സ്ത്രീകൾക്ക് മാത്രമായി പള്ളിയും സാംസ്കാരിക കേന്ദ്രവും ‘അ​ൽ മു​ജാ​ദി​ല’ ശൈ​ഖ മൗ​സ ഉ​ദ്ഘാ​ട​നം ചെ​യ്തു

ദോ​ഹ: മു​സ്‍ലിം സ്ത്രീ​ക​ളു​ടെ സാം​സ്കാ​രി​ക​വും ബൗ​ദ്ധി​ക​വു​മാ​യ ഉ​ന്ന​മ​ന​ത്തി​നാ​യി പ്ര​ത്യേ​ക സാം​സ്കാ​രി​ക ​കേ​ന്ദ്ര​വും പ​ള്ളി​യും യാ​ഥാ​ർ​ഥ്യ​മാ​യി. ‘അ​ൽ മു​ജാ​ദി​ല സെ​ന്റ​ർ ആ​ൻ​ഡ് മോ​സ്ക് ഫോ​ർ വി​മ​ൻ’ എ​ന്ന പേ​രി​ൽ ആ​രം​ഭി​ച്ച സാം​സ്കാ​രി​ക കേ​ന്ദ്രം ഖ​ത്ത​ർ ഫൗ​ണ്ടേ​ഷ​ൻ ചെ​യ​ർ​പേ​ഴ്സ​ൻ ശൈ​ഖ മൗ​സ ബി​ൻ​ത് നാ​സ​ർ ഉ​ദ്ഘാ​ട​നം നി​ർ​വ​ഹി​ച്ചു.

ആ​ത്മീ​യ, വി​ദ്യാ​ഭ്യാ​സ, സാം​സ്കാ​രി​ക ഗ​വേ​ഷ​ണ​ങ്ങ​ളും പ​ഠ​ന​ങ്ങ​ളും പ്രോ​ത്സാ​ഹി​പ്പി​ക്കു​ക എ​ന്ന ല​ക്ഷ്യ​വു​മാ​യാ​ണ് ശൈ​ഖ മൗ​സ​യു​ടെ നേ​തൃ​ത്വ​ത്തി​ൽ പു​തു​സം​രം​ഭം ​പ്രാ​ബ​ല്യ​ത്തി​ൽ വ​രു​ന്ന​ത്. എ​ല്ലാ പ്രാ​യ​ക്കാ​രും ദേ​ശ​ക്കാ​രു​മാ​യ മു​സ്‍ലിം വ​നി​ത​ക​ളെ​യും ല​ക്ഷ്യ​മി​ട്ടു​കൊ​ണ്ടു​ള്ള​താ​ണ് മാ​തൃ​കാ സം​രം​ഭം.

ഉ​ദ്ഘാ​ട​ന​ച​ട​ങ്ങി​ൽ വി​വി​ധ രാ​ജ്യ​ങ്ങ​ളി​ലെ പ്ര​ഥ​മ വ​നി​ത​ക​ൾ, ഔ​ഖാ​ഫ് ഇ​സ്‍ലാ​മി​ക മ​ന്ത്രാ​ല​യ പ്ര​തി​നി​ധി​ക​ൾ, അ​ക്കാ​ദ​മി​ക് ഗ​വേ​ഷ​ക​ർ എ​ന്നി​വ​ർ പ​​ങ്കെ​ടു​ത്തു. മു​സ്‍ലിം സ്ത്രീ​ക​ളു​ടെ ഇ​സ്‍ലാ​മി​ക സ്വ​ത്വം ശ​ക്തി​പ്പെ​ടു​ത്തു​ക, എ​ല്ലാ സ്ത്രീ​ക​ളും ഇ​ട​പ​ഴ​കു​ന്ന സ​മൂ​ഹ​ത്തെ വ​ള​ർ​ത്തു​ക, അ​വ​രു​ടെ പ​ങ്കാ​ളി​ത്ത​വും സം​ഭാ​വ​ന​ക​ളും അം​ഗീ​ക​രി​ക്കു​ക, ആ​ശ​ങ്ക​ക​ളും കാ​ഴ്ച​പ്പാ​ടു​ക​ളും പ​ങ്കു​വെ​ക്കു​ക, പൊ​തു ച​ർ​ച്ച​ക​ൾ​ക്ക് വ​ഴി​യൊ​രു​ക്കു​ക തു​ട​ങ്ങി​യ ല​ക്ഷ്യ​ത്തോ​ടെ​യാ​ണ് സെ​ന്റ​ർ ആ​രം​ഭി​ച്ച​ത്.

