അൽ ഖുഫൂസ്​ സ്​ട്രീറ്റ് തുറന്നു; ഗതാഗതം കൂടുതൽ സുഗമം

ദോ​ഹ: അ​ൽ ഫു​റൂ​സി​യ സ്​​ട്രീ​റ്റി​നെ​യും സ​ബാ​ഹ് അ​ൽ അ​ഹ്മ​ദ് ഇ​ട​നാ​ഴി​യെ​യും ബ​ന്ധി​പ്പി​ക്കു​ന്ന 3.7 കി​ലോ​മീ​റ്റ​ർ നീ​ള​മു​ള്ള അ​ൽ ഖു​ഫൂ​സ്​ സ്​​ട്രീ​റ്റ് പൊ​തു​മ​രാ​മ​ത്ത് വ​കു​പ്പ് അ​ശ്ഗാ​ൽ ഗ​താ​ഗ​ത​ത്തി​നാ​യി തു​റ​ന്നു​കൊ​ടു​ത്തു.അ​ൽ മു​റൈ​ഖ്, അ​ൽ മി​ഹൈ​രി​ജ, ലു​ഐ​ബ് എ​ന്നീ പ്ര​ദേ​ശ​ങ്ങ​ളി​ലെ​യും സ​മീ​പ​പ്ര​ദേ​ശ​ങ്ങ​ളി​ലെ സ്​​കൂ​ളു​ക​ളി​ലേ​ക്കും കാ​യി​ക, വാ​ണി​ജ്യ കേ​ന്ദ്ര​ങ്ങ​ളി​ലേ​ക്കു​മു​ള്ള ഗ​താ​ഗ​തം സു​ഗ​മ​മാ​ക്കു​ന്ന​തി​ൽ പു​തി​യ പാ​ത വ​ലി​യ പ​ങ്ക് വ​ഹി​ക്കും. ദോ​ഹ എ​ക്സ്​​പ്ര​സ്​ വേ​യി​ൽ നി​ന്നും സ​മാ​ന്ത​ര​മാ​യി അ​ൽ വ​അ​ബ് സ്​​ട്രീ​റ്റ് ഉ​പ​യോ​ഗി​ക്കാ​തെ മി​ഹൈ​രി​ജ​യി​ലേ​ക്കും മു​റൈ​ഖി​ലേ​ക്കും എ​ത്തി​ച്ചേ​രാ​ൻ അ​ൽ ഖു​ഫൂ​സ്​ സ്​​ട്രീ​റ്റി​ലൂ​ടെ സാ​ധി​ക്കും. മേ​ഖ​ല​യി​ലെ ഗ​താ​ഗ​തം സു​ഗ​മ​മാ​ക്കു​ന്ന അ​ൽ ഖു​ഫൂ​സ്​ സ്​​ട്രീ​റ്റി​ൽ ഇ​രു​വ​ശ​ത്തേ​ക്കും മൂ​ന്ന് പാ​ത​ക​ളാ​ണ് ഗ​താ​ഗ​ത​ത്തി​നാ​യി സ​ജ്ജ​മാ​ക്കി​യി​രി​ക്കു​ന്ന​ത്. മ​ണി​ക്കൂ​റി​ൽ 10,000 വാ​ഹ​ന​ങ്ങ​ളെ ഉ​ൾ​ക്കൊ​ള്ളാ​ൻ സാ​ധി​ക്കു​ന്ന പാ​ത, യാ​ത്രാ സ​മ​യം 60 ശ​ത​മാ​നം കു​റ​ക്കു​ക​യും ചെ​യ്യും.

അ​ൽ റ​യ്യാ​ൻ, വെ​സ്​​റ്റ് ദോ​ഹ എ​ന്നി​വി​ട​ങ്ങ​ളി​ൽ​നി​ന്നും ഉം ​അ​ൽ ജ​മാ​ജിം, മി​ഹൈ​രി​ജ, ഉം ​അ​ൽ തീ​ൻ സ്​​ട്രീ​റ്റു​ക​ളി​ലൂ​ടെ സ​ബാ​ഹ് അ​ൽ അ​ഹ്മ​ദ് ഇ​ട​നാ​ഴി, ദോ​ഹ എ​ക്സ്​​പ്ര​സ്​ വേ​യി​ലെ അ​ൽ അ​മീ​ർ സ്​​ട്രീ​റ്റ് എ​ന്നി​വി​ട​ങ്ങ​ളി​ലൂ​ടെ അ​ൽ സ​ദ്ദി​ലേ​ക്കു​ള്ള ഗ​താ​ഗ​ത​വും എ​ളു​പ്പ​മാ​ക്കാ​ൻ പു​തി​യ പാ​ത​യി​ലൂ​ടെ സാ​ധി​ക്കും.ഖ​ലീ​ഫ രാ​ജ്യാ​ന്ത​ര സ്​​റ്റേ​ഡി​യം, ആ​സ്​​പ​യ​ർ സോ​ൺ, വി​ല്ലേ​ജി​യോ മാ​ൾ, ഇ​ക്വ​സ്​​ട്രി​യ​ൻ ക്ല​ബ് എ​ന്നി​വി​ട​ങ്ങ​ളി​ലേ​ക്കു​ള്ള ഗ​താ​ഗ​ത​വും അ​ൽ ഖു​ഫൂ​സ്​ സ്​​ട്രീ​റ്റി​ലൂ​ടെ സു​ഗ​മ​മാ​കും.