2021 ഹോ​ട്ടി​ക​ള്‍ച്ച​റ​ല്‍ എ​ക്സ്പോ ഖ​ത്ത​റി​ല്‍

ദോ​ഹ: ഹോ​ട്ടി​ക​ള്‍ച്ച​റ​ല്‍ എ​ക്സ്പോ 2021 ഖ​ത്ത​റി​ല്‍. ഇ​ൻറ​ര്‍നാ​ഷ​ന​ല്‍ ടെ​സ് എ​ക്സ്പൊ​സി​ഷ​ന്‍ ബ്യൂ​റോ(​ബി​ഐ​ഇ) പ്ര​ഖ്യാ​പി​ച്ചതാണിത്​. 2021 മാ​ര്‍ച്ച് 17 മു​ത​ല്‍ ഒ​ക്ടോബ​ര്‍ 14 വ​രെ​യാ​ണ് പ്ര​ദ​ര്‍ശ​നം. ആ​ഗോ​ള​ത​ല​ത്തി​ല്‍ പ​രി​സ്ഥി​തി​യി​ലെ പ​ച്ച​പ്പ് വ്യാ​പി​പ്പി​ക്കു​ക എ​ന്ന​താ​ണ് പ​രി​പാ​ടി​യു​ടെ പ്ര​ധാ​ന ല​ക്ഷ്യം. ഖ​ത്ത​ര്‍ മു​നി​സി​പ്പാ​ലി​റ്റി പ​രി​സ്ഥി​തി മ​ന്ത്രി അ​ബ്ദു​ല്ല ബി​ന്‍ അ​ബ്ദു​ല്‍ അ​സീ​സ് ബി​ന്‍ തു​ര്‍ക്കി അ​ല്‍സു​ബൈ ബി​ഐ​ഇയുടെ പ​താ​ക ഔ​ദ്യോ​ഗി​ക​മാ​യി ഏ​റ്റു​വാ​ങ്ങി.
2021ലെ ​ഹോ​ര്‍ട്ടി​ക​ള്‍ച്ച​റ​ല്‍ എ​ക്സ്പോ ഖ​ത്ത​റി​ല്‍ ന​ട​ത്താ​നാ​കു​ന്ന​ത് വ​ലി​യ നേ​ട്ട​മാ​ണെ​ന്ന്​ അദ്ദേഹം പറഞ്ഞു. പൂ​ന്തോ​ട്ട​ങ്ങ​ളു​ടെ നി​ര്‍മാ​ണം വ​ര്‍ധി​പ്പി​ക്കൽ, തോ​ട്ട​കൃ​ഷി​യു​ടെ വ​ള​ര്‍ച്ച​, മോ​ശ​മാ​യ കാ​ലാ​വ​സ്ഥ​യി​ലും ചെ​ടി​ക​ളും പൂ​ക്ക​ളും മ​ര​ങ്ങ​ളും ന​ട്ടു​പി​ടി​പ്പി​ക്കൽ തുടങ്ങിയ മേഖലകളിൽ മേ​ള പ്ര​ചോ​ദ​ന​മാ​കു​മെ​ന്നും തു​ര്‍ക്കി അ​ല്‍സു​ബൈ പ​റ​ഞ്ഞു.

