സേവനങ്ങളെല്ലാം ഒാൺലൈനിലേക്ക്​

ദോഹ: ഖത്തറിലെ എല്ലാ സേവനങ്ങളും ഒാൺലൈൻ വഴിയാക്കുന്നതിനുള്ള വലിയ പദ്ധതിയുമായി ആഭ്യന്തരമന്ത്രാലയം. ജനകീയമായി മാറിയ ​'മെട്രാഷ്​' പദ്ധതി വിജയകരമായതിൻെറ തുടർച്ചയെന്നോണമാണ്​ ആഭ്യന്തരമന്ത്രാലയത്തിന്​ കീഴിലെ മുഴുവൻ സേവനങ്ങളും ഓൺലൈനിലേക്ക്​ മാറാൻ ഒരുങ്ങുന്നത്​. അതിനുള്ള തയാറെടുപ്പിലാണ്​ മന്ത്രാലയമെന്ന് പ്ലാനിങ് ആൻഡ് ക്വാളിറ്റി വിഭാഗം ഉപ മേധാവി ലെഫ്. കേണൽ ഖാലിദ് അബ്​ദുൽ അസീസ്​ അൽ മുഹന്നദി പറഞ്ഞു.

പൊതുജനങ്ങൾക്ക് വേണ്ടിയുള്ള എല്ലാ സേവനങ്ങളും ഇടപാടുകളും കൂടുതൽ വേഗത്തിലും എളുപ്പത്തിലുമാക്കുന്നതിനുള്ള പ്രവർത്തനങ്ങളിലാണ് ആഭ്യന്തരമന്ത്രാലയം. ഇടപാടുകൾ സുതാര്യമായതിനാലും വേഗത്തിലായതിനാലും മെട്രാഷ് കൂടുതൽ ജനകീയമായിരിക്കുകയാണ്. ഭൂരിഭാഗം സേവനങ്ങളും ഇപ്പോൾ വീട്ടിൽനിന്നുതന്നെ പൂർത്തിയാക്കാൻ സാധിക്കും. ഭാവിയിൽ മന്ത്രാലയത്തി​െൻറ എല്ലാ സേവനങ്ങളും വിരൽത്തുമ്പിലെത്തും -ലെഫ്. കേണൽ അൽ മുഹന്നദി വ്യക്തമാക്കി. ഖത്തർ റേഡിയോയുമായി സംസാരിക്കുകയായിരുന്നു അദ്ദേഹം.

ജനങ്ങൾക്ക് മികച്ചസേവനങ്ങൾ ലഭ്യമാക്കുന്നതിനാണ് പ്രഥമ പരിഗണന. ഇടപാടുകൾ കടലാസുരഹിതമാക്കണമെന്നതായിരുന്നു പ്രഥമ പദ്ധതിയിലെ ലക്ഷ്യങ്ങളിലൊന്ന്. ഇത് കോവിഡ് മഹാമാരിയെത്തുടർന്നുണ്ടായ പ്രതിസന്ധി കാലയളവിൽ ഏറെ പ്രയോജനം ചെയ്തു.

2011–2016 കാലയളവിലെ ആഭ്യന്തര മന്ത്രാലയത്തി​‍െൻറ പ്രഥമ സ്​ട്രാറ്റജിയുടെ ലക്ഷ്യം സുരക്ഷ നിലനിർത്തുകയും കുറ്റകൃത്യങ്ങൾ കുറക്കുകയുമായിരുന്നു. രണ്ടാം പദ്ധതിയിൽ കൂടുതൽ ലക്ഷ്യങ്ങൾ മുന്നോട്ടുവെച്ചു. സുരക്ഷ, സേവനങ്ങൾ, ഭരണനിർവഹണം, പബ്ലിക് റിലേഷൻസ്​ എന്നീ മേഖലകളിലായി 10 ലക്ഷ്യങ്ങളാണ് മന്ത്രാലയം മുന്നോട്ടുവെച്ചത്. ഇതിൽ ഏറ്റവും പ്രധാനപ്പെട്ടത് സുരക്ഷ ഉറപ്പാക്കുകയും കുറ്റകൃത്യങ്ങൾ കുറക്കുകയുമാണ്.

