ആകാശവിസ്​മയത്തിലേക്ക്​ കണ്ണെത്തിച്ച്​ ക​താ​റ പ്ലാ​ന​റ്റോ​റി​യം

ദോ​ഹ: ആകാശത്തെ കണ്ണെത്താത്ത ദൂരത്തിലേക്ക്​ ‘കണ്ണെത്തിച്ച്​’ ഖ​ത്ത​റി​ലെ ആ​ദ്യ വാ​ന​നി​രീ​ക്ഷ​ണ കേ​ന്ദ്രം തുറന്നു. അ​ല്‍ തു​റാ​യ പ്ലാ​ന​റ്റോ​റി​യം ദേ​ശീ​യ​ദി​ന​ത്തി​ലാണ്​ സ​ന്ദ​ര്‍ശ​ക​ര്‍ക്കാ​യി തു​റ​ന്നു​കൊ​ടു​ത്തത്​. വി​വി​ധ​രാ​ജ്യ​ങ്ങ​ളു​ടെ ഖ​ത്ത​റി​ലെ ന​യ​ത​ന്ത്ര​പ്ര​തി​നി​ധി​ക​ള്‍ ഉ​ള്‍പ്പെ​ടെ ഒ​ട്ടേ​റെ പ്ര​മു​ഖ​രു​ടെ സാ​ന്നി​ധ്യ​ത്തി​ലാ​യി​രു​ന്നു ഉ​ദ്ഘാ​ട​ന ച​ട​ങ്ങ്. വി​ജ്ഞാ​ന​വും വി​നോ​ദ​വും പ​ക​രു​ന്ന രീ​തി​യി​ലാ​ണ് പ്ലാ​ന​റ്റോ​റി​യം. ക്ഷീ​ര​പ​ഥ​ങ്ങ​ളു​ടെ ത്രി​മാ​ന​മാ​തൃ​ക നേ​രി​ല്‍ ആ​സ്വ​ദി​ക്കാ​നു​ള്ള സൗ​ക​ര്യം പ്ലാ​ന​റ്റോ​റി​യ​ത്തി​ലു​ണ്ട്. ലോ​ക​ത്തെ മ​റ്റു​പ്ര​ധാ​ന പ്ലാ​ന​റ്റോ​റി​യ​ങ്ങ​ളി​ല്‍ നി​ന്നു​ള്ള അ​റി​വു​ക​ളും ദൃ​ശ്യ​ങ്ങ​ളും കൂ​ടി ഡി​ജി​സ്റ്റാ​ര്‍ സം​വി​ധാ​ന​ത്തി​ല്‍ സ​ന്ദ​ര്‍ശ​ക​ര്‍ക്ക് ല​ഭി​ക്കും. ബ​ഹി​രാ​കാ​ശ അ​റി​വു​ക​ള്‍ക്ക​പ്പു​റം ഭൂ​മി​യെ​ക്കു​റി​ച്ചും ക​ട​ലു​ക​ളെ​ക്കു​റി​ച്ചും സൂ​ര്യ​നെ സം​ബ​ന്ധി​ച്ചും ഒ​ട്ടേ​റെ ശാ​സ്ത്രീ​യ വി​വ​ര​ങ്ങ​ള്‍ ല​ഭ്യ​മാ​കും. സൗ​ര​യൂ​ഥ​ത്തി​​​​െൻറ വി​വി​ധ മാ​തൃ​ക​ക​ള്‍, സ്പേ​സ് ഷ​ട്ടി​ലി​​​​െൻറ​യും ബ​ഹി​രാ​കാ​ശ സ​ഞ്ചാ​രി​ക​ള്‍ ധ​രി​ക്കു​ന്ന സ്യൂ​ട്ടി​​​​െൻറ​യും മാ​തൃ​ക​ക​ള്‍ തു​ട​ങ്ങി പ്ര​വാ​ച​ക​​​​െൻറ കാ​ല​ത്തെ സ​വി​ശേ​ഷ ജ്യോ​തി​ശാ​സ്ത്ര സം​ഭ​വ​ങ്ങ​ളെ​ക്കു​റി​ച്ചു​ള്ള ദൃ​ശ്യ​വി​വ​ര​ണ​ങ്ങ​ള്‍ വ​രെ ഉണ്ട്​. അ​റി​വു​ക​ള്‍ അ​ല്‍ തു​റാ​യ എ​ന്ന പേ​രി​ല്‍ നി​ന്നുത​ന്നെയാണ്​ തു​ട​ങ്ങു​ന്നത്​. പ്ര​ഭ​യേ​റി​യ ഏ​ഴു ന​ക്ഷ​ത്ര​ങ്ങ​ളു​ടെ കൂ​ട്ട​ത്തെ​യാ​ണ് ജ്യോ​തി​ശാ​സ്ത്ര​ത്തി​ല്‍ ഇ​ൗ വാക്ക്​ സൂ​ചി​പ്പി​ക്കു​ന്ന​ത്.

