ഒമ്പത് നിയമലംഘനങ്ങള്‍ പിടികൂടി

ദോഹ: ഹോള്‍സെയില്‍ മാര്‍ക്കറ്റില്‍ സാമ്പത്തിക വാണിജ്യ മന്ത്രാലയം ഉദ്യോഗസ്ഥര്‍ നടത്തിയ മിന്നല്‍ പരിശോധനയില്‍ ഒമ്പത് നിയമലംഘനങ്ങള്‍ പിടികൂടി. മാര്‍ക്കറ്റിലെ കന്നുകാലികളും അവക്കുള്ള തീറ്റപ്പുല്ലുകളും വില്‍ക്കുന്ന കേന്ദ്രങ്ങളിലാണ് വകുപ്പ് മിന്നല്‍ പരിശോധന നടത്തിയത്. വില്‍പന വസ്തുവിന് മുകളില്‍ വില രേഖപ്പെടുത്താത്തതും ബില്‍ നല്‍കാത്തതും ബില്ലിന് മുകളില്‍ വിറ്റ സാധനം മാറ്റിയെടുക്കുകയോ മടക്കി നല്‍കുകയോ ചെയ്യില്ളെന്ന് രേഖപ്പെടുത്തിയതടക്കമുള്ള കേസുകളാണ് രജിസ്റ്റര്‍ ചെയ്തിരിക്കുന്നത്. ഉപഭോക്താക്കളുടെ അവകാശങ്ങള്‍ സംരക്ഷിക്കുന്നതിന് അനുശാസിക്കുന്ന 2008ലെ എട്ടാം നമ്പര്‍ നിയമമനുസരിച്ചാണ് പരിശോധന നടത്തിയതെന്ന് മന്ത്രാലയം അറിയിച്ചു. 
ഉപഭോക്താവിന്‍െറ അവകാശം ഹനിക്കുന്ന  ഏതെങ്കിലും രീതിയിലുള്ള നിയമലംഘനങ്ങളും മറ്റും ശ്രദ്ധയില്‍ പെട്ടാല്‍ ബന്ധപ്പെട്ട അതോറിറ്റിയെ അറിയിക്കണമെന്ന് മന്ത്രാലയം ഉപഭോക്താക്കളോടാവശ്യപ്പെട്ടിട്ടുണ്ട്.