Begin typing your search above and press return to search.
exit_to_app
exit_to_app
ഗസ്സയിലെ മാധ്യമസ്​ഥാപനങ്ങൾ തകർക്കൽ, അൽജസീറ അപലപിച്ചു
cancel
Homechevron_rightGulfchevron_rightQatarchevron_rightഗസ്സയിലെ...

ഗസ്സയിലെ മാധ്യമസ്​ഥാപനങ്ങൾ തകർക്കൽ, അൽജസീറ അപലപിച്ചു

text_fields
bookmark_border

ദോഹ: ഫലസ്​തീനിലെ ഗസ്സയിൽ പ്രവർത്തിക്കുന്ന അൽജസീറയുടേതടക്കമുള്ള മാധ്യമസ്​ഥാപനങ്ങളു​െട ഓഫിസുകൾ തകർത്ത ഇസ്രായേൽ നടപടിയിൽ ദോഹ ആസ്​ഥാനമായ അൽജസീറ ചാനൽ ശക്​തമായി അപലപിച്ചു. ലോകത്തെ സത്യമറിയിക്കുക എന്ന മാധ്യമപ്രവർത്തകരുടെ മഹത്തായ കർത്തവ്യത്തെ ഇല്ലാതാക്കാനുള്ള ഇസായേലിൻെറ ബോധപൂർവമായ ശ്രമങ്ങളാണ്​ ആക്രമത്തിന്​ പിന്നിൽ. അൽജസീറ, അസോസിയേറ്റഡ്​ പ്രസ്​ (എ.പി), മിഡിൽ ഈസ്​റ്റ്​ ഐ എന്നീ മാധ്യമസ്​ഥാപനങ്ങളുടെ ഓഫിസുകൾ ​പ്രവർത്തിക്കുന്ന ഗസ്സയിലെ അൽ ജല കെട്ടിടമാണ് ശനിയാഴ്​ച ഇസ്രായേൽ തകർത്തത്​. നിരവധി താമസക്കാരും ഇൗ കെട്ടിടത്തിലുണ്ട്​.

ബോംബ്​ വർഷിക്കുന്നതിന്​ ഒരു മണിക്കൂർ മുമ്പ്​ മാത്രമാണ്​ കെട്ടിടം ഒഴിയണമെന്ന അറിയിപ്പ്​ ഇസ്രായേൽ പട്ടാളം ഫോണിലൂടെ നൽകുന്നത്​. മാധ്യമങ്ങളു​െട ഓഫിസുകൾ തകർത്തതിനെതിരെ സാധ്യമാകുന്ന എല്ലാ നിയമനടപടികളും സ്വീകരിക്കും. ഉത്തരവാദിത്തത്തിൽ നിന്ന്​ ഇസ്രായേലിന്​ ഒഴിയാനാവില്ല. മാധ്യമങ്ങളുടെ വായ അടപ്പിക്കുന്ന മാധ്യമപ്രവർത്തകരെ ലക്ഷ്യംവെക്കുന്ന ആക്രമങ്ങൾ​െക്കതിരെ അന്താരാഷ്​ട്ര മാധ്യമങ്ങളും മനുഷ്യാവകാശ സംഘടനകളും ഇടപെടണമെന്നും അൽജസീറ ആഹ്വാനം ചെയ്​തു.

Show Full Article
TAGS:Al Jazeera gaza gaza under attack palestine israel 
News Summary - Al Jazeera condemns the destruction of media outlets in Gaza
Next Story