​പ്രൗ​ഢ ഗം​ഭീ​ര​മാ​യ ച​ട​ങ്ങി​ലാ​യി​രു​ന്നു സ്ഥാ​പ​ക കൂ​ടി​യാ​യ ശൈ​ഖ മൗ​സ ഉ​ദ്ഘാ​ട​നം നി​ർ​വ​ഹി​ച്ച​ത്. ഖൗ​ല ബി​ൻ​ത് ത​ല​ബ എ​ന്ന പ്ര​വാ​ച​ക അ​നു​യാ​യി​യാ​യ വ​നി​ത​യു​ടെ ജീ​വി​ത​വും, അ​വ​ർ പ്ര​വാ​ച​ക​നു​മാ​യി വി​വി​ധ വി​ഷ​യ​ങ്ങ​ളി​ൽ സം​വ​ദി​ച്ച​തു​മാ​യ ച​രി​ത്രം പ​രാ​മ​ർ​ശി​ച്ചു​കൊ​ണ്ട് ശൈ​ഖ മൗ​സ പു​തി​യ ആ​ശ​യ​ത്തി​നു പി​ന്നി​ലെ പ്ര​ചോ​ദ​ന​വും ‘അ​ൽ മു​ജാ​ദി​ല’ എ​ന്ന പേ​ര് സ്വീ​ക​രി​ച്ച​തും വി​ശ​ദീ​ക​രി​ച്ചു. ഏ​തൊ​രു സ്ത്രീ​ക​ളു​ടെ വി​ദ്യാ​ഭ്യാ​സ​ത്തെ പ​രി​പോ​ഷി​പ്പി​ക്കു​ന്ന നി​ര​വ​ധി പ​രി​പാ​ടി​ക​ൾ കേ​ന്ദ്ര​ത്തി​ൽ സം​ഘ​ടി​പ്പി​ക്കു​മെ​ന്ന് അ​വ​ർ വ്യ​ക്ത​മാ​ക്കി.

കെ​ട്ടി​ട​ത്തി​ന്റെ വാ​സ്തു​വി​ദ്യാ ഭം​ഗി​യ​ല്ല, അ​തി​ന​പ്പു​റം സെ​ന്റ​റും പ​ള്ളി​യും സ്ഥാ​പി​ക്കു​ന്ന​തി​ലൂ​ടെ ആ​രാ​ധ​ന​യി​ലെ നീ​തി​യു​ടെ ആ​ശ​യ​ത്തി​ലേ​ക്ക് വെ​ളി​ച്ചം വീ​ശു​ക​​യാ​ണെ​ന്ന് അ​വ​ർ പ​റ​ഞ്ഞു. ‘അ​ൽ മു​ജാ​ദി​ല’ സ്ത്രീ​ക​ളെ മ​ത​പ​ര​വും ലൗ​കി​ക​വു​മാ​യ കാ​ര്യ​ങ്ങ​ളി​ൽ സ്വ​യം വി​ക​സി​പ്പി​ക്കാ​നും ആ​രാ​ധ​ന​യെ​ക്കു​റി​ച്ചു​ള്ള സ​മ​ഗ്ര​ധാ​ര​ണ നി​ല​നി​ർ​ത്താ​നും അ​നു​വ​ദി​ക്കു​ന്നു​വെ​ന്നും അ​വ​ർ വ്യ​ക്ത​മാ​ക്കി.

സ്ത്രീ​ക​ളു​ടെ ആ​രാ​ധ​നാ​കേ​ന്ദ്ര​ങ്ങ​ൾ ഏ​തെ​ങ്കി​ലും മൂ​ല​ക​ളി​ൽ ഒ​തു​ക്കാ​തെ മു​ഖ്യ​ധാ​ര​യി​ലേ​ക്ക് നീ​ക്കു​ക​യാ​ണ് ‘അ​ൽ മു​ജാ​ദി​ല’ പ​ള്ളി​യി​ലൂ​ടെ. ഇ​തോ​ടൊ​പ്പം വൈ​വി​ധ്യ​മാ​ർ​ന്ന പ​രി​പാ​ടി​ക​ൾ​ക്കും പ​ഠ​ന​ങ്ങ​ൾ​ക്കും ച​ർ​ച്ച​ക​ൾ​ക്കും കേ​ന്ദ്രം വേ​ദി​യാ​കും. സെ​ന്റ​റി​ൽ ക്ലാ​സ് മു​റി​ക​ൾ, ലൈ​ബ്ര​റി, ഒ​ത്തു​കൂ​ടാ​നു​ള്ള ഇ​ട​ങ്ങ​ൾ, ക​ഫേ, പൂ​ന്തോ​ട്ട​ങ്ങ​ൾ എ​ന്നി​വ​യു​മു​ണ്ട്.

