ആറാമത് ഹലാല്‍ ഫെസ്റ്റിവല്‍ തുടരുന്നു

ദോഹ: പൈതൃകം നിലനിര്‍ത്തുകയെന്ന ലക്ഷ്യത്തോടെയുള്ള കതാറ കള്‍ച്ചറല്‍ വില്ളേജ് ഫൗണ്ടേഷന്‍ സംഘടിപ്പിക്കുന്ന ആറാമത് ഹലാല്‍ ഖത്തര്‍ ഫെസ്റ്റിവല്‍ കതാറയില്‍ തുടരുന്നു.  മാര്‍ച്ച് നാലിന് സമാപിക്കും. കതാറയുടെ തെക്ക് ഭാഗത്ത് ആടുകളുടെ മഹോത്സവമായി അറിയപ്പെടുന്ന ഫെസ്റ്റിവലില്‍  വിവിധ പരിപാടികളാണ് ഈ വര്‍ഷവും കതാറ സംഘടിപ്പിക്കുന്നത്. ആടും അറബികളും തമ്മിലുള്ള ചരിത്രബന്ധം ആധുനിക തലമുറക്ക് കൂടി പരിചയപ്പെടുത്തുകയെന്ന ലക്ഷ്യത്തോടെയാണ് ഹലാല്‍ ഖത്തര്‍ ഫെസ്റ്റിവല്‍ സംഘടിപ്പിക്കപ്പെടുന്നത്.