ഒ​റ്റ​പ്പെ​ട​ലി​ന്റെ വേ​ദ​ന​യ​ക​ന്നു; ഇ​ബ്തി​സാം അ​മ്മ​ച്ചൂ​ട​റി​ഞ്ഞു

ദോ​ഹ: മ​ര​ണം മു​ന്നി​ൽ ക​ണ്ട നി​മി​ഷ​ങ്ങ​ളും വേ​ദ​ന​ക​ൾ തി​ന്നു തീ​ർ​ന്ന മാ​സ​ങ്ങ​ൾ​ക്കും ശേ​ഷം ഗ​സ്സ​യി​ൽ നി​ന്നു​ള്ള കൊ​ച്ചു​മി​ടു​ക്കി ഇ​ബ്തി​സാം ആ​ദ്യ​മാ​യി അ​വ​ളു​ടെ ഉ​മ്മ​യു​ടെ തോ​ളി​ലേ​ക്ക് ചാ​ഞ്ഞ് മാ​തൃ​സ്നേ​ഹം ആ​വോ​ളം നു​ക​ർ​ന്നു. മ​ക​ളു​ടെ മു​ടി​യി​ഴ​ക​ളി​ലൂ​ടെ ത​ലോ​ടി​യും നെ​റ്റി​യി​ൽ ഉ​മ്മ​വെ​ച്ചും മ​തി​വ​രാ​തെ ആ ​ഉ​മ്മ അ​വ​​ളെ വീ​ണ്ടും വീ​ണ്ടും താ​ലോ​ലി​ച്ചു.

ഒ​പ്പം കൂ​ടി​നി​ന്ന​വ​രി​ലും ബ​ന്ധു​ക്ക​ളി​ലും ക​ണ്ണീ​രും വേ​ദ​ന​യും സ​ന്തോ​ഷ​വും മാ​റി​മ​റി​ഞ്ഞ മു​ഹൂ​ർ​ത്തം. ഖ​ത്ത​റി​ന്റെ​യും തു​ർ​ക്കി​യ​യു​ടെ​യും സം​യു​ക്ത ദൗ​ത്യ​ത്തി​നൊ​ടു​വി​ൽ ഒ​രു ഉ​മ്മ​യും മ​ക​ളും വീ​ണ്ടും ഒ​ന്നാ​യ നി​മി​ഷ​മാ​യി​രു​ന്നു അ​ത്. യു​ദ്ധം തീ​ർ​ത്ത മു​റി​വു​ക​ൾ​ക്കു​മേ​ൽ സാ​ന്ത്വ​ന​മാ​യി​ ദോ​ഹ​യി​ൽ അ​പൂ​ർ​വ​മാ​യൊ​രു സം​ഗ​മം. ഗ​സ്സ​യി​ലെ പി​ഞ്ചു​കു​ഞ്ഞു​ങ്ങ​ളും സ്ത്രീ​ക​ളും ഉ​ൾ​പ്പെ​ടെ അ​ര​ല​ക്ഷ​ത്തി​ന​ടു​ത്ത് ആ​ളു​ക​ളെ കൊ​ന്നാ​ടു​ക്കു​ന്ന ഇ​സ്രാ​യേ​ലി​ന്റെ ക്രൂ​ര​ത​ക​ൾ​ക്കി​ട​യി​ൽ അ​പൂ​ർ​വ​മാ​യി മാ​​​ത്രം സം​ഭ​വി​ക്കു​ന്ന സ​മാ​ഗ​മ​ത്തി​ന് വ്യാ​ഴാ​ഴ്ച ദോ​ഹ സാ​ക്ഷ്യം വ​ഹി​ച്ചു.

2023 ഒ​ക്ടോ​ബ​ർ ഏ​ഴു മു​ത​ൽ ഇ​സ്രാ​യേ​ൽ പോ​ർ​വി​മാ​ന​ങ്ങ​ൾ മ​ര​ണം വി​ത​ച്ച് ഗ​സ്സ​യു​ടെ ആ​കാ​ശ​ത്തു നി​ന്ന് മി​സൈ​ൽ വ​ർ​ഷം തു​ട​ങ്ങി​യ​തി​ന് പി​ന്നാ​ലെ ഛിന്ന​ഭി​ന്ന​മാ​യ പ​തി​നാ​യി​രം കു​ടും​ബ​ങ്ങ​ളി​ലൊ​ന്നാ​ണ് ഇ​ബ്തി​സാ​മി​ന്റേ​തും. പി​ഞ്ചു കു​ഞ്ഞു​ങ്ങ​ൾ മു​ത​ൽ പ്രാ​യ​മാ​യ​വ​ർ വ​രെ കൊ​ല്ല​പ്പെ​ടു​ക​യും പ​രി​ക്കേ​ൽ​ക്കു​ക​യും ചെ​യ്ത മ​ണ്ണി​ൽ​നി​ന്ന് യു​ദ്ധ​ത്തി​ന്റെ ആ​ദ്യ നാ​ളി​ൽ ദോ​ഹ​യി​ലേ​ക്ക് എ​ത്തി​പ്പെ​ട്ട​താ​ണ് പ​ത്തു വ​യ​സ്സു​കാ​രി​യാ​യ ഇ​ബ്തി​സാം. മാ​താ​വ് അ​സ്ഹ​ർ ഉ​ൾ​പ്പെ​ടെ ഉ​റ്റ​വ​ർ ആ​രും അ​വ​ൾ​ക്കൊ​പ്പ​മി​ല്ലാ​യി​രു​ന്നു.

