ഡെന്‍മാര്‍ക്ക് വിദേശകാര്യമന്ത്രിയുമായി അമീര്‍ ചര്‍ച്ച നടത്തി

ദോഹ: ഒൗദ്യോഗിക സന്ദര്‍ശനത്തിനായി ദോഹയിലത്തെിയ ഡെന്‍മാര്‍ക്ക് വിദേശകാര്യമന്ത്രി ക്രിസ്റ്റ്യന്‍ ജെന്‍സനുമായി അമീര്‍ ശൈഖ് തമീം ബിന്‍ ഹമദ് ആല്‍ഥാനി കൂടിക്കാഴ്ച നടത്തി. അമീരി ദീവാനില്‍ നടന്ന കൂടിക്കാഴ്ചയില്‍ ഇരുരാജ്യങ്ങളും തമ്മിലുള്ള നയതന്ത്ര ബന്ധത്തെ സംബന്ധിച്ചും അത് വിശാലമാക്കുന്നതുമായി ബന്ധപ്പെട്ടും സംസാരിച്ചു. പരസ്പര പ്രാധാന്യമുള്ള നിരവധി വിഷയങ്ങളും കൂടിക്കാഴ്ചയില്‍ വിഷയമായി. 
ഒൗദ്യോഗിക സന്ദര്‍ശനത്തിനായി ഖത്തറിലത്തെിയ അമേരിക്കന്‍ വിദേശനയതന്ത്രബന്ധ സമിതി സെനറ്റ് ചെയര്‍മാന്‍ ബോബ് കോര്‍ക്കറുമായും അമീര്‍ ശൈഖ് തമീം ബിന്‍ ഹമദ് ആല്‍ഥാനി കൂടിക്കാഴ്ച നടത്തി. അമേരിക്കയും ഖത്തറും തമ്മിലുള്ള നയതന്ത്രബന്ധത്തെ സംബന്ധിച്ചും പരസ്പര പ്രാധാന്യമുള്ള പ്രാദേശികവും അന്താരാഷ്ട്രവുമായ പ്രശ്നങ്ങളും വിഷയങ്ങളും കൂടിക്കാഴ്ചയില്‍ ചര്‍ച്ച ചെയ്തു. 
ദോഹയിലത്തെിയ അമേരിക്കന്‍ സെനറ്റര്‍ ബോബ് കോര്‍ക്കറുമായി പ്രധാനമന്ത്രിയും ആഭ്യന്തരമന്ത്രിയുമായ ശൈഖ് അബ്ദുല്ല ബിന്‍ നാസര്‍ ബിന്‍ ഖലീഫ ആല്‍ഥാനിയും ചര്‍ച്ച നടത്തി. 
ഡെന്‍മാര്‍ക്ക് വിദേശകാര്യമന്ത്രിക്രിസ്റ്റ്യന്‍ ജെന്‍സനുമായി വിദേശകാര്യമന്ത്രി ഡോ. ഖാലിദ് ബിന്‍ മുഹമ്മദ് അല്‍ അത്വിയ്യയും കൂടിക്കാഴ്ച നടത്തി. വിദേശകാര്യമന്ത്രിയോടൊപ്പമുളള സംഘവും കൂടിക്കാഴ്ചയില്‍ പങ്കെടുത്തിരുന്നു. 
വിവിധ മേഖലകളില്‍ ഇരുരാജ്യങ്ങളും തമ്മിലുള്ള സഹകരണം സംബന്ധിച്ച് ചര്‍ച്ച ചെയ്ത ഇരുവിദേശകാര്യമന്ത്രിമാരും പ്രാദേശികവും അന്തര്‍ദേശീയവുമായ നിരവധി വിഷയങ്ങളും വിശകലനം ചെയ്തു.