കി​രീ​ടവ​ര​ൾ​ച്ച മാ​റ്റി അ​ൽ ഗ​റാ​ഫ

ദോ​ഹ: അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി​യു​ടെ സാ​ന്നി​ധ്യം​കൊ​ണ്ട് ശ്ര​ദ്ധേ​യ​മാ​യ ഗാ​ല​റി​യെ സാ​ക്ഷി​യാ​ക്കി കി​രീ​ട വ​ര​ൾ​ച്ച​ക്ക് അ​ന്ത്യം കു​റി​ച്ച് അ​ൽ ഗ​റാ​ഫ. രാ​ജ്യ​ത്തെ ക്ല​ബ് ഫു​ട്ബാ​ളി​ലെ ഏ​റ്റ​വും തി​ള​ക്ക​മേ​റി​യ പോ​രാ​ട്ട​മാ​യ അ​മീ​ർ ക​പ്പ് ഫു​ട്ബാ​ളി​ന്റെ ക​ലാ​ശ​പ്പോ​രാ​ട്ട​ത്തി​ൽ അ​ൽ റ​യ്യാ​നെ വീ​ഴ്ത്തി അ​ൽ ഗ​റാ​ഫ കി​രീ​ട​മ​ണി​യു​മ്പോ​ൾ അ​വ​സാ​നി​ക്കു​ന്ന​ത് 13 വ​ർ​ഷ​ത്തെ കി​രീ​ട കാ​ത്തി​രി​പ്പു​കൂ​ടി​യാ​ണ്. ഖ​ലീ​ഫ സ്റ്റേ​ഡി​യ​ത്തെ സ​ജീ​വ​മാ​ക്കി​യ 38,000ത്തോ​ളം വ​രു​ന്ന കാ​ണി​ക​ളെ സാ​ക്ഷി​യാ​ക്കി​യാ​യി​രു​ന്നു അ​ൽ റ​യ്യാ​നെ 2-1ന് ​തോ​ൽ​പി​ച്ച് ഗ​റാ​ഫ​യു​ടെ കി​രീ​ട​വി​ജ​യം.

ഖ​ത്ത​ർ സ്റ്റാ​ർ​സ് ലീ​ഗി​ൽ 2010ലും, 2012​ൽ അ​മീ​ർ ക​പ്പി​ലും, 2011ൽ ​ക്രൗ​ൺ​സ് പ്രി​ൻ​സ് ക​പ്പി​ലു​മാ​യി മു​ത്ത​മി​ട്ട് കാ​ത്തി​രു​ന്ന അ​ൽ ഗ​റാ​ഫ​യു​ടെ നീ​ണ്ട​കാ​ല​ത്തെ കി​രീ​ട വ​ര​ൾ​ച്ച​ക്കാ​ണ് ഇ​ത്ത​വ​ണ അ​വ​സാ​ന​മാ​യ​ത്. ഇ​തി​നി​ട​യി​ൽ 2019ൽ ​നേ​ടി​യ ഖ​ത്ത​ർ സ്റ്റാ​ർ​സ് ക​പ്പ് കി​രീ​ടം മാ​ത്ര​മാ​യി​രു​ന്നു ഒ​രാ​ശ്വാ​സം. ഇ​ത്ത​വ​ണ സ്റ്റാ​ർ​സ് ലീ​ഗി​ൽ മൂ​ന്നാം സ്ഥാ​ന​ത്തെ​ത്തി മി​ക​ച്ച പ്ര​ക​ടം കാ​ഴ്ച​വെ​ച്ച​വ​ർ, കോ​ച്ച് പെ​ഡ്രോ മാ​ർ​ടി​ന​സി​നു കീ​ഴി​ലെ അ​തേ പ്ര​ക​ട​നം അ​മീ​ർ ക​പ്പി​ലും കാ​ഴ്ച​വെ​ച്ചു.

