പ്രധാനമന്ത്രി സൗദി രാജാവുമായി കൂടിക്കാഴ്ച നടത്തി

ദോഹ: പ്രധാനമന്ത്രിയും ആഭ്യന്തരമന്ത്രിയുമായ ശൈഖ് അബ്ദുല്ല ബിന്‍ നാസര്‍ ബിന്‍ ഖലീഫ ആല്‍ഥാനി സൗദി ഭരണാധികാരി സല്‍മാന്‍ ബിന്‍ അബ്ദുല്‍ അസീസ് രാജാവുമായി കൂടിക്കാഴ്ച നടത്തി. 
ജിദ്ദയില്‍ ഹ്രസ്വ സന്ദര്‍ശനത്തിനത്തെിയതായിരുന്നു പ്രധാനമന്ത്രി. കൂടിക്കാഴ്ചയില്‍ ഇരുരാജ്യങ്ങളും തമ്മിലുള്ള സൗഹൃദവും നയതന്ത്രബന്ധവും ചര്‍ച്ച ചെയ്ത ഇരുരാഷ്ട്രത്തലവന്മാരും, വിവിധ മേഖലകളില്‍ സഹകരണം വര്‍ധിപ്പിക്കുന്നതുമായി ബന്ധപ്പെട്ടും ചര്‍ച്ച ചെയ്തു. 

ആദരസൂചകമായി സല്‍മാന്‍ രാജാവ് സംഘടിപ്പിച്ച ഇഫ്താര്‍ വിരുന്നില്‍ പ്രധാനമന്ത്രി പങ്കെടുത്തു. 
നേരത്തെ ജിദ്ദയിലത്തെിയ പ്രധാനമന്ത്രി അബ്ദുല്ല ബിന്‍ നാസര്‍ ബിന്‍ ഖലീഫ ആല്‍ഥാനിയെ, ജിദ്ദ ഗവര്‍ണറായ രാജകുമാരന്‍ മിശാല്‍ ബിന്‍ മാജിദ് ബിന്‍ അബ്ദുല്‍ അസീസ്, ഖത്തര്‍ അംബാസഡര്‍ ശൈഖ് അബ്ദുല്ല ബിന്‍ താമര്‍ ആല്‍ഥാനി എന്നിവര്‍ ചേര്‍ന്ന് സ്വീകരിച്ചു.