അ​ന്നാ​ബി​ക്ക്​ ആ​ശം​സ​ക​ൾ; ഏ​ഷ്യ​ൻ ക​പ്പ്​ സെ​മി​യി​ൽ ഇ​ന്ന്​ ഇ​റാ​ൻ x ഖ​ത്ത​ർ പോ​രാ​ട്ടം

ദോ​ഹ: കാ​ത്തു​കാ​ത്തി​രി​ക്കു​ന്ന ച​രി​ത്ര​നേ​ട്ട​ത്തി​ലേ​ക്ക്​ ഇ​നി ര​ണ്ടു ചു​വ​ടു​മാ​ത്ര​മാ​ണ്​ അ​ക​ലം. 2019ൽ ​യു.​എ.​ഇ​യു​ടെ മ​ണ്ണി​ൽ ചൂ​ടി​യ വ​ൻ​ക​ര​യു​ടെ കി​രീ​ടം സ്വ​ന്തം മ​ണ്ണി​ൽ, നാ​ട്ടു​കാ​ർ​ക്കു​ മു​ന്നി​ൽ ചൂ​ടാ​നു​ള്ള ഖ​ത്ത​റി​ന്‍റെ സ്വ​പ്​​ന​ങ്ങ​ളി​ലേ​ക്ക്​ ര​ണ്ടു ക​ളി​യു​ടെ ദൂ​രം. ഏ​ഷ്യ​ൻ ക​പ്പ്​ സെ​മി​ഫൈ​ന​ലി​ലെ നി​ർ​ണാ​യ​ക അ​ങ്ക​ത്തി​ൽ ഹ​സ​ൻ ​അ​ൽ ഹൈ​ദോ​സും സം​ഘ​വും അ​ൽ​തു​മാ​മ സ്​​റ്റേ​ഡി​യ​ത്തി​ൽ ബു​ധ​നാ​ഴ്​​ച ഉ​ച്ച​ക്ക്​ ബൂ​ട്ടു​കെ​ട്ടു​​മ്പോ​ൾ മു​ന്നി​ൽ ക​രു​ത്ത​രാ​യ എ​തി​രാ​ളി​യാ​ണ്​ കാ​ത്തി​രി​ക്കു​ന്ന​ത്. ഏ​ഷ്യ​ൻ ക​പ്പി​ൽ മൂ​ന്നു ത​വ​ണ ജേ​താ​ക്ക​ളാ​യ ഇ​റാ​നാ​ണ്​ എ​തി​രാ​ളി. 1976നു​ശേ​ഷം കി​രീ​ടം അ​ക​ലെ​യാ​യ ഇ​റാ​ൻ, 2019ൽ ​സെ​മി​യി​ൽ വീ​ണു മ​ട​ങ്ങി​യ​തി​ന്‍റെ സ​ങ്ക​ടം തീ​ർ​ക്കാ​ൻ​കൂ​ടി​യാ​ണ്​ ഖ​ത്ത​റി​ലേ​ക്ക്​ വി​മാ​നം ക​യ​റു​ന്ന​ത്.

ഗ്രൂ​പ്​ ‘സി’​യി​ൽ​നി​ന്ന് മൂ​ന്നു​ ക​ളി​യും ജ​യി​ച്ച്​ ജേ​താ​ക്ക​ളാ​യ​വ​ർ, പ്രീ​ക്വാ​ർ​ട്ട​റി​ൽ സി​റി​യ​യെ പെ​നാ​ൽ​റ്റി ഷൂ​ട്ടൗ​ട്ടി​ലും കി​രീ​ട​പ്ര​തീ​ക്ഷ​യു​മാ​യെ​ത്തി​യ ജ​പ്പാ​നെ ക്വാ​ർ​ട്ട​ർ ഫൈ​ന​ലി​ലും തോ​ൽ​പി​ച്ചാ​ണ്​ സെ​മി​യി​ൽ ഇ​ടം​പി​ടി​ച്ച​ത്.