ജനങ്ങൾക്കുള്ള സേവനങ്ങൾ ലഭ്യമാക്കുകയെന്നതാണ് മറ്റൊരു ലക്ഷ്യം. 2022 ലോകകപ്പ് പോലെയുള്ള സന്ദർശകർ കൂടുതൽ എത്തുന്ന മെഗാ ഇവൻറുകളുടെ സുരക്ഷാക്ഷമത ഉറപ്പാക്കുകയും മറ്റൊരു ലക്ഷ്യമാണ് -അദ്ദേഹം വിശദീകരിച്ചു.ലോകകപ്പ് ടൂർണമെൻറിന് ആഭ്യന്തരമന്ത്രാലയം പ്രത്യേക പ്രാധാന്യം തന്നെ നൽകിയിട്ടുണ്ട്. അദ്ദേഹം വ്യക്തമാക്കി.

മെട്രാഷ് ​2; ഒറ്റക്ലിക്കിൽ എല്ലാ സേവനങ്ങളും

ആഭ്യന്തര മന്ത്രാലയത്തിന്​ കീഴിലെ സേവനങ്ങളെല്ലാം ഒരു കുടക്കീഴിലാക്കുന്ന 'മെട്രാഷ്​' പദ്ധതി വൻ വിജയമായി മാറിയതാണ്​ സമ്പൂർണ ഓൺലൈൻ പദ്ധതിയിലേക്ക്​ നീങ്ങാൻ അധികൃതരെ പ്രേരിപ്പിക്കുന്നത്​. സ്വദേശികളും വിദേശികളും ഉൾപ്പെടെ രാജ്യത്ത്​ താമസിക്കുന്നവർക്ക്​ സർക്കാറുമായി ബന്ധപ്പെട്ട സേവനങ്ങൾക്കെല്ലാം ആശ്രയിക്കാവുന്ന ആപ്ലിക്കേഷനായി 'മെട്രാഷ്​' ചുരുങ്ങിയ കാലത്തിനുള്ളിലാണ്​ അവശ്യ പ്ലാറ്റ്​ഫോമായി മാറിയത്​.

റെസിഡൻസ്​ പെർമിറ്റ്​ പുതുക്കൽ, വിസ അപേക്ഷകൾ, ഡ്രൈവിങ്​ ലൈസൻസ്​ അപേക്ഷയും പുതുക്കലും, വാഹന ഉടമസ്​ഥാവകാശം മാറ്റൽ, ട്രാഫിക്​ കുറ്റകൃത്യങ്ങളുടെ പരിശോധന, പിഴചുമത്തിയോ എന്നറിയൽ, ആക്​സിഡൻറൽ ​െക്ലയിം, മേളകളും പരിപാടികളും നടത്താനുള്ള അനുമതി തേടൽ തുടങ്ങി 150ഓളം സർക്കാർ സേവനങ്ങളുടെ പ്ലാറ്റ്​ഫോമായി 'മെട്രാഷ് ​2' മാറി. പൊതുജനങ്ങൾക്ക്​ സർക്കാർ ഓഫിസുകൾ കയറിയിറങ്ങാതെ ഒറ്റക്ലിക്കിൽ എല്ലാ സേവനവും ഉറപ്പാക്കാനും പരിഹരിക്കാനുമുള്ള സംവിധാനമായി മെട്രാഷ്​ മാറി.

