കായികചരിത്രവും വർത്തമാനവും പറഞ്ഞ്​ '3–2–1' സ്​പോർട്സ്​ മ്യൂസിയം

ദോഹ: ഖത്തറും കായികമേഖലയും തമ്മിലുള്ള അഭേദ്യമായ ബന്ധത്തെ തുറന്നുകാണിക്കുന്ന '3–2–1' എന്ന ഖത്തർ ഒളിമ്പിക് ആൻഡ് സ്​പോർട്സ്​ മ്യൂസിയം രണ്ടുഘട്ടങ്ങളിലായി ഉടൻ തുറക്കും. ഖലീഫ രാജ്യാന്തര സ്​റ്റേഡിയത്തിനോടനുബന്ധിച്ചാണ്​ മ്യൂസിയം സ്​ഥാപിച്ചിരിക്കുന്നത്​. മ്യൂസിയം പൊതുജനങ്ങൾക്ക് രണ്ട് ഘട്ടങ്ങളിലായി ഈ വർഷം തുറന്നുകൊടുക്കുമെന്ന് ഖത്തർ മ്യൂസിയംസ്​ ചെയർപേഴ്സൻ ശൈഖ അൽ മയാസ ബിൻത് ഹമദ് ആൽഥാനിയാണ്​ അറിയിച്ചത്​. കായിക മേഖലയിലും ശാരീരിക അഭ്യാസങ്ങളിലും ജനങ്ങളുടെ പങ്ക് ഉയർത്തിക്കൊണ്ടുവരുന്നതിൽ മ്യൂസിയം പ്രചോദനമാകും.

ജപ്പാനിൽ നടക്കാനിരിക്കുന്ന ടോക്യോ ഒളിമ്പിക്സിനോടനുബന്ധിച്ച് ജൂലൈയിലും അറബ് കപ്പ് 2021നോടനുബന്ധിച്ച് ഒക്ടോബറിലുമാണ് മ്യൂസിയം ഔദ്യോഗികമായി തുറന്നുകൊടുക്കാൻ ലക്ഷ്യമിടുന്നത്​. 2006ൽ ഏഷ്യൻ ഗെയിംസിന് ആതിഥ്യം വഹിച്ചതിന് ശേഷം അമീർ തമീം ബിൻ ഹമദ് ആൽഥാനി ആരംഭിച്ച പ്രധാന പദ്ധതികളിലൊന്നാണിത്​.

കായികമേഖല എന്നത് ജീവിതത്തിലെ ഒഴിച്ചുകൂടാൻ സാധിക്കാത്ത ഘടകമാണ്​. പ്രഫഷനലായാലും കേവലം ആസ്വാദനത്തിനായാലും കായികമേഖലയെ ജീവിതത്തിൽനിന്ന്​ മാറ്റിനിർത്താനാകില്ല. നിരവധി അന്താരാഷ്​ട്ര, ലോകോത്തര കായിക ടൂർണമെൻറുകൾക്കും പരിപാടികൾക്കുമാണ് ഖത്തർ ആതിഥ്യംവഹിച്ചുകൊണ്ടിരിക്കുന്നത്​. സമീപഭാവിയിൽതന്നെ ഒളിമ്പിക് മ്യൂസിയം ശൃംഖലയിൽ ഈ മ്യൂസിയവും ചേരുമെന്നാണ് പ്രതീക്ഷിക്കുന്നതെന്നും ശൈഖ അൽ മയാസ പറഞ്ഞു.

ഖത്തർ ലോകകപ്പിനോടനുബന്ധിച്ച്​ ഖത്തരി ൈപതൃകവും സംസ്​കാരവും കാണികൾക്ക്​ അടുത്തറിയാനുള്ള വിവിധ പദ്ധതികൾക്കായി 2022 ലോകകപ്പ് സംഘാടക സമിതിയും ഖത്തര്‍ മ്യൂസിയംസും ധാരണപത്രം ഒപ്പുവെച്ചിരുന്നു. ഇതിൻെറ കൂടി ഭാഗമാണ്​ '3–2–1' ഖത്തര്‍ ഒളിമ്പിക് ആൻഡ്​​ സ്പോര്‍ട്സ് മ്യൂസിയം. ഖത്തര്‍ 2022 ലോകകപ്പിനുള്ള എട്ട് സ്​റ്റേഡിയങ്ങളില്‍ പ്രധാനപ്പെട്ട ഖലീഫാ സ്​റ്റേഡിയത്തിനടു