ച​രി​ത്രം സൂ​ക്ഷി​ച്ച 50 ആ​ണ്ട്; 50 വ​ർ​ഷം പി​ന്നി​ട്ട് ഖ​ത്ത​റി​ന്റെ ദേ​ശീ​യ മ്യൂ​സി​യം

ദോ​ഹ: രാ​ജ്യ​ത്തി​ന്റെ പൈ​തൃ​ക​വും ച​രി​ത്ര​വും കാ​ത്തു​സൂ​ക്ഷി​ക്കു​ക​യും പ്ര​ദ​ർ​ശി​പ്പി​ക്കു​ക​യും ചെ​യ്ത്, അ​ഞ്ച് പ​തി​റ്റാ​ണ്ട് പി​ന്നി​ടു​ക​യാ​ണ് ഖ​ത്ത​ർ ദേ​ശീ​യ മ്യൂ​സി​യം. രാ​ജ്യ​ത്തെ താ​മ​സ​ക്കാ​ർ​ക്കും പൗ​ര​ന്മാ​ർ​ക്കും ച​രി​ത്ര അ​റി​വു​ക​ളു​മാ​യി അ​ര​നൂ​റ്റാ​ണ്ടു​കാ​ലം ഒ​രു സു​പ്ര​ധാ​ന സാം​സ്കാ​രി​ക നാ​ഴി​ക​ക്ക​ല്ലാ​യി ഖ​ത്ത​ർ ദേ​ശീ​യ മ്യൂ​സി​യം പ്ര​വ​ർ​ത്തി​ച്ചു.

1975 ജൂ​ൺ 23ന് ​ആ​യി​രു​ന്നു ഖ​ത്ത​ർ ദേ​ശീ​യ മ്യൂ​സി​യം സ്ഥാ​പി​ത​മാ​യ​ത്. അ​ന്ന​ത്തെ അ​മീ​റാ​യി​രു​ന്ന ശൈ​ഖ് ഖ​ലീ​ഫ ബി​ൻ ഹ​മ​ദ് ആ​ൽ​ഥാ​നി​യു​ടെ ആ​ശ​യ​മാ​യി​രു​ന്നു രാ​ജ്യ​ത്തി​ന്റെ പൈ​തൃ​ക​വും പാ​ര​മ്പ​ര്യ​ങ്ങ​ളും രേ​ഖ​പ്പെ​ടു​ത്തു​ന്ന​തി​നാ​യി ഒ​രു ദേ​ശീ​യ മ്യൂ​സി​യം എ​ന്ന​ത്.

1949 വ​രെ അ​മീ​റാ​യി​രു​ന്ന ശൈ​ഖ് അ​ബ്ദു​ല്ല ബി​ൻ ജാ​സിം ആ​ൽ​ഥാ​നി​യു​ടെ ച​രി​ത്ര കൊ​ട്ടാ​ര​വും പ​രി​സ​ര​വു​മാ​ണ് മ്യൂ​സി​യ​മാ​യി രൂ​പ​ക​ൽ​പ​ന ചെ​യ്ത് പു​നഃ​സ്ഥാ​പി​ച്ച​ത്. പി​ന്നീ​ട് 2019 മാ​ർ​ച്ചി​ലാ​ണ് പ​ഴ​യ കൊ​ട്ടാ​രം സ്ഥി​തി ചെ​യ്തി​രു​ന്ന അ​തേ സ്ഥ​ല​ത്ത് ഇ​പ്പോ​ൾ കാ​ണു​ന്ന പു​തി​യ കെ​ട്ടി​ടം നി​ർ​മി​ച്ച് അ​തി​ലേ​ക്ക് മ്യൂ​സി​യം മാ​റി​യ​ത്. ശൈ​ഖ് അ​ബ്ദു​ല്ല ബി​ൻ ജാ​സിം ആ​ൽ​ഥാ​നി​യു​ടെ കൊ​ട്ടാ​ര​ത്തി​ന് ചു​റ്റും വ​ള​ർ​ന്നി​രു​ന്ന മ​രു​ഭൂ​മി​യി​ലെ റോ​സാ​പ്പൂ​വി​ൽ​നി​ന്ന് പ്ര​ചോ​ദ​നം ഉ​ൾ​ക്കൊ​ണ്ടാ​ണ് പു​തി​യ കെ​ട്ടി​ട​ത്തി​ന് രൂ​പം ന​ൽ​കി​യ​തും. ഫ്ര​ഞ്ച് ആ​ർ​ക്കി​ടെ​ക്റ്റ് ജീ​ൻ നൗ​വ​ലി​ന്റെ രൂ​പ​ക​ൽ​പ​ന​യാ​ണ് ഇ​ന്ന് കാ​ണു​ന്ന ദേ​ശീ​യ മ്യൂ​സി​യ​ത്തി​ന്റെ കെ​ട്ടി​ടം.

