ഖത്തറിൽനിന്ന്​ ഒരു ദിവസം നാല്​ ചാർ​ട്ടേർഡ്​ വിമാനങ്ങൾ പറത്തി കെ.എം.സി.സി

ദോഹ: കേരളത്തിലെ നാല്​ വിമാനത്താവളങ്ങളിലേക്ക്​ കെ.എം.സി.സി ഒരുക്കിയ ചാർ​ട്ടേർഡ്​ വിമാനങ്ങൾ പറന്നു. തിങ്കളാഴ്​ച രാവിലെ 5.30ന്​ കോഴിക്കോട്​ വിമാനം, 6.30ന്​ കൊച്ചി, പത്തിന്​ കണ്ണൂർ, 11.45ന്​ തിരുവനന്തപുരം വിമാനങ്ങളാണ്​ പുറപ്പെട്ടത്​. 28 കുഞ്ഞുങ്ങളടക്കം ആകെ 672 യാത്രക്കാരുണ്ട്​. എല്ലാവിമാനത്തിലും 168 യാത്രക്കാർ വീതമാണുള്ളത്​.

അർഹരായ 50 പേരെ പൂർണമായും സൗജന്യമായാണ്​ നാട്ടിലെത്തിക്കുന്നതെന്ന്​ ബന്ധപ്പെട്ടവർ അറിയിച്ചു. കെ.എം.സി.സിസംസ്​ഥാന നേതാക്കളടക്കം വിമാനത്താവളത്തിൽ യാത്രയയക്കാൻ എത്തിയിരുന്നു. നാദാപുരം മണ്ഡലം കമ്മിറ്റി യാത്രക്കാർക്ക്​ സുരക്ഷാകിറ്റുകൾ നൽകി. വരും ദിവസങ്ങളിൽ 30 ​ചാർ​ട്ടേർഡ്​ വിമാനങ്ങൾ കൂടി ഖത്തറിൽനിന്ന്​ കേരളത്തിലേക്ക്​ പോകുമെന്നും കെ.എം.സി.സി അറിയിച്ചു.