സ്ത്രീ​ക​ൾ​ക്കാ​യി ഒ​രു ക​മ്യൂ​ണി​റ്റി സ്പേ​സ്, കോ​ഴ്‌​സു​ക​ൾ, വ​ർ​ക്ക്‌​ഷോ​പ്പു​ക​ൾ, ഇ​സ്‍ലാ​മി​ക ച​രി​ത്രം, ഇ​സ്‍ലാ​മി​ക നി​യ​മം, മാ​ന​സി​കാ​രോ​ഗ്യം, ക്ഷേ​മം, ബു​ക്ക് ക്ല​ബു​ക​ൾ, പ​രി​ശീ​ല​ന പ​രി​പാ​ടി​ക​ൾ, ഗ​വേ​ഷ​ണം എ​ന്നി​വ അ​റ​ബി​യി​ലും ഇം​ഗ്ലീ​ഷി​ലും സ​ജ്ജ​മാ​ക്കി​യി​ട്ടു​ണ്ട്.

ഉ​ദ്ഘാ​ട​ന​ത്തോ​ട​നു​ബ​ന്ധി​ച്ച് പ്ര​മു​ഖ​ർ പ​​ങ്കെ​ടു​ത്ത പാ​ന​ൽ ച​ർ​ച്ച​യും ന​ട​ന്നു. വി​ദ്യാ​ഭ്യാ​സ മ​ന്ത്രി ബു​തൈ​ന ബി​ൻ​ത് അ​ലി ജ​ബ​ർ അ​ൽ നു​ഐ​മി, അ​ന്താ​രാ​ഷ്ട്ര സ​ഹ​ക​ര​ണ സ​ഹ​മ​ന്ത്രി ലോ​ൽ​വ ബി​ൻ​ത് റാ​ഷി​ദ് അ​ൽ-​ഖാ​തി​ർ, ഡോ. ​ഒ​മ​ർ അ​ബ്ദു​ൽ​കാ​ഫി, ഇ​സ്‍ലാ​മി​ക് സ്റ്റ​ഡീ​സ് ഗ​വേ​ഷ​ക​നു​മാ​യ മെ​യ് അ​ൽ സ​യ്യി​ദ്, ഖു​ലൂ​ദ് നൂ​ഹ് എ​ന്നി​വ​ർ പ​ങ്കെടുത്തു.​

ഞായറാ​ഴ്ച മു​ത​ൽ ക​മ്യൂ​ണി​റ്റി പ്രോ​ഗ്രാ​മു​ക​ൾ

‘അ​ൽ മു​ജാ​ദി​ല സെ​ന്റ​ർ’ ക​മ്യൂ​ണി​റ്റി പ​രി​പാ​ടി​ക​ൾ ഫെ​ബ്രു​വ​രി നാ​ലി​ന് ഞാ​യ​റാ​ഴ്ച ആ​രം​ഭി​ക്കും. ര​ജി​സ്റ്റ​ർ ചെ​യ്തു​കൊ​ണ്ട് പ​​ങ്കെ​ടു​ക്കാം. ആ​റാം തീ​യ​തി മു​ത​ൽ ​സ്ത്രീ​ക​ൾ​ക്ക് രാ​വി​ലെ പ​ത്ത് മു​ത​ൽ രാ​ത്രി എ​ട്ട് വ​രെ സ​മ​യ​ത്തി​നു​ള്ളി​ൽ സ​ന്ദ​ർ​ശി​ക്കാ​വു​ന്ന​താ​ണ്. വെ​ബ്സൈ​റ്റ് വ​ഴി പ​രി​പാ​ടി​ക​ളു​ടെ വി​വ​ര​ങ്ങ​ൾ ല​ഭ്യ​മാ​കും. www.almujadilah.qa