ഗെ​റ്റ് സെ​റ്റ് ഗോ... ​ഖ​ത്ത​ർ റ​ണ്ണിന് വി​സി​ൽ മു​ഴ​ക്കം

ദോഹ: ലോ​ക​ക​പ്പ് ഫു​ട്ബാ​ൾ ആ​ര​വം ഒ​ഴി​ഞ്ഞ ഖ​ത്ത​റി​ന്റെ മ​ണ്ണി​ൽ പു​തു കാ​യി​കാ​വേ​ശം പ​ക​ർ​ന്ന് ‘അ​ൽ സ​മാ​ൻ എ​ക്സ്ചേ​ഞ്ച് റി​യാ​മ​ണി-​ഗ​ൾ​ഫ് മാ​ധ്യ​മം ഖ​ത്ത​ർ റ​ണ്ണി’​ന് വി​സി​ൽ മു​ഴ​ക്കം. വെ​ള്ളി​യാ​ഴ്​​ച സൂ​ര്യോ​ദ​യ​ത്തി​നു പി​ന്നാ​ലെ ദേ​ശ, ഭാ​ഷ, ലിം​ഗ വ്യ​ത്യാ​സ​മി​ല്ലാ​തെ, വി​വി​ധ രാ​ജ്യ​ക്കാ​രും പ​ല പ്രാ​യ​ക്കാ​രും ഒ​രേ ട്രാ​ക്കി​ൽ ഒ​രു ല​ക്ഷ്യ​ത്തി​ലേ​ക്കു​ കു​തി​ക്കും. ലോ​ക​ക​പ്പ് ഫു​ട്ബാ​ൾ വേ​ള​യി​ൽ ലോ​ക​മെ​ങ്ങു​മു​ള്ള കാ​ൽ​പ​ന്ത് ആ​രാ​ധ​ക​രു​ടെ മ​ന​സ്സി​ൽ ഇ​ടം​പി​ടി​ച്ച അ​ൽ​ബി​ദ പാ​ർ​ക്കി​ന്റെ പ​ച്ച​പ്പി​നു ന​ടു​വി​ൽ റേ​സി​ങ് ട്രാ​ക്കി​ലൂ​ടെ​യാ​ണ് വി​വി​ധ കി​ലോ​മീ​റ്റ​ർ വി​ഭാ​ഗ​ങ്ങ​ളി​ലെ പോ​രാ​ട്ട​ത്തി​ന് വി​സി​ൽ മു​ഴ​ങ്ങു​ക.

60ഓ​ളം രാ​ജ്യ​ങ്ങ​ളി​ൽ​നി​ന്നാ​യി 700ഓ​ളം കാ​യി​ക താ​ര​ങ്ങ​ൾ മ​ത്സ​രി​ക്കു​ന്ന ‘ഖ​ത്ത​ർ റ​ൺ’​നാ​ലാം പ​തി​പ്പി​ന് വെ​ള്ളി​യാ​ഴ്ച രാ​വി​ലെ ആ​റി​ന് തു​ട​ക്കം​കു​റി​ക്കും. ഏ​ഴി​നാ​ണ് വി​വി​ധ ദൂ​ര വി​ഭാ​ഗ​ങ്ങ​ളി​ലെ ഓ​ട്ട​ത്തി​ന് വി​സി​ൽ മു​ഴ​ങ്ങു​ന്ന​ത്. ട്രാ​ക്കി​ലെ പോ​രാ​ട്ട​ങ്ങ​ൾ​ക്ക് തു​ട​ക്കം​കു​റി​ക്കു​ന്ന​തി​നു​മു​മ്പ് ആ​റോ​ടെ വി​വി​ധ പ്ര​ദ​ർ​ശ​ന പ​രി​പാ​ടി​ക​ൾ അ​ൽ​ബി​ദ​യി​ലെ മ​ത്സ​ര​വേ​ദി​യി​ൽ അ​ര​ങ്ങേ​റും. സും​ബ സെ​ഷ​ൻ​സ്, എ​യ്റോ​ബി​ക് സെ​ഷ​ൻ, ഇ​ന്റ​ർ​വെ​ൽ ട്രെ​യി​നി​ങ്, പ്രീ ​റ​ൺ വാം​അ​പ് ആ​ൻ​ഡ് പോ​സ്റ്റ് റ​ൺ കൂ​ൾ ഡൗ​ൺ എ​ക്സ​ർ​സൈ​സ് എ​ന്നി​വ​യി​ൽ വി​ദ​ഗ്ധ​രു​ടെ പ്ര​ദ​ർ​ശ​ന പ​രി​പാ​ടി​ക​ൾ പാ​ർ​ക്കി​ൽ അ​വ​ത​രി​പ്പി​ച്ച​ശേ​ഷ​മാ​വും മ​ത്സ​ര​ത്തി​ന് തു​ട​ക്ക​മാ​വു​ന്ന​ത്.

