ഖത്തറിലെ ആദ്യ ഇന്ത്യൻ സർവകലാശാല കാമ്പസിലേക്ക്​ പ്രവേശനം തുടങ്ങി

ദോഹ: ഇന്ത്യൻ സർവകലാശാലയുടെ ഖത്തറിലെ ആദ്യ കാമ്പസിലേക്കുള്ള പ്രവേശനം തുടങ്ങി. പുണെ സാവിത്രി ഭായ് ഫുലെ യൂനിവേഴ്സിറ്റിയുടെ (എസ്​.പി.യു) ഖത്തറി​െല കാമ്പസിലേക്കാണ്​ രജിസ്​ട്രേഷൻ ആരംഭിച്ചത്​. ബർവ അബൂഹമൂറിലാണ്​ പുതിയ കാമ്പസ്​ പ്രവർത്തിക്കുന്നത്​. വിലാസം: ARKAN BUILDING 29, BARWA COMMERCIAL AVNEUE. ബാച്ച്​ലർ ഓഫ്​ ബിസിനസ്​ അഡ്​മിനിസ്​​ട്രേഷൻ, ബാച്ച്​ലർ ഓഫ്​ കോമേഴ്​സ്​, ബാച്ച്​ലർ ഓഫ്​ ആർട്​സ്​, ബാച്ച്​ലർ ഓഫ്​ സയൻസ്​ ബയോടെക്​നോളജി എന്നീ ബിരുദകോഴ്​സുകളാണ്​ ആദ്യഘട്ടത്തിൽ ഉണ്ടാവുക. www.miesppu.edu.qa എന്ന വെബ്​സൈറ്റിൽ വിശദവിവരങ്ങൾ ലഭ്യമാണ്​. ഫോൺ: +974 5500 8444. ഇ-മെയിൽ: info@miesppu.edu.qa.

1949ൽ മഹാരാഷ്​ട്രയിൽ സ്​ഥാപിതമായ പുണെ സാവിത്രി ഭായ് ഫുലെ യൂനിവേഴ്സിറ്റി ഇന്ത്യയിലെ മികച്ച ഏഴാമത്തെ സർവകലാശാലയാണ്​.ഖത്തറിലെ കാമ്പസിൽ പ്രതിവർഷം 300 വിദ്യാർഥികൾക്കാണ്​ പ്രവേശനം. നാലാംവർഷത്തോടെ ആകെ വിദ്യാർഥികൾ ആയിരത്തിൽ അധികമാകും. കഴിഞ്ഞ വർഷം സെപ്​റ്റംബറിലാണ്​ ഖത്തർ കാമ്പസ്​ തുറക്കാൻ ലക്ഷ്യമിട്ടിരുന്നത്​. എന്നാൽ, കോവിഡ്​ സാഹചര്യത്തിൽ നീണ്ടുപോകുകയായിരുന്നു. ഖത്തർ വിദ്യാഭ്യാസമന്ത്രാലയം ഇന്ത്യയിലെ യൂനിവേഴ്​സിറ്റി അധികൃതരുമായി അക്കാദമിക കാര്യങ്ങൾ ചർച്ച നടത്തിയിരുന്നു. പുതിയ കാമ്പസി​‍െൻറ ഖത്തറിലെ ​െകട്ടിടം ഖത്തർ വിദ്യാഭ്യാസമന്ത്രാലയം അധികൃതരും നേരത്തേ സന്ദർശിച്ചിരുന്നു.

ഡി.പി.എസ്.എം.ഐ.എസ് ഗ്രൂപ്പാണ്​ പുതിയ കാമ്പസി​​‍െൻറ മാനേജ്​മെൻറ്​.സാവിത്രി ഫുലെ പു​െണ യൂനിവേഴ്സിറ്റി വൈസ് ചാന്‍സലര്‍ ഡോ. നിതിന്‍ കര്‍മാല്‍കറും മൈല്‍സ്​റ്റോണ്‍ ഇൻറര്‍നാഷനല്‍ എജുക്കേഷന്‍ ചെയര്‍മാന്‍ അലി എ. ലത്തീഫ് അല്‍ മിസ്നദും ഇതുസംബന്ധിച്ച ധാരണപത്രത്തിൽ ഒപ്പുവെച്ചിര​ുന്നു.

മുഹമ്മദ് ബിന്‍ ഹമ്മാമും അലി എ ലത്തീഫ് അല്‍ മിസ്നദുമായി ചേര്‍ന്ന് കെ.ജി മുതല്‍ കോളജ് ഡിഗ്രി വരെയുള്ള വിദ്യാഭ്യാസം നൽകാനുള്ള സൗകര്യങ്ങളുണ്ടെന്ന്​ ഡി.പി.എസ്.എം.ഐ.എസ്​ അധികൃതർ അറിയിച്ചിരുന്നു.

ഇന്ത്യൻ വിദ്യാഭ്യാസ സ്​ഥാപനങ്ങൾക്ക്​​ വൻ ഡിമാൻഡ്​​

ഖത്തറിലെ ആദ്യ ഇന്ത്യന്‍ സര്‍വകലാശാല കാമ്പസാണ്​ അബൂഹമൂറിലെ ബര്‍വയിലേത്​. ഇതുകൂടാതെ മറ്റ് മൂന്നു സ്വകാര്യ യൂനിവേഴ്സിറ്റി കാമ്പസുകള്‍ കൂടി ഉടന്‍ ഖത്തറിൽ പ്രവര്‍ത്തനം തുടങ്ങുമെന്ന്​ വിദ്യാഭ്യാസമന്ത്രാലയം അധികൃതർ പറയുന്നു.