അ​തേ​സ​മ​യം, ഉ​ജ്ജ്വ​ല ഫോ​മി​ലാ​ണ്​ ഖ​ത്ത​റി​ന്‍റെ കു​തി​പ്പ്. ഗ്രൂ​പ്​ റൗ​ണ്ടി​ൽ ​ഒ​രു ഗോ​ൾ​പോ​ലും വ​ഴ​ങ്ങാ​തെ ജേ​താ​ക്ക​ളാ​യ​വ​ർ പ്രീ​ക്വാ​ർ​ട്ട​റി​ൽ ഫ​ല​സ്​​തീ​നെ 2-1ന്​ ​വീ​ഴ്​​ത്തി. അ​ൽ​ബെ​യ്​​ത്​ സ്​​റ്റേ​ഡി​യ​ത്തി​ൽ ന​ട​ന്ന ക്വാ​ർ​ട്ട​ർ ഫൈ​ന​ൽ അ​ങ്ക​ത്തി​ൽ ആ​വേ​ശ​ക​ര​മാ​യി​രു​ന്നു ആ​തി​ഥേ​യ​രു​ടെ സെ​മി പ്ര​വേ​ശ​നം. ഉ​സ്​​ബ​കി​സ്​​താ​നെ​തി​രെ ആ​ദ്യ പ​കു​തി​യി​ൽ നേ​ടി​യ ലീ​ഡ്​ പി​ന്നീ​ട്, ഗോ​ൾ വ​ഴ​ങ്ങി സ​മ​നി​ല​യി​ൽ ക​ലാ​ശി​ച്ചു. എ​ന്നാ​ൽ, ഷൂ​ട്ടൗ​ട്ടി​ലേ​ക്കു നീ​ണ്ട മ​ത്സ​ര​ത്തി​ൽ എ​തി​രാ​ളി​ക​ളു​ടെ കി​ക്കു​ക​ൾ സേ​വ്​ ചെ​യ്​​ത്​ ഗോ​ൾ​കീ​പ്പ​ർ മി​ഷാ​ൽ ബ​ർ​ഷിം ന​ട​ത്തി​യ മാ​സ്​​മ​രി​ക പ്ര​ക​ട​ന​ത്തി​ലൂ​ടെ നാ​ട്ടു​കാ​രെ സാ​ക്ഷി​യാ​ക്കി സെ​മി​യി​ലേ​ക്കു​ മു​ന്നേ​റി​യ ഖ​ത്ത​റി​ന്​ അ​തേ പി​ന്തു​ണ​ത​ന്നെ​യാ​കും ഇ​ന്നും ക​രു​ത്താ​കു​ന്ന​ത്.

ആ​ത്മ​വി​ശ്വാ​സം ക​രു​ത്താ​ക്കി ഖ​ത്ത​ർ

ഉ​സ്ബ​കി​സ്​​താ​നെ​തി​രാ​യ മ​ത്സ​ര​ത്തി​ൽ പ​രി​ക്കേ​റ്റ്​ ഡി​ഫ​ൻ​സി​വ്​ മി​ഡ്​ മു​ഹ​മ്മ​ദ്​ വാ​ദ്, സു​ൽ​ത്താ​ൻ അ​ൽ ബാ​രി​ക്​ എ​ന്നി​വ​രി​ല്ലാ​തെ​യാ​വും ഖ​ത്ത​ർ സെ​മി​യി​ലി​റ​ങ്ങു​ക. ടീ​മി​ന്‍റെ ആ​​ക്ര​മ​ണം അ​ക്രം അ​ഫി​ഫും അ​ൽ മു​ഈ​സ്​ അ​ലി​യും ന​യി​ക്കു​ന്ന മു​ന്നേ​റ്റ​നി​ര​യി​ൽ ത​ന്നെ​യാ​വും. ടൂ​ർ​ണ​മെ​ന്‍റി​ലു​ട​നീ​ളം അ​തി​വേ​ഗ ആ​ക്ര​മ​ണ​ത്തി​ലൂ​ടെ ക​ളി നി​യ​ന്ത്രി​ച്ച ഇ​രു​വ​രു​ടെ​യും കൂ​ട്ടു​ത​ന്നെ​യാ​വും ഖ​ത്ത​റി​ന്​ ക​രു​ത്താ​യി മാ​റു​ക.

