മാ​ലി​ന്യം ത​ള്ളി​യ​വ​ർ​ക്കെ​തി​രെ ന​ട​പ​ടി; അ​ന​ധി​കൃ​ത മാ​ലി​ന്യ നി​ക്ഷേ​പ​ങ്ങ​ൾ ത​ട​ഞ്ഞ് മ​ന്ത്രാ​ല​യം

ദോ​ഹ: രാ​ജ്യ​ത്തി​ന്റെ പ​രി​സ്ഥി​തി സ​ന്തു​ലി​താ​വ​സ്ഥ ത​ക​ർ​ക്കും​വി​ധം മാ​ലി​ന്യ​ങ്ങ​ളും കെ​ട്ടി​ടാ​വ​ശി​ഷ്ട​ങ്ങ​ളും ത​ള്ളു​ന്ന​തി​നെ​തി​രെ ക​ർ​ശ​ന ന​ട​പ​ടി​ക​ളു​മാ​യി ഖ​ത്ത​ർ പ​രി​സ്ഥി​തി കാ​ലാ​വ​സ്ഥ വ്യ​തി​യാ​ന മ​ന്ത്രാ​ല​യം. രാ​ജ്യ​ത്തി​ന്റെ വി​വി​ധ ഭാ​ഗ​ങ്ങ​ളി​ലാ​യി ന​ട​ന്ന പ​രി​ശോ​ധ​ന​യി​ലാ​ണ് അ​ന​ധി​കൃ​ത മ​ണ്ണ് ക​ട​ത്ത​ലും കെ​ട്ടി​ടാ​വ​ശി​ഷ്ട​ങ്ങ​ൾ ഉ​ൾ​പ്പെ​ടെ മാ​ലി​ന്യ​ങ്ങ​ൾ ത​ള്ളു​ന്ന​തും ക​ണ്ടെ​ത്തി ന​ട​പ​ടി സ്വീ​ക​രി​ച്ച​ത്. മ​ന്ത്രാ​ല​യ​ത്തി​നു കീ​ഴി​ലെ വ​ന്യ​ജീ​വി വി​ക​സ​ന വ​കു​പ്പ് നേ​തൃ​ത്വ​ത്തി​ലാ​യി​രു​ന്നു പ​രി​ശോ​ധ​ന​ക​ൾ.ഖ​ത്ത​റി​ന്റെ പ്ര​കൃ​തി​വി​ഭ​വ​ങ്ങ​ളു​ടെ ചൂ​ഷ​ണം ത​ട​യു​ക എ​ന്ന ല​ക്ഷ്യ​ത്തോ​ടെ രാ​ജ്യ​ത്തു​ട​നീ​ളം ന​ട​ത്തി​യ പ​രി​ശോ​ധ​ന​യു​ടെ ഭാ​ഗ​മാ​യാ​ണ് നി​യ​മ​ലം​ഘ​ന​ങ്ങ​ൾ ക​ണ്ടെ​ത്തി​യ​ത്.

ബ​ന്ധ​പ്പെ​ട്ട കേ​ന്ദ്ര​ങ്ങ​ളി​ൽ​നി​ന്ന് അ​നു​മ​തി​യോ ലൈ​സ​ൻ​സോ ഇ​ല്ലാ​തെ വ്യ​ക്തി​ക​ളും സ്വ​കാ​ര്യ സ്ഥാ​പ​ന​ങ്ങ​ളും ഇ​ത്ത​രം പാ​രി​സ്ഥി​തി​ക ലം​ഘ​ന​ങ്ങ​ൾ ന​ട​ത്തി​യ​താ​യി അ​ധി​കൃ​ത​ർ അ​റി​യി​ച്ചു. പി​ടി​കൂ​ടി​യ​വ​ർ​ക്കെ​തി​രെ ശ​ക്ത​മാ​യ ന​ട​പ​ടി സ്വീ​ക​രി​ക്കു​ന്ന​തി​ന് ബ​ന്ധ​പ്പെ​ട്ട വ​കു​പ്പു​ക​ൾ​ക്കും കൈ​മാ​റി. സ്വ​കാ​ര്യ വ്യ​ക്തി​ക​ളും സ്ഥാ​പ​ന​ങ്ങ​ളും പ​രി​സ്ഥി​തി സം​ര​ക്ഷ​ണ നി​യ​മ​ങ്ങ​ൾ പാ​ലി​ക്ക​ണ​മെ​ന്ന് അ​ധി​കൃ​ത​ർ ഓ​ർ​മി​പ്പി​ച്ചു.