ആ​ധു​നി​ക ജ്യോ​തി​ശാ​സ്ത്ര​ജ്ഞ​ര്‍ പ്ലാ​ഡി​സ് എ​ന്നു വി​ളി​ക്കു​ന്ന ഈ ​ന​ക്ഷ​ത്ര സ​മൂ​ഹ​ത്തി​​​​െൻറ ഇ​ന്ത്യ​ന്‍ പേ​ര് കാ​ര്‍ത്തി​ക എ​ന്നാ​ണ്. ച​രി​ത്രാ​തീ​കാ​ലം​മു​ത​ലേ കാ​ര്‍ത്തി​ക ന​ക്ഷ​ത്ര​ത്തെ​ക്കു​റി​ച്ച് അ​റ​ബ് ജ​ന​ത​ക്ക്​ അ​റി​വു​ണ്ടാ​യി​രു​ന്നു. പൗ​രാ​ണി​ക അ​റ​ബി​ ഗ്ര​ന്ഥ​ങ്ങ​ളി​ല്‍ ഈ ​ന​ക്ഷ​ത്ര​സ​മൂ​ഹ​ത്തെ​ക്കു​റി​ച്ച് ഒ​ട്ടേ​റെ പ​രാ​മ​ര്‍ശ​ങ്ങ​ളു​മു​ണ്ട്. ആ​കാ​ശ​ത്തെ ഏ​റ്റ​വും സു​ന്ദ​ര​ദൃ​ശ്യ​മാ​യാ​ണ് ഈ ​ന​ക്ഷ​ത്ര സ​മൂ​ഹ​ത്തെ ഇ​വി​ടു​ത്തെ പൂ​ര്‍വി​ക​ര്‍ ക​ണ​ക്കാ​ക്കി​യി​രു​ന്ന​ത്. 2,240 ച​തു​ര​ശ്ര​മീ​റ്റ​റാ​ണ് വാ​ന​നി​രീ​ക്ഷ​ണ​ശാ​ല​യു​ടെ വി​സ്തൃ​തി. ഇ​നി ക​താറ സന്ദർശകരു​ടെ മു​ഖ്യ ആ​ക​ര്‍ഷ​ണ​കേ​ന്ദ്ര​മാ​യി മാ​റു​ക ഈ ​വാ​ന​നി​രീ​ക്ഷ​ണ കേ​ന്ദ്ര​മാ​കു​മെ​ന്ന് കതാ​റ ജ​ന​റ​ല്‍ മാ​നേ​ജ​ര്‍ ഡോ. ​ഖാ​ലി​ദ് ബി​ന്‍ ഇ​ബ്രാ​ഹിം അ​ല്‍ സു​ലൈ​തി പ​റ​ഞ്ഞു. പ്ലാ​ന​റ്റോ​റി​യ​ത്തി​​​​െൻറ മു​ഖ്യ​ഹാ​ളി​ല്‍ 200പേ​ര്‍ക്കു​ള്ള ഇ​രി​പ്പി​ട​ങ്ങ​ളുണ്ട്​. നാ​ലെ​ണ്ണം അം​ഗ​പ​രി​മി​ത​ര്‍ക്കും നാ​ലെ​ണ്ണം മു​തി​ര്‍ന്ന പൗ​ര​ന്മാ​ര്‍ക്കു​മാ​ണ്​. 22 മീ​റ്റ​ര്‍ നീ​ള​മു​ള്ള കൂ​റ്റ​ന്‍ സ്ക്രീ​നി​ല്‍ ബ​ഹി​രാ​കാ​ശ സം​ബ​ന്ധി​യാ​യ അ​റി​വു​ക​ള്‍ ദ്വി​മാ​ന, ത്രി​മാ​ന രൂ​പ​ങ്ങ​ളി​ല്‍ കാ​ണാം. ഇം​ഗ്ലീ​ഷി​ലും അ​റ​ബി​യിലും വി​വ​ര​ണ​ങ്ങ​ള്‍ ഉണ്ടാകും.