ക്വാ​ർ​ട്ട​ർ ഫൈ​ന​ലി​ൽ അ​ൽ സ​ദ്ദി​നെ​യും, സെ​മി​യി​ൽ സ​ലാ​ലി​നെ​യും വീ​ഴ്ത്തി​യ ഗ​റാ​ഫ, ഫൈ​ന​ലി​ൽ നാ​ലാം മി​നി​റ്റി​ൽ​ത​ന്നെ ഗോ​ളു​മാ​യി ക​ളി ത​ങ്ങ​ളു​ടേ​താ​ക്കി മാ​റ്റി​യി​രു​ന്നു. ആ​ദ്യ പ​കു​തി​യി​ൽ​ത​ന്നെ ര​ണ്ട് ഗോ​ൾ ​ലീ​ഡ് പി​ടി​ച്ചു. ര​ണ്ടാം പ​കു​തി​യി​ലെ 60ാം മി​നി​റ്റി​ൽ പ്ര​തി​രോ​ധ താ​രം ചു​വ​പ്പു​കാ​ർ​ഡു​മാ​യി പു​റ​ത്താ​യ​തോ​ടെ പ​ത്തി​ലേ​ക്ക് ചു​രു​ങ്ങി​യെ​ങ്കി​ലും പോ​രാ​ട്ടം വീ​ര്യം കൈ​വി​ട്ടി​ല്ല. ഹൊ​സേ​ലും, റോ​ഡ്രി​ഗോ, യാ​സി​ൻ ബ്രാ​ഹി​മി തു​ട​ങ്ങി​യ ഒ​രു​പി​ടി താ​ര​ങ്ങ​ളു​മാ​യി ടീ​മി​നെ കെ​ട്ടി​പ്പ​ടു​ത്താ​ണ് ഗ​റാ​ഫ ഇ​ത്ത​വ​ണ​യെ​ത്തി​യ​ത്.

ചാ​മ്പ്യ​ന്മാ​ർ​ക്ക് അ​മീ​റി​ന്റെ വി​രു​ന്ന്

ദോ​ഹ: അ​മീ​ർ ക​പ്പ് ഫു​ട്ബാ​ൾ ജേ​താ​ക്ക​ളാ​യ അ​ൽ ഗ​റാ​ഫ​ക്കും, റ​​ണ്ണേ​ഴ്സ് അ​പ്പാ​യ അ​ൽ റ​യ്യാ​നും അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽഥാ​നി​യു​ടെ ഉ​ച്ച​വി​രു​ന്ന്. ടീം ​അം​ഗ​ങ്ങ​ൾ, ടെ​ക്നി​ക്ക​ൽ, അ​ഡ്മി​നി​സ്ട്രേ​റ്റി​വ് സ്റ്റാ​ഫ് ഉ​ൾ​പ്പെ​ടെ അം​ഗ​ങ്ങ​ൾ​ക്കാ​ണ് ലു​​സൈ​ൽ പാ​ല​സി​ൽ വി​രു​ന്നൊ​രു​ക്കി​യ​ത്. ക​ളി​ക്കാ​രെ​യും അം​ഗ​ങ്ങ​ളെ​യും അ​മീ​ർ സ്വീ​ക​രി​ച്ചു.

ടൂ​ർ​ണ​മെ​ന്റ് സ്​​പോ​ൺ​സ​ർ ക​മ്പ​നി പ്ര​തി​നി​ധി​ക​ൾ, പ്ര​മു​ഖ മാ​ധ്യ​മ പ്ര​വ​ർ​ത്ത​ക​ർ, കാ​യി​ക താ​ര​ങ്ങ​ൾ എ​ന്നി​വ​രും പ​​ങ്കെ​ടു​ത്തു. അ​മീ​റി​ന്റെ വ്യ​ക്തി​ഗ​ത പ്ര​തി​നി​ധി ശൈ​ഖ് ജാ​സിം ബി​ൻ ഹ​മ​ദ് ആ​ൽ ഥാ​നി, ഖ​ത്ത​ർ ഒ​ളി​മ്പി​ക് ക​മ്മി​റ്റി പ്ര​സി​ഡ​ന്റ് ശൈ​ഖ് ജൂ​ആ​ൻ ബി​ൻ ഹ​മ​ദ് ആ​ൽ ഥാ​നി എ​ന്നി​വ​രും പ​​ങ്കെ​ടു​ത്തു.