2020ൽ ​തു​ട​ങ്ങി ക​ഴി​ഞ്ഞ മൂ​ന്നു വ​ർ​ഷ​ത്തി​നി​ട​യി​ൽ ഖ​ത്ത​റി​​ലെ വി​വി​ധ രാ​ജ്യ​ക്കാ​രാ​യ കാ​യി​ക​പ്രേ​മി​ക​ളു​ടെ പ​ട്ടി​ക​യി​ൽ ഇ​ടം​പി​ടി​ച്ചു​ക​ഴി​ഞ്ഞ ഖ​ത്ത​ർ റ​ൺ നാ​ലാം പ​തി​പ്പി​ന് ആ​വേ​ശ​ത്തോ​ടെ​യാ​ണ് താ​ര​ങ്ങ​ൾ കാ​ത്തി​രി​ക്കു​ന്ന​ത്. മ​ത്സ​ര​ത്തി​ന്റെ ത​യാ​റെ​ടു​പ്പു​ക​ളെ​ല്ലാം പൂ​ർ​ത്തി​യാ​യി. ര​ജി​സ്​​ട്രേ​ഷ​ൻ നേ​ര​ത്തേ​ത​ന്നെ അ​വ​സാ​നി​പ്പി​ച്ചി​രു​ന്നു. ജ​ഴ്​​സി, ഇ​ല​ക്ട്രോ​ണി​ക് ബി​ബ് ഉ​ൾ​പ്പെ​ടെ കി​റ്റ് വി​ത​ര​ണ​വും പൂ​ർ​ത്തി​യാ​യി. ഇ​നി കു​തി​ച്ചു​പാ​യാ​നു​ള്ള വി​സി​ൽ മു​ഴ​ങ്ങേ​ണ്ട താ​മ​സം മാ​ത്രം. സ്മാ​ർ​ട്ട്​ ബി​ബ്​ ഉ​പ​യോ​ഗി​ച്ചാ​ണ്​ മ​ത്സ​രം ന​ട​ക്കു​ന്ന​ത്.

പ​ല ദൂ​ര​ം 20 വിഭാഗം

10 കി​ലോ​മീ​റ്റ​ർ, അ​ഞ്ചു കി​ലോ​മീ​റ്റ​ർ, മൂ​ന്നു കി​ലോ​മീ​റ്റ​ർ, കു​ട്ടി​ക​ൾ​ക്കു​ള്ള 800 മീ​റ്റ​ർ എ​ന്നി​വ​യി​ലാ​ണ് മ​ത്സ​ര​ങ്ങ​ൾ അ​ര​ങ്ങേ​റു​ന്ന​ത്. മു​ൻ സീ​സ​ണു​ക​ളേ​ക്കാ​ൾ രാ​ജ്യ​ക്കാ​രു​ടെ​യും അ​ത്‍ല​റ്റു​ക​ളു​ടെ​യും പ​ങ്കാ​ളി​ത്തം ശ്ര​ദ്ധേ​യ​മാ​ണ്.

