അ​ക്ഷ​ര ന​ഗ​രി​യാ​യി ദോ​ഹ ഉ​ണ​ർ​ന്നു

ദോ​ഹ: ഖ​ത്ത​റി​ലെ അ​ക്ഷ​ര​പ്രേ​മി​ക​ൾ​ക്ക് വീ​ണ്ടു​മൊ​രു വാ​യ​ന​യു​ടെ പൂ​ക്കാ​ലം സ​മ്മാ​നി​ച്ച് 34ാമ​ത് ദോ​ഹ അ​ന്താ​രാ​ഷ്ട്ര പു​സ്ത​ക​മേ​ള​ക്ക് ഡി.​ഇ.​സി.​സി​യി​ൽ തു​ട​ക്ക​മാ​യി. മേ​യ് 17 വ​രെ പ​ത്തു ദി​വ​സം നീ​ണ്ടു നി​ൽ​ക്കു​ന്ന പു​സ്ത​ക മേ​ള​യു​ടെ ഉ​ദ്ഘാ​ട​നം പ്ര​ധാ​ന​മ​ന്ത്രി​യും വി​ദേ​ശ​കാ​ര്യ​മ​ന്ത്രി​യു​മാ​യ ശൈ​ഖ് മു​ഹ​മ്മ​ദ് ബി​ൻ അ​ബ്ദു​ൽ​റ​ഹ്മാ​ൻ ആ​ൽ​ഥാ​നി നി​ർ​വ​ഹി​ച്ചു. ‘കൊ​ത്തു പ​ണി മു​ത​ൽ എ​ഴു​ത്ത് വ​രെ’ എ​ന്ന ത​ല​ക്കെ​ട്ടു​മാ​യി ആ​രം​ഭി​ച്ച അ​ന്താ​രാ​ഷ്ട്ര പു​സ്ത​ക മേ​ള​യി​ൽ 43 രാ​ജ്യ​ങ്ങ​ളി​ൽ നി​ന്നു​ള്ള 522 പ്ര​സാ​ധ​ക​രാ​ണ് പ​​ങ്കെ​ടു​ക്കു​ന്ന​ത്. രാ​വി​ലെ ന​ട​ന്ന ഉ​ദ്ഘാ​ട​ന ച​ട​ങ്ങി​നു പി​ന്നാ​ലെ പ്ര​ധാ​ന​മ​ന്ത്രി പു​സ്ത​ക പ​വി​ലി​യ​നു​ക​ൾ സ​ന്ദ​ർ​ശി​ച്ചു. ഖ​ത്ത​രി, അ​റ​ബ്, അ​ന്താ​രാ​ഷ്ട്ര പ്ര​സാ​ധ​ക​രു​ടെ ഏ​റ്റ​വും പു​തി​യ ​പു​സ്ത​ക​ങ്ങ​ൾ, ര​ച​ന​ക​ൾ, സാം​സ്കാ​രി​ക മ​ന്ത്രാ​ല​യ​ത്തി​ൽ നി​ന്നു​ള്ള വി​വി​ധ പ്ര​സി​ദ്ധീ​ക​ര​ണ​ങ്ങ​ൾ, സ​ർ​ക്കാ​ർ സ്ഥാ​പ​ന​ങ്ങ​ളു​ടെ പ​വി​ലി​യ​നു​ക​ൾ എ​ന്നി​വ മ​ന്ത്രി സ​ന്ദ​ർ​ശി​ച്ചു.

