478 ഇ-ബസ് പാർക്കിങ്; ഗിന്നസ് തിളക്കത്തിൽ ലുസൈൽ

ദോഹ: ലോകകപ്പിലെ സൂപ്പർ മത്സരങ്ങളെ വരവേൽക്കാനൊരുങ്ങുന്ന ലുസൈൽ നഗരത്തിന് കിക്കോഫിന് മുമ്പേ ഗിന്നസ് റെക്കോഡ് പുസ്തകത്തിന്റെയും തലയെടുപ്പ്.കഴിഞ്ഞദിവസം ഉദ്ഘാടനം ചെയ്തതിനു പിന്നാലെ ലുസൈൽ ബസ് ഡിപ്പോയാണ് ഗിന്നസ് റെക്കോഡ് ബുക്കിൽ ഇടം പിടിച്ചത്.

ലോകത്തെ ഏറ്റവും വലിയ ഇ-ബസ് ഡിപ്പോയെന്ന നേട്ടത്തിലൂടെ അന്താരാഷ്ട്ര ഭൂപടത്തിൽ ഇടംപിടിക്കുന്ന ഇടമായി ലുസൈൽ മാറും.478 ഇ-ബസുകളെ ഉൾക്കൊള്ളാനുള്ള ശേഷിയോടെയാണ് റെക്കോഡ് ബുക്കിലെ പ്രവേശനം. ഗിന്നസ് അധികൃതരിൽനിന്നും ഗതാഗതമന്ത്രാലയവും അശ്ഗാലും ബഹുമതി പത്രങ്ങൾ ഏറ്റുവാങ്ങി.