ​ൾ ത​മ്മി​ൽ സൗ​ഹൃ​ദ​വും ബ​ന്ധ​വും പൂ​ർ​വ​നി​ല​യി​ലാ​യി.