2006ൽ മൊബൈൽ ഉപയോക്​താക്കൾക്ക്​ എസ്​.എം.എസിലൂടെ ആരംഭിച്ച സേവനസംവിധാനമാണ്​ ഇന്ന്​​ ലോകരാജ്യങ്ങൾക്കിടയിൽ തന്നെ ശ്രദ്ധേയമായി മാറി 'മെട്രാഷ്​' ആപ്ലിക്കേഷനായി മാറിയത്​. കഴിഞ്ഞ അഞ്ചുവർഷ ത്തിനിടെയാണ്​ ഈ സേവനം കൂടുതൽ ജനകീയമായി മാറിയത്​. അഞ്ച്​ മിനിറ്റിനുള്ളിൽ ആവശ്യങ്ങൾ നിറവേറ്റാനുള്ള ഉപാധിയായി ഇത്​ മാറി. രാജ്യത്തെ താമസക്കാരായ 18 വയസ്സ്​ തികഞ്ഞ ആർക്കും ​േപ്ല സ്​റ്റോറിൽനിന്ന്​ ആപ്​ ഡൗൺലോഡ്​ ചെയ്​ത്​ മൊബൈൽ നമ്പറും, ക്യൂ.ഐഡിയും ഉപയോഗിച്ച്​ രജിസ്​റ്റർ ചെയ്യാം. അറബി, ഇംഗ്ലീഷ്​, ഫ്രഞ്ച്​, സ്​പാനിഷ്​, മലയാളം, ഉർദു ഭാഷകളിൽ ആപ്പിലെ സേവനം ലഭ്യമാണ്​.

സേവനങ്ങൾ ലളിതം, അതിവേഗം

അഞ്ചു വർഷത്തിലേറെയായി എച്ച്​.ആർ വിഭാഗത്തിൽ ജോലിചെയ്യുന്ന ഫാസില സൈതലവി ഓൺലൈൻ വഴിയുടെ സേവനങ്ങളുടെ നേട്ടം വിലയിരുത്തുന്നു.'ഓഫിസ്​ സമയത്തേ ജോലികൾ ചെയ്യാൻ കഴിയൂ എന്ന അവസ്​ഥ മാറി. ഇപ്പോൾ ഓഫിസിലും വീട്ടിലുമിരുന്ന്​ ഏത്​ സമയത്തും നമ്മൾക്ക്​ അപേക്ഷകൾ നൽകാനും മറ്റും കഴിയുന്നു എന്നതാണ്​ സേവനങ്ങൾ ഓൺലൈനായതോടെ ലഭിക്കുന്ന ഏറ്റവും വലിയ നേട്ടം. പി.ആർ.ഒ, അല്ലെങ്കിൽ, ഓഫിസ്​ അസിസ്​റ്റൻറ്​ എന്നിവരുടെയൊന്നും ആശ്രയമില്ലാതെ ജീവനക്കാരുമായി ബന്ധ​പ്പെട്ട നടപടികൾ പൂർത്തിയാക്കാം. ഒരു ലാപ്​ടോപ്പും കാർഡും ഉണ്ടെങ്കിൽ എവി​െട ഇരുന്നും സർക്കാർ സംബന്ധമായ സേവനങ്ങൾ ലഭ്യമാക്കാൻ കഴിയും.

പോർട്ടലും ആപ്ലിക്കേഷനുമെല്ലാം ലളിതവും അനായാസം ഉപയോഗിക്കാൻ കഴിയുന്നതുമാണ്​. രണ്ട്​ തവണ ഉപയോഗിക്കുന്നതോടെ ആർക്കും കാര്യങ്ങൾ പഠിച്ചെടുക്കാം. പിഴവുകളൊന്നുമില്ലെങ്കിൽ നമ്മുടെ അപേക്ഷകൾക്ക്​ ഏറ്റവും വേഗത്തിൽ അംഗീകരവും ലഭിക്കുമെന്നാണ്​ വ്യക്​തിപരമായ അനുഭവം

ഫാസില സൈതലവി (എച്ച്​.ആർ കോഒാഡിനേറ്റർ, ശാന്തിനികേതൻ ഇന്ത്യൻ സ്​കൂൾ, ദോഹ)