വ​ള​രെ പ്ര​ധാ​ന​പ്പെ​ട്ട ഈ ​പ്ര​ദ​ര്‍ശ​ന​ത്തി​ല്‍ ലോ​ക​ത്തെ എ​ല്ലാ രാ​ജ്യ​ങ്ങ​ളും പ​ങ്കെ​ടു​ക്കു​മെ​ന്നാ​ണ് പ്ര​തീ​ക്ഷ​. സാ​ങ്കേ​തി​ക​വി​ദ്യ​യും അ​റി​വും പ​ങ്കു​വെ​ക്കു​ന്ന​തി​ന് രാ​ജ്യ​ങ്ങ​ളെ ത​ങ്ങ​ള്‍ പ്രേ​ാത്സാ​ഹി​പ്പി​ക്കു​ം. ഉ​ഷ്ണ​കാ​ല​ത്തെ വി​ജ​യ​ക​ര​മാ​യി പ്ര​തി​രോ​ധി​ക്കു​ന്ന രാാ​ജ്യ​ങ്ങ​ളു​ടെ അ​നു​ഭ​വ​ങ്ങ​ള്‍ ഖ​ത്ത​റി​നും പ്ര​യോ​ജ​ന​പ്പെ​ടു​ത്താ​ൻ മേളയിലൂ​ടെ ക​ഴി​യും. കൂ​ടു​ത​ല്‍ പേ​ര്‍ ന​ഗ​ര​ത്തി​ല്‍ ജീ​വി​ക്കു​ന്നു​വെ​ന്ന​തി​നാ​ല്‍ ത​ന്നെ ഖ​ത്ത​റി​ലു​ള്ള​വ​ര്‍ ന​ഗ​ര​ഭം​ഗി​ക്കും ഇ​തി​ലെ പ​ച്ച​പ്പു​ള്ള പ്ര​ദേ​ശ​ങ്ങ​ള്‍ക്കും വ​ലി​യ പ്രാ​ധാ​ന്യ​മാ​ണ് ന​ല്‍കു​ന്നതെന്നും അദ്ദേഹം പറഞ്ഞു. മ​ധ്യ​പൂ​ർവേ​ഷ്യ​യി​ലും ഉ​ത്ത​രാ​ഫ്രി​ക്ക​യി​ലു​മാ​യി ന​ട​ക്കു​ന്ന ആ​ദ്യ​ത്തെ ഉ​ദ്യാ​ന​വ​ത്ക​ര​ണ പ്ര​ദ​ര്‍ശ​ന​മാ​ണ് ഇ​തെ​ന്നും ആ​ഗോ​ള കാ​ലാ​വ​സ്ഥാ വ്യ​തി​യാ​നം ന​ട​ന്നു​കൊ​ണ്ടി​രി​ക്കു​ന്ന ഇ​ക്കാ​ല​ത്ത് സു​സ്ഥി​ര​ത​യെ ത​ക​ര്‍ക്കു​ന്ന വെ​ല്ലു​വി​ളി​ക​ളെ നേ​രി​ടാ​ൻ മേ​ള സ​ഹാ​യി​ക്കു​മെ​ന്നും ബി​ഐ​ഇ സെ​ക്ര​ട്ട​റി ജ​ന​റ​ല്‍ വി​സി​​​​െൻറ ജി ​ലോ​സെ​ര്‍ട്ടേ​ല്‍സ് പ​റ​ഞ്ഞു.

ഹോ​ര്‍ട്ടി​ക​ള്‍ച്ച​റ​ല്‍ എ​ക്സ്പോ കാ​ര്‍ഷി​ക മേ​ഖ​ല​യു​ടെ വ​ള​ര്‍ച്ച​ക്കും ന​ഗ​ര​ങ്ങ​ളെ പ​ച്ച​യ​ണി​ക്കു​ന്ന​തി​നും അ​വ​സ​രം ഒ​രു​ക്കു​മെ​ന്ന് എ​ഐ​പി​എ​ച്ച്​ സെ​ക്ര​ട്ട​റി ജ​ന​റ​ല്‍ ടിം ​ബ്രീ​ര്‍ക്ലി​ഫി പ​റ​ഞ്ഞു. ഉ​ഷ്ണ​ക്കൂ​ടു​ത​ലും മ​രു​ഭൂ പ്ര​ദേ​ശ​വു​മു​ള്ള രാ​ജ്യ​ങ്ങ​ള്‍ വിവിധ വെ​ല്ലു​വി​ളി​ക​ള്‍ നേരിടുന്നുണ്ട്​.
ഖ​ത്ത​റു​മാ​യി സ​ഹ​ക​രി​ച്ച് വി​ജ​യ​ക​ര​വും വി​ശാ​ല​വു​മാ​യ പ്ര​ദ​ര്‍ശ​ന​ത്തി​നാ​ണ് ത​ങ്ങ​ള്‍ ത​യ്യാ​റെ​ടു​ക്കു​ന്ന​തെ​ന്നും ഖ​ത്ത​ര്‍ ലോ​ക​ക​പ്പി​ന് ഒ​രു​വ​ര്‍ഷം മു​മ്പാ​ണ് ഈ ​മേ​ള ന​ട​ക്കു​ന്ന​തെ​ന്നും ബ്രീ​ക്ലി​ഫി പ​റ​ഞ്ഞു.