യു​ദ്ധ​ത്തി​ൽ പ​രി​ക്കേ​റ്റ 1500ഓ​ളം ഫ​ല​സ്തീ​നി​ക​ളെ ഖ​ത്ത​റി​ലെ​ത്തി​ച്ച് ചി​കി​ത്സി​പ്പി​ക്കാ​മെ​ന്ന അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി​യു​ടെ പ്ര​ഖ്യാ​പ​ന​ത്തി​ന് പി​ന്നാ​ലെ ഒ​രു​ക്കി​യ എ​യ​ർ ബ്രി​ഡ്ജി​ലൂ​ടെ​യാ​യി​രു​ന്നു മ​റ്റു ഗ​സ്സ​ൻ കു​ട്ടി​ക​ൾ​ക്കും സ്ത്രീ​ക​ൾ​ക്കു​മൊ​പ്പം അ​വ​ളും ഖ​ത്ത​റി​ലെ​ത്തി​യ​ത്. ദോ​ഹ​യി​ലെ​ത്തി മി​ക​ച്ച ചി​കി​ത്സ​യും പ​രി​ച​ര​ണ​വും ല​ഭി​ച്ച് ജീ​വി​ത​ത്തി​ലേ​ക്ക് തി​രി​കെ​യെ​ത്തി. പ​ക്ഷേ, കൂ​ട്ടു​കാ​രും സ്വ​ന്ത​ക്കാ​രു​മെ​ല്ലാം ന​ഷ്ട​മാ​യ അ​വ​ൾ​ക്ക് ഉ​മ്മ​യു​ടെ​യും സാ​മീ​പ്യം അ​ന്യ​മാ​യി.

ഇ​തി​നി​ടെ​യാ​ണ് മാ​താ​വ് തു​ർ​ക്കി​യ​യി​ൽ ചി​കി​ത്സ​യി​ലു​ള്ള​താ​യി അ​റി​യു​ന്ന​ത്. ഒ​ടു​വി​ൽ ഖ​ത്ത​റി​ലെ തു​ർ​ക്കി​യ എം​ബ​സി​യു​ടെ​യും ഖ​ത്ത​ർ വി​ദേ​ശ​കാ​ര്യ മ​​ന്ത്രാ​ല​യ​ത്തി​ന്റെ​യും ഇ​ട​പെ​ട​ലു​ക​ളോ​ടെ ഉ​മ്മ​യും മ​ക​ളും ത​മ്മി​ൽ 15 മാ​സ​ത്തെ ഇ​ട​വേ​ള​ക്കു​ശേ​ഷം കൂ​ടി​ക്കാ​ഴ്ച​ക്ക് അ​വ​സ​ര​മൊ​രു​ങ്ങി.

തു​ർ​ക്കി​യ​യി​ൽ​നി​ന്ന് ചി​കി​ത്സ പൂ​ർ​ത്തി​യാ​ക്കി​യ ഉ​മ്മ അ​സ്ഹ​ർ ക​ഴി​ഞ്ഞ ദി​വ​സം ഹ​മ​ദ് വി​മാ​ന​ത്താ​വ​ള​ത്തി​ലെ​ത്തി​യ​പ്പോ​ൾ തു​ർ​ക്കി​യ അം​ബാ​സ​ഡ​ർ മു​സ്ത​ഫ ഗോ​ക്സു​വും ഖ​ത്ത​റി​ന്റെ അ​ന്താ​രാ​ഷ്​​ട്ര സ​ഹ​ക​ര​ണ സ​ഹ​മ​ന്ത്രി മ​ർ​യം അ​ൽ മി​സ്ന​ദും ചേ​ർ​ന്ന് സ്വീ​ക​രി​ച്ചു. പി​ന്നീ​ടാ​യി​രു​ന്നു വി​മാ​ന​ത്താ​വ​ള ലോ​ബി​യി​ലെ അ​തി​വൈ​കാ​രി​ക​മാ​യ ആ ​കൂ​ടി​ച്ചേ​ര​ൽ. ചി​ല്ലു​ക​വാ​ടം ക​ട​ന്നെ​ത്തി​യ ഉ​മ്മ​യെ ക​ണ്ട് അ​വ​ൾ ഇ​രി​പ്പി​ട​ത്തി​ൽ​നി​ന്ന് ഓ​ടി​യെ​ത്തി. ബൊ​ക്കെ ന​ൽ​കും മു​മ്പേ മാ​തൃ​ക​ര​ങ്ങ​ളാ​ൽ അ​വ​ൾ വ​ല​യം ചെ​യ്തു. ആ​ന​ന്ദ​ക്ക​ണ്ണീ​ർ പെ​യ്തി​റ​ങ്ങി​യ കാ​ഴ്ച​ക​ൾ​ക്ക് സാ​ക്ഷി​യാ​യി മ​ന്ത്രി മ​ർ​യം അ​ൽ മി​സ്ന​ദും തു​ർ​ക്കി​യ അം​ബാ​സ​ഡ​റും മ​റ്റ് ഉ​ദ്യോ​ഗ​സ്ഥ​രും.