രുചിപ്പെരുമയുമായി മലബാര് അടുക്കള
text_fields
ദോഹ: മലബാറിന്െറ രുചിവൈവിധ്യ പെരുമയുടെ ഫേസ്ബുക്ക് കൂട്ടായ്മയായ മലബാര് അടുക്കളയുടെ ഖത്തര് ചാപ്റ്റര് നടത്തിയ കുടുംബ സംഗമം നടത്തി. ഇസ്ലാമിക് ആര്ട്ട് മ്യൂസിയം പാര്ക്കില് നടന്ന സംഗമത്തില് അംഗങ്ങളും കുടുംബാംഗങ്ങളുമടക്കം 250ഓളം പേര് പങ്കെടുത്തു. പരിപാടിയില് മലബാറിന്െറ തനത് വിഭവങ്ങളുടെ ഭക്ഷ്യമേളയും ഒരുക്കിയിരുന്നു. മുട്ടമാല, ചട്ടിപ്പത്തിരി, ഉന്നക്കായ, കായ്പ്പോള , മീന് പത്തല്, കുഞ്ഞി പത്തിരി, നെയ്പത്തിരി, തലശ്ശേരി ബിരിയാണി, വിവിധയിനം കേക്കുകള് തുടങ്ങി രുചിക്കൂട്ടുകളുടെ കലവറ തന്നെ വീട്ടമ്മമാര് ഒരുക്കിയിരുന്നു. മലബാര് അടുക്കളയുടെ അഡ്മിന് ഷഹാന ഇല്യാസ് അധ്യക്ഷത വഹിച്ചു. ഗ്രൂപ്പ് കോ ഓഡിനേറ്റര് ജെസ്ന ബക്കര്, നസീഹ മജീദ്, വാസു വാണിമല്, കമറുന്നിസ കൂളിയാങ്ങല് എന്നിവര് സംസാരിച്ചു.
തുടര്ന്ന് നടന്ന കുട്ടികളുടെയും മുതിര്ന്നവരുടെയും കലാ കായിക മത്സരങ്ങള്ക്ക് അബ്ദുല് അസീസ് പുറായില്, സി.ടി. സിദ്ദീഖ്, ഗരീബ് നവാസ് എന്നിവര് നേതൃത്വം നല്കി.
ഉത്സാഹപൂര്വ്വം മത്സരങ്ങളില് പങ്കെടുത്ത കുടുംബങ്ങള് ഈ ഒത്തുചേരലിനെ ആഘോഷമാക്കി മാറ്റി. അഡ്മിന് പാനല് അംഗം യൂനുസ് പാലക്കുനി സ്വാഗതം പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.