കോഴിക്കോട്​ നിന്ന്​ ദോഹയിലേക്ക്​ വന്ന ജെറ്റ്​ എയർവെയ്​സിലെ 52 യാത്രികർക്ക്​ ബാഗേജ്​ ലഭിച്ചില്ല

ദോഹ: കോഴി​േക്കാട്​ നിന്ന്​ ദോഹയിലെത്തിയ ​െജറ്റ്​ എയർവെയ്​സ്​ ​ഫ്ലൈറ്റിലെ നിരവധി  യാത്രക്കാരുടെ ബാഗേജുകൾ വിമാനത്തിൽ ഇല്ലാതിരുന്നത്​ യാത്രികരെ ദുരിതത്തിലാഴ്​ത്തി. ബുധനാഴ്​ച്ച രാ​ത്രി ഒമ്പതര​േയാടെ കോഴിക്കോട്​ നിന്ന്​ പുറപ്പെട്ട വിമാനം ഇന്നലെ പുലർച്ചെ ഒന്നരയോടെയാണ്​ ദോഹയിൽ ലാൻറ്​ ചെയ്​തത്​. ആകെ ഉണ്ടായിരുന്ന 148 യാത്രക്കാരിൽ 52 പേർക്കാണ്​ ബാഗേജ്​ ലഭിക്കാതിരുന്നത്​. അന്വേഷിച്ചപ്പോൾ അടുത്ത ദിവസം ലഭിക്കുമെന്ന മറ​ുപടിയാണ്​ യാത്രക്കാർക്ക്​ ലഭിച്ചത്​. ഇതിനെ തുടർന്ന്​ യാത്രക്കാരിൽ പലരും ഏറെ ദുരിതത്തിലായതായി പരാതിയുണ്ട്​. മുൻകൂർ അറിയിപ്പില്ലാതെ ബാഗേജുകൾ ലഭിക്കാത്തതിനെ തുടർന്ന്​  ഏ​െറ ബുദ്ധിമുട്ടുണ്ടായതായി യാത്രക്കാർ ജെറ്റ്​ എയർവെയ്​സ്​ അധികൃതരോട്​ പരാതിപ്പെട്ടു. തങ്ങളുടെ ബാഗേജുകളിൽ കരുതിയിര​ുന്ന ഭക്ഷണ സാധനങ്ങൾ  യോഗ്യമല്ലാതാകും എന്നതും ഇവർ ചൂണ്ടിക്കാട്ടി. എന്നാൽ കോഴിക്കോട്ട്​ നിന്ന്​ വിമാനം പുറപ്പെടാൻ നേരം കനത്ത മഴയും ഇടിയും ഉള്ളതിനാൽ അധിക ഭാരം ഒഴിവാക്കുക എന്ന പൈലറ്റി​​െൻറ തീരുമാനത്തി​​െൻറ അടിസ്ഥാനത്തിലാണ്​ 52 പേരുടെ ബാഗേജുകൾ ഒഴ​ിവാക്കിയതെന്ന്​ ജെറ്റ്​ എയർവെയ്​സ്​ അധികൃതർ ‘ഗൾഫ്​ മാധ്യമ’ത്തോട്​ പറഞ്ഞു. ബാഗേജുകൾ ​ ഇന്നലെ ഉച്ചക്ക്​ ദോഹയിൽ എത്തിയ ഖത്തർ എയർവെയ്​സ്​ വിമാനത്തിൽ ദോഹയിൽ എത്തിച്ചതായും അവർ അറിയിച്ചു. ​ൈപലറ്റി​​െൻറ അഭിപ്രായം മൂലമാണ്​  ഇത്തരമൊരു  അടിയന്തിര തീരുമാനം എട​ുക്കേണ്ടി വന്നതെന്നും ​െജറ്റ്​ എയർവെയ്​സ്​ അധിക​ൃതർ വ്യക്തമാക്കി. എന്നാൽ തങ്ങൾക്ക്​ അനുഭവിക്കേണ്ടി വന്നത്​ പലതരത്തിലുള്ള ബുദ്ധിമുട്ടുകളാണന്ന്​ ബാഗേജുകൾ ലഭിക്കാത്ത യാത്രികർ പറഞ്ഞു. 
ഇൗ വിമാനത്തിലെത്തിയ ബാംഗൂർ സ്വ​േദശി 14 ദിവസത്തെ ​ട്രൈയിനിങ്ങിനായാണ്​ ദോഹയിൽ എത്തിയത്​. 
എന്നാൽ ബാഗേജ്​ ലഭിക്കാത്തതിനാൽ ഡ്രസ്​ മാറാനോ ​​​ഫ്രഷാകാനോ ഉള്ള സാഹചര്യമില്ലാതെ ഇദ്ദേഹം വലഞ്ഞു. ഇത്തരം അനുഭവങ്ങൾ മറ്റ്​ നിരവധി യാത്രക്കാരും പങ്കുവെച്ചു.