32 ടൺ പഴകിയ ഭക്ഷ്യവസ്തുക്കൾ നശിപ്പിച്ചു

ദോഹ: അൽ വക്റ മുനിസിപ്പാലിറ്റി പരിധിയിൽ നടന്ന പരിശോധനയിൽ 32 ടൺ പഴകിയ ഭക്ഷ്യവസ്തുക്കൾ അധികൃതർ പിടികൂടി. മുനിസിപ്പാലിറ്റി പരിധിയിലെ ബിർകാത് അൽ അവാമീർ മേഖലയിൽ ഒമ്പത് ഭക്ഷ്യ ഔട്ട്ലെറ്റുകളിലായാണ് പരിശോധന നടത്തിയത്.

ഇവയിൽ ഒന്ന് ലൈസൻസ് ഇല്ലാതെയാണ് പ്രവർത്തിക്കുന്നതെന്നും കണ്ടെത്തി. പിടികൂടിയ പഴകിയ ഭക്ഷ്യവസ്തുക്കൾ നശിപ്പിച്ചതായി അധികൃതർ അറിയിച്ചു.

മുനിസിപ്പാലിറ്റിയുടെ ആരോഗ്യ വിഭാഗവും പൊതുശുചീകരണ വിഭാഗവും സംയുക്തമായി ഭക്ഷ്യസുരക്ഷയും ആരോഗ്യവും ഉറപ്പാക്കുന്നതിന്‍റെ ഭാഗമായാണ് പരിശോധന നടത്തിയതെന്ന് അധികൃതർ അറിയിച്ചു.