നാ​ല് ദൂ​ര വി​ഭാ​ഗ​ങ്ങ​ളി​ലാ​യി പു​രു​ഷ-​വ​നി​ത​ക​ൾ​ക്കാ​യി 20 കാ​റ്റ​ഗ​റി​ക​ളി​ലാ​യാ​ണ് മ​ത്സ​രം ന​ട​ക്കു​ന്ന​ത്. എ​ല്ലാം വി​ഭാ​ഗ​ത്തി​ലെ​യും വി​ജ​യി​ക​ൾ​ക്ക് ആ​ക​ർ​ഷ​ക​മാ​യ സ​മ്മാ​ന​ങ്ങ​ൾ കാ​ത്തി​രി​ക്കു​ന്നു​ണ്ട്. ഇ​തി​നു പു​റ​മെ, പ​​ങ്കെ​ടു​ത്ത് മ​ത്സ​രം പൂ​ർ​ത്തി​യാ​ക്കു​ന്ന എ​ല്ലാ അ​ത്‍ല​റ്റു​ക​ൾ​ക്കും ‘ഖ​ത്ത​ർ റ​ൺ’​മെ​ഡ​ലും സ​മ്മാ​നി​ക്കും. മ​ത്സ​ര​ത്തി​ന്റെ ഒ​ന്ന​ര, ര​ണ്ട​ര കി​ലോ​മീ​റ്റ​ർ ഇ​ട​വേ​ള​യി​ൽ വാ​ട്ട​ർ സ്റ്റേ​ഷ​ൻ, മെ​ഡി​ക്ക​ൽ സ​പ്പോ​ർ​ട്ട് എ​ന്നി​വ​യും സ​ജ്ജ​മാ​ണ്.

17 മു​ത​ൽ 39 വ​യ​സ്സു​വ​രെ പ്രാ​യ​മു​ള്ള​വ​ർ​ക്ക് ഓ​പ​ൺ വി​ഭാ​ഗ​ത്തി​ലാ​ണ് മ​ത്സ​രം. മൂ​ന്ന് ദൂ​ര​ങ്ങ​ളി​ലും ഈ ​വി​ഭാ​ഗ​ക്കാ​ർ​ക്ക് മ​ത്സ​രി​ക്കാം. 40ന് ​മു​ക​ളി​ൽ പ്രാ​യ​മു​ള്ള​വ​രാ​ണ് മാ​സ്റ്റേ​ഴ്സ് വി​ഭാ​ഗ​ത്തി​ൽ മ​ത്സ​രി​ക്കു​ന്ന​ത്. ഏ​ഴു മു​ത​ൽ ഒ​മ്പ​തു വ​യ​സ്സു​വ​രെ​യു​ള്ള​വ​ർ പ്രൈ​മ​റി വി​ഭാ​ഗ​ത്തി​ലും 10 മു​ത​ൽ 12 വ​രെ​യു​ള്ള​വ​ർ സെ​ക്ക​ൻ​ഡ​റി വി​ഭാ​ഗ​ത്തി​ലും 13 മു​ത​ൽ 16 വ​രെ​യു​ള്ള​വ​ർ ജൂ​നി​യ​ർ വി​ഭാ​ഗ​ത്തി​ലു​മാ​യി മാ​റ്റു​ര​ക്കും. മൂ​ന്നു മു​ത​ൽ ആ​റു വ​യ​സ്സു​വ​രെ​യു​ള്ള​വ​രാ​ണ് 800 മീ​റ്റ​ർ മി​നി കി​ഡ്സ് വി​ഭാ​ഗ​ത്തി​ൽ മാ​റ്റു​ര​ക്കു​ന്ന​ത്.

