കായികപ്രേമികൾ ഖത്തർ ക്ലാസികോ മാച്ചിനായുള്ള കാത്തിരിപ്പിൽ

ദോഹ: രാജ്യത്തെ കായികപ്രേമികൾ ഞായറാഴ്ചത്തെ  ഖത്തർ ക്ലാസികോ മാച്ചിനായുള്ള കാത്തിരിപ്പിൽ. അതേസമയം കളിയിലെ ശ്രദ്ധാകേന്ദ്രങ്ങളാകുക സ്പാനിഷ് സൂപ്പർതാരങ്ങളായ അൽ സദ്ദ് ക്യാപ്റ്റൻ ഷാവി ഹെർണാണ്ടസും അൽ റയ്യാൻ സ്ൈട്രക്കർ സെർജിയോ ഗാർഷ്യയും എന്നാണ് കായികരംഗത്തുള്ളവർ വിലയിരുത്തുന്നത്.ഗാർഷ്യയുടെ അവസാന ക്യു എസ് എൽ ഖത്തർ ക്ലാസികോ എന്നതിനാൽ പോരാട്ടം തീപാറുമെന്നാണ് കരുതുന്നത്. ഇൗ സീസൺ അവസാനിക്കുന്നതോടെ ത​െൻറ കായിക ജീവിതത്തിന് തിരശീലയാകുമെന്ന് ഗാർഷ്യ പ്രഖ്യാപിച്ചിരുന്നു. ഈ സീസണിൽ മിന്നുന്ന താരങ്ങളായിരുന്നു ഇരുവരും. സിംഹങ്ങൾ എന്നാണ് അൽ റയ്യാ​െൻറ വിശേഷണം. എന്നാൽ ചെന്നായകൾ എന്നത് അൽ സദ്ദി​െൻറ ഒാമനപ്പേരും. ഇൗ ടീമുകളുടെ മിന്നുന്ന മുഖങ്ങളായ ഇൗ അന്താരാഷ്ട്ര താരങ്ങളുടെയും പ്രകടനം കാണികളെ സംബന്ധിച്ച് ഏറ്റവും വലിയ അനുഭവമായിരിക്കും നൽകുക.