ഒ​പ്പം, പ​രി​ച​യ സ​മ്പ​ന്ന​നാ​യ നാ​യ​ക​ൻ ഹ​സ​ൻ അ​ൽ ഹൈ​ദോ​സി​ന്‍റെ സാ​ന്നി​ധ്യ​വും നി​ർ​ണാ​യ​കം​ത​ന്നെ. സീ​റോ ചാ​ൻ​സി​ലും ഗോ​ൾ നേ​ടി ടീ​മി​നെ ഊ​ർ​ജം പ​ക​രു​ന്ന ഹൈ​ദോ​സി​ന്‍റെ പ്ര​ക​ട​നം ക​ഴി​ഞ്ഞ മ​ത്സ​ര​ങ്ങ​ളി​ൽ ക​ള​മ​റി​ഞ്ഞ​താ​ണ്. നാ​ലു​ ഗോ​ൾ നേ​ടി​യ ടൂ​ർ​ണ​മെ​ന്‍റ് ഗോ​ൾ​വേ​ട്ട​ക്കാ​രി​ൽ ര​ണ്ടാം സ്​​ഥാ​ന​ത്താ​ണ്​ അ​ക്രം അ​ഫി​ഫ്. ആ​റു​ ഗോ​ൾ നേ​ടി​യ ഇ​റാ​ഖി​ന്‍റെ അ​യ്​​മ​ൻ ഹു​സൈ​നെ മ​റി​ക​ട​ക്കാ​ൻ ഇ​നി സാ​ധ്യ​ത​യു​ള്ള താ​ര​വും അ​ക്രം അ​ഫി​ഫ്​ ത​ന്നെ. പ്ര​തി​രോ​ധ​ത്തി​ൽ ശ​ക്ത​മാ​യ സാ​ന്നി​ധ്യ​മാ​യി മാ​റി​യ ലൂ​കാ​സ്​ മെ​ൻ​ഡി​സും അ​ൽ​മ​ഹ്​​ദി​യു​മാ​ണ്​ ഖ​ത്ത​റി​ന്‍റെ ഗോ​ൾ​മു​ഖം ക​ഴി​ഞ്ഞ ക​ളി​ക​ളി​ലെ​ല്ലാം കോ​ട്ട​പോ​ലെ കാ​ത്തു സൂ​ക്ഷി​ക്കു​ന്ന​ത്.

സ​സ്​​പെ​ൻ​ഷ​ൻ കാ​ര​ണം അ​വ​സാ​ന അ​ങ്ക​ത്തി​ൽ​നി​ന്നു പു​റ​ത്താ​യ ​മെ​ഹ്​​ദി ത​രി​മി​യു​ടെ തി​രി​ച്ചു​വ​ര​വാ​ണ്​ ഇ​റാ​ന്​ ആ​ത്മ​വി​ശ്വാ​സം പ​ക​രു​ന്ന​ത്. ക​രു​ത്ത​രാ​യ ജ​പ്പാ​നെ​തി​രെ ര​ണ്ടാം പ​കു​തി​യി​ൽ സ​മ്പൂ​ർ​ണ ആ​​ക്ര​മ​ണ​ത്തി​ലൂ​ടെ ക​ളി തി​രി​ച്ചു​പി​ടി​ച്ച ഇ​റാ​നി​യ​ൻ ശൈ​ലി​യി​ൽ വി​ശ്വാ​സ​മ​ർ​പ്പി​ച്ചാ​വും കോ​ച്ച്​ ആ​മി​ർ ഗാ​ലി​നൂ​യി ടീ​മി​നെ ഒ​രു​ക്കു​ന്ന​ത്.