രാ​ജ്യ​ത്തെ പ്ര​മു​ഖ സാം​സ്കാ​രി​ക സം​ഘ​ട​ന​യാ​യ ഖ​ത്ത​ർ മ്യൂ​സി​യം​സി​ന്റെ 20ാം വാ​ർ​ഷി​ക​വും ദേ​ശീ​യ മ്യൂ​സി​യ​ത്തി​ന്റെ 50ാം വാ​ർ​ഷി​ക​വും ഒ​ന്നി​ച്ചെ​ത്തു​ന്നു എ​ന്ന​തും യാ​ദൃ​ച്ഛി​ക​മാ​ണ്. ഈ ​ച​രി​ത്ര മു​ഹൂ​ർ​ത്ത​ങ്ങ​ൾ അ​ട​യാ​ള​പ്പെ​ടു​ത്തു​ന്ന​തി​നാ​യി ക​ഴി​ഞ്ഞ 50 വ​ർ​ഷ​ത്തി​നി​ട​യി​ലെ ഖ​ത്ത​റി​ന്റെ സാം​സ്കാ​രി​ക യാ​ത്ര​യെ ആ​ദ​രി​ക്കാ​ൻ തീ​രു​മാ​നി​ച്ചി​രി​ക്കു​ക​യാ​ണ് അ​ധി​കൃ​ത​ർ. ഖ​ത്ത​ർ ക്രി​യേ​റ്റ്സ് ഒ​രു​ക്കു​ന്ന 18 മാ​സം നീ​ണ്ടു​നി​ൽ​ക്കു​ന്ന എ​വ​ലൂ​ഷ​ൻ നേ​ഷ​ൻ എ​ന്ന ആ​ഘോ​ഷ പ​രി​പാ​ടി​യി​ൽ ഖ​ത്ത​ർ മ്യൂ​സി​യ​വും പ​ങ്കെ​ടു​ക്കും.

ഖ​ത്ത​ർ ദേ​ശീ​യ മ്യൂ​സി​യം രാ​ജ്യ​ത്തി​ന്റെ സാം​സ്കാ​രി​ക സ്വ​ത്വ​ത്തി​നും ഓ​ർ​മ​ക​ൾ​ക്കും ഒ​രു തെ​ളി​വാ​യി നി​ല​കൊ​ള്ളു​ന്നു​വെ​ന്നാ​ണ് 50ാം വാ​ർ​ഷി​ക​വേ​ള​യി​ൽ ഖ​ത്ത​ർ മ്യൂ​സി​യം​സ് ചെ​യ​ർ​പേ​ഴ്സ​ൻ ശൈ​​ഖ അ​​ൽ മ​​യാ​​സ ബി​​ൻ​​ത് ഹ​​മ​​ദ് ആ​​ൽ​ഥാ​​നി പ​റ​ഞ്ഞു.

രാ​ജ്യ​ത്തി​ന്റെ പാ​ര​മ്പ​ര്യ​ത്തി​ന്റെ​യും ച​രി​ത്ര​ത്തി​ന്റെ​യും ക​ഥ​ക​ൾ പ്ര​ദ​ർ​ശി​പ്പി​ച്ചി​രി​ക്കു​ന്ന ഇ​ട​മാ​ണ് ഖ​ത്ത​ർ ദേ​ശീ​യ മ്യൂ​സി​യം. 50 വ​ർ​ഷം മു​മ്പ് ഖ​ത്ത​ർ ദേ​ശീ​യ മ്യൂ​സി​യം സ്ഥാ​പി​ച്ച അ​തേ ദ​ർ​ശ​ന​ത്തി​ൽ​നി​ന്നാ​ണ് ഖ​ത്ത​ർ മ്യൂ​സി​യം​സി​ന്റെ​യും പി​റ​വി. സാം​സ്കാ​രി​ക കൈ​മാ​റ്റ​ത്തെ പ്രോ​ത്സാ​ഹി​പ്പി​ക്കു​ക​യും ഖ​ത്ത​റി​ന്റെ പൈ​തൃ​ക​ത്തെ ഭാ​വി​യി​ലേ​ക്ക് ന​യി​ക്കു​ക​യും ചെ​യ്യു​ന്ന​താ​ണ് മ്യൂ​സി​യം എ​ന്ന് ശൈ​ഖ അ​ൽ മ​യാ​സ പ​റ​ഞ്ഞു.

രാ​ജ്യ​ത്തി​ന്റെ ഭൂ​ത​കാ​ല​ത്തെ​യും വ​ർ​ത്ത​മാ​ന കാ​ല​ത്തെ​യും ബ​ന്ധി​പ്പി​ക്കു​ന്ന ദേ​ശീ​യ മ്യൂ​സി​യം, ലോ​ക സാം​സ്കാ​രി​ക കേ​ന്ദ്ര​മാ​യി ഇ​തി​നോ​ട​കം മാ​റി​ക്ക​ഴി​ഞ്ഞു. ക​ഴി​ഞ്ഞ 50 വ​ർ​ഷ​ത്തി​നി​ട​യി​ൽ നി​ര​വ​ധി ആ​​ഗോ​ള അം​​ഗീ​കാ​ര​ങ്ങ​ളും ഖ​ത്ത​ർ ദേ​ശീ​യ മ്യൂ​സി​യ​ത്തെ തേ​ടി​യെ​ത്തി. മ്യൂ​സി​യം പാ​ർ​ക്ക്, ഷോ​പ്പ്, ​ഗാ​ല​റി​ക​ൾ, ഓ​ഡി​യോ വി​ഷ്വ​ൽ വാ​ൾ തു​ട​ങ്ങി​യ വി​നോ​ദ വി​ജ്ഞാ​ന​ങ്ങ​ളു​ടെ ച​രി​ത്ര കേ​ന്ദ്ര​മാ​ണ് ഇ​വി​ടം. ദോ​ഹ കോ​ർ​ണി​ഷി​നോ​ട് ചേ​ർ​ന്ന് ച​രി​ത്ര ശേ​ഷി​പ്പു​ക​ളു​മാ​യി ത​ല​യു​യ​ർ​ത്തി നി​ൽ​ക്കു​ക​യാ​ണ് ഖ​ത്ത​റി​ന്റെ ദേ​ശീ​യ മ്യൂ​സി​യം.