അൽ സമാൻ എക്സ്ചേഞ്ച് മൻസൂറയിൽ
text_fields
അൽ സമാൻ എക്സ്ചേഞ്ച് അൽ മൻസൂറ ബ്രാഞ്ച് ഉദ്ഘാടനം അജ്‍ലാൻ അൽ ഇനാസി, അബ്ദുല്ല അഹമ്മദ് അൽ സമാൻ എന്നിവർ ചേർന്ന് നിർവഹിക്കുന്നു
ദോഹ: ഖത്തറിലെ പ്രശസ്ത പണവിനിമയ സ്ഥാപനമായ അൽ സമാൻ എക്സ്ചേഞ്ചിന്റെ 16ാമത് ബ്രാഞ്ച് അൽ മൻസൂറയിൽ പ്രവർത്തനമാരംഭിച്ചു. ഖത്തർ റെയിൽ സ്ട്രാറ്റജി ആൻഡ് ബിസിനസ് ഡെവലപ്മെന്റ് മേധാവി അജ്‍ലാൻ അൽ ഇനാസി, ഉരീദു ഗ്രൂപ് ചീഫ് ഫിനാൻസ് ഓഫിസർ അബ്ദുല്ല അഹമ്മദ് അൽ സമാൻ എന്നിവർ ചേർന്ന് പുതിയ ശാഖയുടെ ഉദ്ഘാടനം നിർവഹിച്ചു. അൽ സമാൻ എക്സ്ചേഞ്ച് ജനറൽ മാനേജർ കൊട്ടികുളം അൻവർ സാദത്ത്, ഓപറേഷൻസ് മാനേജർ ഡോ. സുബൈർ അബ്ദുൽ റഹ്മാൻ, ഖത്തർ റെയിൽ പ്രതിനിധി മുസമ്മിൽ പഠാൻ, മുഹമ്മദ് സിദ്ദീഖ് സയാനി, മറ്റു മുതിർന്ന ഉദ്യോഗസ്ഥർ എന്നിവരും ചടങ്ങിൽ പങ്കെടുത്തു.