ഖത്തറിൽ വിവിധ സ്വകാര്യസ്​കൂളുകൾ പ്രവർത്തിക്കുന്നുണ്ട്​. ഇതിൽ നല്ലൊരു പങ്കും ഇന്ത്യൻ സിലബസ്​ അനുസരിച്ച്​ പ്രവർത്തിക്കുന്ന ഇന്ത്യൻ സ്​കൂളുകളാണ്​. മികച്ച ഗുണനിലവാരം കാരണം ഇന്ത്യൻ സ്​കൂളുകളിലേക്ക്​ മറ്റു രാജ്യക്കാരെയും ഏറെ ആകർഷിക്കുന്നുണ്ട്​. രാജ്യത്ത്​ വരുംവർഷങ്ങൾ കൂടുതൽ സ്വകാര്യ സ്​കൂളുകൾ തുറക്കുമെന്ന്​ വിദ്യാഭ്യാസമന്ത്രാലയം​ അധികൃതർ പറയുന്നു. വിദ്യാഭ്യാസ-ഉന്നതവിദ്യാഭ്യാസ മന്ത്രാലയത്തി​‍െൻറ അഞ്ചുവർഷ പദ്ധതി അവസാനിക്കുന്നതോടെ ഖത്തറിലെ സ്വകാര്യസ്​കൂളുകളുടെ എണ്ണം അഞ്ഞൂറിലധികമാകും. പദ്ധ തി പ്രകാരം 200ലധികം സ്വകാര്യ സ്​കൂളുകൾ നിർമിച്ചുകഴിഞ്ഞു. നിലവിൽ സ്വകാര്യമേഖലയിൽ സ്​കൂളുകളും കിൻറർഗാർട്ടനുകളുമായി ആകെ 337 സ്​ഥാപനങ്ങളാണ്​ പ്രവർത്തിക്കുന്നത്​. ആകെ 2,00,782 വിദ്യാർഥികളാണ്​ പഠിക്കുന്നത്​. ഇതിൽ 40,650 ഖത്തരി വിദ്യാർഥികളാണ്​.

സ്​കൂളുകളിൽ സീറ്റുകൾ വർധിപ്പിച്ച്​ നിലവിലെയും ഭാവിയിലെയും വിദ്യാഭ്യാസ ആവശ്യങ്ങൾ നിറവേറ്റാനാണ്​ അഞ്ചുവർഷ പദ്ധതി​. പുതിയ സ്​കൂളുകൾ തുടങ്ങാനായി നിക്ഷേപകർക്കും സംരംഭകർക്കും അവസരമൊരുക്കാൻ എല്ലാ വർഷവും നവംബർ ഡിസംബർ മാസങ്ങളിൽ മന്ത്രാലയം രജിസ്​ട്രേഷൻ നടപടികൾ തുടങ്ങാറുണ്ട്​.

രാജ്യത്തിൻെറ വിദ്യാഭ്യാസമേഖല​ നിക്ഷേപസൗഹൃദമാണ്​. 2018ൽ പുതിയ സ്​കൂളുകൾ നിർമിക്കാൻ 11 ഇടത്താണ്​ സ്​ഥലം നൽകിയിരിക്കുന്നത്​. ആവശ്യമായ പാഠ്യപദ്ധതികളുടെ അടിസ്​ഥാനത്തിലാണ്​ ഇതിനുള്ള ടെൻഡർ നടപടികൾ പൂർത്തിയാക്കിയത്​.

അൽവക്​റയിലും അൽഖോറിലുമായി ഇന്ത്യൻ, ഈജിപ്​ഷ്യൻ, ബ്രിട്ടീഷ്​, ദേശീയ പാഠ്യപദ്ധതി പ്രകാരമുള്ള സ്​കൂളുകൾക്കായാണ്​ നാലു സ്​ഥലങ്ങൾ അടുത്തിടെ അനുവദിച്ചത്​. ഓരോ പ്രദേശത്തി​‍െൻറയും ആവശ്യകത മുൻനിർത്തിയാണ്​ ഭൂമി അനുവദിക്കുന്നത്​. ചില പ്രവാസിസമൂഹങ്ങൾക്കായി കൂടുതൽ സീറ്റുകൾ ആവശ്യമായിവരുന്നുണ്ട്​.

ഇൗ സാഹചര്യം മൂലമാണ്​ മന്ത്രാലയം അഞ്ചുവർഷ പദ്ധതി ആരംഭിച്ചതും നിക്ഷേപകരുടെ സഹായത്തിൽ പുതിയ സ്​കൂളുകൾ തുടങ്ങുന്നതും.2022 ഫിഫ ലോകകപ്പ്​, 2030 ഏഷ്യൻ ഗെയിംസ്​ പോലുള്ള വമ്പൻ കായികമേളകളുമായി ബന്ധപ്പെട്ട്​ രാജ്യത്ത്​ കൂടുതൽ വിദ്യാഭ്യാസ സീറ്റുകൾ ആവശ്യമായി വരും. ഇത്​ മുൻകൂട്ടി കണ്ടുകൊണ്ടുള്ള നടപടികളും മന്ത്രാലയം സ്വീകരിക്കുന്നുണ്ട്​.