എഫ്.സി ബാഴ്സലോണയുടെ ഖത്തറിലെ കളി  ഡിസംബര്‍ 13 ന് 

ദോഹ: ഖത്തര്‍ എയര്‍വെയ്സും എഫ് സി ബാഴ്സലോണയും തമ്മില്‍ കരാര്‍ പുതുക്കി ഒരുമാസം പിന്നിടുമ്പോള്‍ ടീം ഖത്തറില്‍ കളിക്കാന്‍ എത്തുന്നു. ഖത്തര്‍ എയര്‍വേയ്സും ഖത്തര്‍ സ്പോര്‍ട്സ് ഇന്‍വെസ്ററുമെന്‍്റുമാണ് കളിയുടെ സ്പോണ്‍സര്‍മാര്‍. 2014ലും 2015ലുംകഴിഞ്ഞ മെയിലും ടീം ഖത്തറില്‍ എത്തികളിക്കുമെന്ന് അറിയിപ്പുണ്ടായിരുന്നെങ്കിലും നടന്നിരുന്നില്ല. സാങ്കേതിക പ്രശ്നങ്ങളാണ് കാരണമായി പറഞ്ഞിരുന്നത്. ഥാനി ബിന്‍ ജാസിം സ്റ്റേഡിയത്തില്‍ (അല്‍ ഗര്‍റാഫ സ്റ്റേഡിയം) ആണ്  കളിയെന്ന് ഖത്തര്‍ എയര്‍വെയ്സ് വാര്‍ത്താ കുറിപ്പില്‍ അറിയിച്ചു. സൗദ്യഅറേബ്യന്‍ ലീഗ് ചാംപ്യന്‍മാരായ അല്‍ അഹ്ലി ക്ളബുമായാണ് എഫ്.സി ബാഴ്സലോണയുടെ കളി. ബാഴ്സലോണ കളിക്കാന്‍ എത്തുമെന്ന വാര്‍ത്തകള്‍ എത്തിയതോടെ ഫുട്ബോള്‍ ആരാധകര്‍ ആവേശത്തിലാണ്. വര്‍ഷങ്ങളായുള്ള ആഗ്രഹം സഫലീകരിക്കുകയായിരിക്കും ഇതിലൂടെ.