ഇ​ത്ത​വ​ണ​ത്തെ പു​സ്ത​ക​മേ​ള​യു​ടെ അ​തി​ഥി രാ​ജ്യ​മാ​യ ഫ​ല​സ്തീ​നി​ൽ നി​ന്നും 11 പ്ര​സാ​ധ​ക​ർ പ​​ങ്കെ​ടു​ക്കു​ന്നു​ണ്ട്. പ്ര​ത്യേ​ക പ​വി​ലി​യ​ൻ ത​ന്നെ ഫ​ല​സ്തീ​ൻ പ്ര​സാ​ധ​ക​ർ​ക്കാ​യി സ​ജ്ജ​മാ​ക്കി. 166000ത്തോ​ളം വി​വി​ധ വൈ​വി​ധ്യ​ങ്ങ​ളി​ലെ പു​സ്ത​ക​ങ്ങ​ളു​ടെ വി​പു​ല​മാ​യ ശേ​ഖ​ര​മാ​ണ് ഇ​ത്ത​വ​ണ​ത്തെ സ​വി​ശേ​ഷ​ത. വി​വി​ധ മ​ന്ത്രാ​ല​യ​ങ്ങ​ൾ, സ​ർ​ക്കാ​ർ, സ്വ​കാ​ര്യ സ്ഥാ​പ​ന​ങ്ങ​ൾ, ന​യ​ത​ന്ത്ര സ്ഥാ​പ​ന​ങ്ങ​ൾ എ​ന്നി​വ​യും അ​ണി​നി​ര​ക്കും. പ​ത്തു ദി​വ​സ​ങ്ങ​ളി​ലാ​യി നീ​ണ്ടു​നി​ൽ​ക്കു​ന്ന പു​സ്ത​ക മേ​ള​യോ​ട​നു​ബ​ന്ധി​ച്ച് സാം​സ്കാ​രി​ക, ക​ലാ ​പ​രി​പാ​ടി​ക​ൾ, സെ​മി​നാ​ർ, പ്ര​ഭാ​ഷ​ണ​ങ്ങ​ൾ, ശി​ൽ​പ​ശാ​ല എ​ന്നി​വ​യും അ​ര​ങ്ങേ​റും. പ്രാ​ദേ​ശി​ക, അ​ന്താ​രാ​ഷ്ട്ര പ്ര​സാ​ധ​ക​ർ, ബാ​ല​സാ​ഹി​ത്യ പ്ര​സാ​ധ​ക​ർ, ക്രി​യേ​റ്റി​വ് റൈ​റ്റ​ർ, യു​വ ഖ​ത്ത​രി എ​ഴു​ത്തു​കാ​ര​ൻ എ​ന്നീ വി​ഭാ​ഗ​ങ്ങ​ളി​ലും പു​ര​സ്കാ​ര​ങ്ങ​ൾ സ​മ്മാ​നി​ക്കും.

ഉ​ദ്ഘാ​ട​ന ച​ട​ങ്ങി​നോ​ട​നു​ബ​ന്ധി​ച്ച് സാം​സ്കാ​രി​ക മ​ന്ത്രാ​ല​യ​ത്തി​നു കീ​ഴി​ലെ ദോ​ഹ മാ​ഗ​സി​ൻ പ്ര​ധാ​ന​മ​ന്ത്രി പ്ര​കാ​ശ​നം നി​ർ​വ​ഹി​ച്ചു. രാ​വി​ലെ ഒ​മ്പ​ത് മു​ത​ൽ രാ​ത്രി 10 വ​രെ​യാ​ണ് പു​സ്ത​ക​മേ​ള​യി​ലേ​ക്ക് പ്ര​വേ​ശ​നം. വെ​​ള്ളി​​യാ​​ഴ്ച ഉ​​ച്ച മൂ​​ന്ന് മു​​ത​​ൽ രാ​​ത്രി 10 വ​​രെ​​യും പ്ര​വേ​ശ​നം ന​ൽ​കും. മ​ല​യാ​ള​ത്തി​ന്റെ സാ​ന്നി​ധ്യ​മാ​യി ഐ.​പി.​എ​ച്ച് പ​വി​ലി​യ​നും ഉ​ദ്ഘാ​ട​ന ദി​ന​ത്തി​ൽ പു​സ്ത​ക മേ​ള​യി​ൽ ആ​രം​ഭി​ച്ചു. ദോ​​ഹ ബു​​ക്ക് ഫെ​​യ​​റി​​ലെ ഹാ​​ൾ ന​​മ്പ​​ർ മൂ​​ന്നി​​ൽ പ​​വി​​ലി​​യ​​ൻ ന​​മ്പ​​ർ 58ലാ​​ണ് ഐ.​​പി.​​എ​​ച്ച് സ്റ്റാ​​ൾ.