പ​​ങ്കെ​ടു​ക്കു​ന്ന​വ​രി​ൽ കൂ​ടു​ത​ലും ഖ​ത്ത​രി പൗ​ര​ന്മാ​രാ​ണ്. ഇ​വ​ർ​ക്കു​ പു​റ​മെ ബ്രി​ട്ട​ൻ, ഫി​ലി​പ്പീ​ൻ​സ്, ഈ​ജി​പ്​​ത്​ തു​ട​ങ്ങി വി​വി​ധ രാ​ജ്യ​ക്കാ​രു​ടെ​യും പ​ങ്കാ​ളി​ത്തം കു​റ​വ​ല്ല. അ​യ​ർ​ല​ൻ​ഡ്, ബ​ൾ​ഗേ​റി​യ, ഫ്രാ​ൻ​സ്, യു​ക്രെ​യ്​​ൻ, റ​ഷ്യ, ലി​ബി​യ, ഇ​റ്റ​ലി, കാ​ന​ഡ, ജ​പ്പാ​ൻ, പോ​ർ​ചു​ഗ​ൽ, ശ്രീ​ല​ങ്ക, പാ​കി​സ്​​താ​ൻ, ന്യൂ​സി​ല​ൻ​ഡ്, യു.​എ.​ഇ, ബെ​ൽ​ജി​യം, ചൈ​ന, സ്വീ​ഡ​ൻ, ജ​ർ​മ​നി, ലി​ബി​യ, സി​റി​യ, ജോ​ർ​ഡ​ൻ, സൗ​ദി അ​റേ​ബ്യ തു​ട​ങ്ങി വി​വി​ധ രാ​ജ്യ​ക്കാ​രു​ടെ പ​ങ്കാ​ളി​ത്തം കൊ​ണ്ട്​ ശ്ര​ദ്ധേ​യ​മാ​ണ്​ ഖ​ത്ത​ർ റ​ൺ.

മാറ്റൊരുക്കാൻ ഇവോയും എലിനയും

ഖത്തർ റണ്ണിൽ മാറ്റുരക്കാനുള്ള ആവേശത്തിലാണ് ദമ്പതികളായ എലിനയും ഇവോയും. സ്പാനിഷുകാരിയായ എലിന പേഴ്സണൽ ട്രെയിനറായി രണ്ടു വർഷത്തിൽ അധികമായി ഖത്തറിൽ പ്രവർത്തിക്കുന്നു. അർജന്റീനക്കാരാനായ ഇവോ വെറ്റിനറി ഡോക്ടറാണ്. സ്​പോർട്സും വ്യായാമവും ജീവിത ചര്യയാക്കിയ ഇരുവരും ഖത്തർ റൺ സീരീസിൽ പങ്കാളികളാകാനുള്ള ഒരുക്കത്തിലാണ്. പരിശീലനവുമായി മത്സരത്തിനുള്ള കാത്തിരിപ്പിലാണ് തങ്ങളെന്ന് കിറ്റ് ഏറ്റുവാങ്ങികൊണ്ട് എലിനയും ഇവോയും പറഞ്ഞു.

പത്ത് കിലോമീറ്ററോടാൻ പീറ്റർ ആന്റണി

സൈക്ലിങ്ങ് പതിവാക്കിയ ഫിലിപ്പിൻസുകാരൻ പീറ്റർ ആന്റണി ടാൽഡെ ഖത്തറിലെ മാരത്തൺ ഓട്ടങ്ങളിലും പതിവുകാരനാണ്. പത്ത് കിലോമീറ്ററിൽ മത്സരിക്കുന്ന പീറ്റർ കൃത്യമായ പരിശീലനവുമായാണ് മത്സരത്തിന് ഒരുങ്ങുന്നത്. ഇത്തവണയും മികച്ച മത്സരം കാഴ്ചവെക്കാൻ കഴിയുമെന്ന് സൈക്ലിങ്ങ് താരം പറയുന്നു.