മൂന്ന് വര്‍ഷം മുമ്പ് നടന്ന ചികില്‍സക്ക് ബില്ലടക്കാന്‍ നോട്ടീസ്

ദോഹ: മൂന്ന് വര്‍ഷം മുന്‍പ് നടന്ന ചികില്‍സക്ക് ബില്ലടക്കണമെന്ന സന്ദേശം സ്വദേശി വനിതക്ക് ലഭിച്ചത് കഴിഞ്ഞ ദിവസം. ദോഹയിലെ ഒരു സ്വകാര്യ ആശുപത്രിയാണ് വിചിത്രമായ ബില്ല് അയച്ചിരിക്കുന്നത്.
2013ല്‍ ഈ ആശുപത്രിയില്‍ ചികിത്സ നടത്തിയ അവര്‍ക്ക്  ചികില്‍സയിനത്തില്‍ 1800 റിയാല്‍ അടക്കാനുണ്ടെന്ന സന്ദേശമാണ് ലഭിച്ചത്.
 ഓപ്പറേഷന്‍ നടത്തുന്നതിന് മുമ്പ്ഇന്‍ഷൂറന്‍സ് കമ്പനിയുടെ അനുമതി രേഖാമൂലം വാങ്ങിയും ആശുപത്രിക് നല്‍കുകയും ചെയ്തതിന് ശേഷമാണ് ചികില്‍സ നടത്തിയത്. ഇന്‍ഷൂറന്‍സ് കമ്പനി നല്‍കുന്ന സംഖ്യക്ക് പുറമെയുള്ള ബില്‍ തുക അന്ന് തന്നെ അടച്ചിരുന്നതായും ഇവര്‍ വ്യക്തമാക്കി. ആശുപത്രി അക്കൗണ്ട് വിഭാഗവുമായി ബന്ധപ്പെട്ടപ്പോഴാണ് ഇന്‍ഷൂറന്‍സ് കമ്പനി തുക അടച്ചിട്ടില്ളെന്ന് വ്യക്തമായത്.
എന്നാല്‍ തന്‍്റെ ഭാഗത്ത് നിന്നുള്ള മുഴുവന്‍ നടപടിയും നേരത്തെ തന്നെ പൂര്‍ത്തീകരിച്ചതിനാല്‍ ഇങ്ങനെ സന്ദേശം അയച്ചത് ആശുപത്രി അധികൃതരുടെ ഭാഗത്ത് നിന്നുണ്ടായ വീഴ്ചയാണെന്ന് അവര്‍ വ്യക്തമാക്കി. ഇന്‍ഷൂറന്‍സ് കമ്പനി നേരത്തെ അനുവദിച്ച സംഖ്യ നല്‍കിയില്ളെങ്കില്‍ അത് ഈടാക്കേണ്ടത് രോഗിയില്‍ നിന്നല്ല ഇന്‍ഷൂറന്‍സ് കമ്പനിയില്‍ നിന്ന് തന്നെയാണ്. ആശുപത്രിയുടെ ഭാഗത്ത് നിന്നുണ്ടായ നടപടിക്കെതിരെ അന്വേഷണം നടത്തണമെന്ന് അവര്‍ ആവശ്യപ്പെട്ടു.