വിപുല സഹായപദ്ധതികളുമായി  ഖ​ത്ത​ര്‍ റെ​ഡ്ക്ര​സ​ൻറ്​ സൊ​സൈ​റ്റി

ദോ​ഹ: വിപുലമായ നിരവധി സഹായപദ്ധതികളുമായി ഖ​ത്ത​ര്‍ റെ​ഡ്ക്ര​സ​ൻറ്​ സൊ​സൈ​റ്റി. രോ​ഗീ​സ​ഹാ​യ ഫ​ണ്ട്​ ഇനത്തിൽ​ 2017ല്‍ ​4.5 മി​ല്യ​ണ്‍ റി​യാ​ല്‍ സൊസൈറ്റി ചെ​ല​വ​ഴി​ച്ചു. ഖ​ത്ത​റി​ലു​ള്ള 354 രോ​ഗി​ക​ള്‍ക്ക് മി​ക​ച്ച ചി​കി​ത്സ ഉ​റ​പ്പാ​ക്കാ​നാ​യ​താ​യും ക്യു​ആ​ര്‍സി​എ​സ് അ​റി​യി​ച്ചു. 2010ലാ​ണ് ഫ​ണ്ട് രൂ​പീ​ക​രി​ച്ച​ത്. ഇ​തു​വ​രെ​യാ​യി 2355 രോ​ഗി​ക​ളെ പ​ദ്ധ​തി​യു​ടെ ഭാ​ഗ​മാ​ക്കി​. ഇ​വ​ര്‍ക്കാ​യി 23 മി​ല്യ​ണ്‍ ഖ​ത്ത​ര്‍ റി​യാ​ലാ​ണ് ചെ​ല​വ​ഴി​ച്ച​ത്. ക്യു​ആ​ര്‍സി​എ​സ് വൊ​ള​ൻറീയ​റി​ങ് ആ​ൻറ്​ ലോ​ക്ക​ല്‍ ഡെ​വ​ല​പ്മെ​ൻറ്​ ഡി​വി​ഷ​ന്‍ എ​ക്സി​ക്യു​ട്ടീ​വ് ഡ​യ​റ​ക്ട​ര്‍ നൂ​റ റാ​ഷി​ദ് അ​ല്‍ദോ​സ​രി​യാ​ണ് ഇ​ക്കാ​ര്യം അ​റി​യി​ച്ച​ത്. 
ഫ​ണ്ടു​മാ​യി ബ​ന്ധ​പ്പെ​ട്ട് സം​ഘ​ടി​പ്പി​ച്ച ആ​രോ​ഗ്യ ബോ​ധ​വ​ല്‍ക്ക​ര​ണ പ​രി​പാ​ടി​ക​ളി​ല്‍ 9680പേ​ര്‍ പ​ങ്കാ​ളി​ക​ളാ​യി. ഈ ​വ​ര്‍ഷം 324 രോ​ഗി​ക​ളെ സ​ഹാ​യി​ക്കാ​നാ​ണ്  ല​ക്ഷ്യ​മി​ടു​ന്ന​ത്. ഇ​തി​നാ​യി പ്രാ​ഥ​മി​ക​മാ​യി നീ​ക്കി​വെ​ച്ചി​രി​ക്കു​ന്ന​ത് 3.8 മി​ല്യ​ണ്‍ റി​യാ​ലാ​ണ്. പ​ത്ത് അ​വ​യ​വം മാ​റ്റി​വെ​ക്ക​ല്‍ ശ​സ്ത്ര​ക്രി​യ​ക​ള്‍,  കി​ഡ്നി ത​ക​രാ​റു​മാ​യി ബ​ന്ധ​പ്പെ​ട്ട നാ​ലു കേ​സു​ക​ള്‍, 80 ഹെ​പ്പ​റ്റി​റ്റി​സ് സി ​രോ​ഗി​ക​ള്‍, 50 കാ​ര്‍ഡി​യാ​ക് രോ​ഗി​ക​ള്‍,  40 കോ​ക്ലി​യ​ര്‍ ഇം​പ്ലാൻറ്​സ്​, ഹി​യ​റി​ങ് സ​ഹാ​യം, 30 റു​മാ​റ്റി​സം രോ​ഗി​ക​ള്‍,  30 ഓ​ട്ടോ ഇ​മ്യൂ​ണ്‍ രോ​ഗി​ക​ള്‍,  30 പ്രോ​സ്തെ​സ​സ് എ​ന്നി​വ​ര്‍ക്കു​പു​റ​മെ ഖ​ത്ത​റി​ല്‍ താ​മ​സി​ക്കു​ന്ന 50 സി​റി​യ​ന്‍, യ​മ​നി സ്വ​ദേ​ശി​ക​ള്‍ക്കും ആ​രോ​ഗ്യ​സ​ഹാ​യം ല​ഭ്യ​മാ​ക്കും. 
വ​രും വ​ര്‍ഷ​ങ്ങ​ളി​ല്‍ കൂ​ടു​ത​ല്‍ രോ​ഗി​ക​ള്‍ക്ക് സ​ഹാ​യം എ​ത്തി​ക്കു​കയാ​ണ് ല​ക്ഷ്യ​മി​ടു​ന്ന​ത്. ഖ​ത്ത​റി​ലെ സ​ഹാ​യ​ക​മ​ന​സ്ക​രു​ടെ​യും സ്ഥാ​പ​ന​ങ്ങ​ളു​ടെ​യും സം​ഭാ​വ​ന​ക​ളാ​ണ് ഇ​തി​നാ​യി ചെ​ല​വ​ഴി​ക്കു​ന്ന​ത്. ഹ​മ​ദ് മെ​ഡി​ക്ക​ല്‍ കോ​ര്‍പ്പ​റേ​ഷ​​​െൻറ വി​വി​ധ ആ​രോ​ഗ്യ​കേ​ന്ദ്ര​ങ്ങ​ളി​ല്‍ നി​ര​വ​ധി ഇ​ ലൈ​ബ്ര​റി​ക​ളും സൊസൈറ്റി സ്ഥാ​പി​ച്ചു. ആ​ശുപ​ത്രി​ക​ളി​ല്‍ ചി​കി​ത്സ​യി​ല്‍ ക​ഴി​യു​ന്ന രോ​ഗി​ക​ള്‍ക്കാ​യി മ​ന​ശാ​സ്ത്ര​പ​ര​മാ​യ പി​ന്തു​ണ ന​ല്‍കു​ന്ന​തി​നാ​യി സ​ന്ദ​ര്‍ശ​ന​ങ്ങ​ളും പ​രി​പാ​ടി​ക​ളും സം​ഘ​ടി​പ്പി​ച്ചു​വ​രു​ന്നു. എ​ച്ച്എം​സി, ഖ​ത്ത​ര്‍ സൊ​സൈ​റ്റി ഫോ​ര്‍ റി​ഹാ​ബി​ലി​റ്റേ​ഷ​ന്‍ ഓ​ഫ് സ്പെ​ഷ്യ​ല്‍ നീ​ഡ്സ്, സ​ക്കാ​ത്ത് ഫ​ണ്ട് എ​ന്നി​വ​യു​മാ​യും സൊസൈറ്റി സ​ഹ​ക​രി​ച്ചു​പ്ര​വ​ര്‍ത്തി​ക്കു​ന്നു​ണ്ട്.