20 പൂ​ച്ച​ക​ൾ ഖ​ത്ത​റി​ൽ​നി​ന്ന് യു.​എ​സി​ലേ​ക്ക് പ​റ​ന്നു

ദോ​ഹ: 20 പൂ​ച്ച​ക​ൾ ക​ഴി​ഞ്ഞ ദി​വ​സം ഖ​ത്ത​റി​ൽ​നി​ന്ന് അ​മേ​രി​ക്ക​യി​ലെ ഹൂ​സ്റ്റ​ണി​ലേ​ക്ക് പ​റ​ന്നു. വി​മാ​ന​ത്തി​ലാ​ണെ​ന്ന് മാ​ത്രം. ഖ​ത്ത​റി​ലെ തെ​രു​വു​ക​ളി​ൽ​നി​ന്ന് ര​ക്ഷി​ച്ച പൂ​ച്ച​ക​ൾ ഹൂ​സ്റ്റ​ണി​ൽ സു​ഖ​മാ​യി​രി​ക്കു​ന്നു. മൃ​ഗ​സം​ര​ക്ഷ​ണ മേ​ഖ​ല​യി​ൽ പ്ര​വ​ർ​ത്തി​ക്കു​ന്ന സ​ന്ന​ദ്ധ സം​ഘ​ട​ന​യാ​യ ഹൂ​സ്റ്റ​ൺ ഹ്യൂ​മ​ൻ സൊ​സൈ​റ്റി​യാ​ണ് ‘ര​ക്ഷാ​ദൗ​ത്യം’ സം​ഘ​ടി​പ്പി​ച്ച​ത്. മൃ​ഗ​സ്നേ​ഹി​യാ​യ കാ​ത്തി ഫി​ലി​പ്പ് സോ​ളി​യോ എ​ന്ന സ്ത്രീ ​സ്വ​ന്തം താ​ൽ​പ​ര്യ​ത്തി​ൽ മു​ൻ​കൈ​യെ​ടു​ത്ത് സൊ​സൈ​റ്റി​യെ സ​മീ​പി​ക്കു​ക​യാ​യി​രു​ന്നു. പൂ​ച്ച​ക​ൾ​ക്ക് സു​ര​ക്ഷി​ത​മാ​യ അ​ഭ​യ​കേ​ന്ദ്ര​മൊ​രു​ക്കു​ന്ന​തി​ൽ പ്ര​തി​ജ്ഞാ​ബ​ദ്ധ​മാ​ണെ​ന്ന് ഹൂ​സ്റ്റ​ൺ ഹ്യൂ​മ​ൻ സൊ​സൈ​റ്റി പ്ര​തി​ക​രി​ച്ചു. പൂ​ച്ച​ക​ൾ എ​ത്തു​ന്ന​തി​ന് മു​മ്പ് ഹൂ​സ്റ്റ​ണി​ൽ വേ​ണ്ട ക്ര​മീ​ക​ര​ണ​ങ്ങ​ൾ ചെ​യ്തി​രു​ന്നു.

മൃ​ഗ​സ്​​നേ​ഹി​ക​ളാ​യ ആ​ളു​ക​ൾ​ക്ക് വ​ള​ർ​ത്താ​ൻ ന​ൽ​കു​ക​യാ​ണ് ചെ​യ്യു​ക. പൂ​ച്ച​ക​ൾ സു​ഖ​മാ​യി​രി​ക്കു​ന്നു​വെ​ന്ന് ഉ​റ​പ്പു​വ​രു​ത്താ​ൻ സൊ​സൈ​റ്റി​യു​ടെ ന​ട​പ​ടി​ക​ൾ ഉ​ണ്ടാ​കും. തെ​രു​വ് പൂ​ച്ച​ക​ൾ അ​ധി​ക​രി​ച്ചു​വ​രു​ന്ന​ത് ത​ട​യാ​ൻ ഹൂ​സ്റ്റ​ൺ ഹ്യൂ​മ​ൻ സൊ​സൈ​റ്റി വെ​ൽ​നെ​സ് ക്ലി​നി​ക്ക് വ​ന്ധ്യം​ക​ര​ണ കാ​മ്പ​യി​ൻ ന​ട​ത്തു​ന്നു​ണ്ട്. തി​ങ്ക​ൾ, വ്യാ​ഴം ദി​വ​സ​ങ്ങ​ളി​ൽ ന​ട​ത്തു​ന്ന കു​ത്തി​വെ​പ്പി​ന് 80 ഡോ​ള​റാ​ണ് ഫീ​സ് ഈ​ടാ​ക്കു​ന്ന​ത്.

ഇ​താ​ദ്യ​മാ​യ​ല്ല ഖ​ത്ത​റി​ൽ​നി​ന്ന് പൂ​ച്ച​ക​ളെ വി​മാ​ന​ത്തി​ൽ മ​റ്റൊ​രു സ്ഥ​ല​ത്തേ​ക്ക് കൊ​ണ്ടു​പോ​കു​ന്ന​ത്. 2022 ഏ​പ്രി​ലി​ൽ 25 പൂ​ച്ച​ക​ളെ വി​സ്കോ​ൻ​സി​ൻ കാ​റ്റ് ക​ഫെ കൊ​ണ്ടു​പോ​യി. ഖ​ത്ത​റി​ൽ 20 ല​ക്ഷ​ത്തി​ലേ​റെ തെ​രു​വ് പൂ​ച്ച​ക​ൾ ഉ​ണ്ടെ​ന്നാ​ണ് വി​ല​യി​രു​ത്ത​ൽ. വ​ന്ധ്യം​ക​ര​ണ​ത്തി​നു​ള്ള നീ​ക്കം കാ​ര്യ​മാ​യി ന​ട​ന്നി​ട്ടി​ല്ല.

‘കു​വൈ​ത്ത് സി​ക്സ്’ എ​ന്ന​റി​യ​പ്പെ​ട്ടി​രു​ന്ന ആ​റ് സിം​ഹ​ങ്ങ​ളെ ക​ഴി​ഞ്ഞ മാ​സം കു​വൈ​ത്തി​ൽ​നി​ന്ന് ദ​ക്ഷി​ണാ​ഫ്രി​ക്ക​യി​ലെ ജോ​ഹ​ന്നാ​സ്ബ​ർ​ഗി​ലെ 455 ഏ​ക്ക​ർ വി​സ്തൃ​തി​യു​ള്ള വ​ന്യ​ജീ​വി സ​​ങ്കേ​ത​ത്തി​ൽ എ​ത്തി​ച്ച​ത് ഖ​ത്ത​ർ എ​യ​ർ​വേ​യ്സി​ന്റെ കാ​ർ​ഗോ വി​മാ​ന​ത്തി​ലാ​ണ്. ഖ​ത്ത​ർ എ​യ​ർ​വേ​യ്‌​സ് കാ​ർ​ഗോ ആ​നി​മ​ൽ ഡി​ഫ​ൻ​ഡേ​ഴ്‌​സ് ഇ​ന്റ​ർ​നാ​ഷ​ന​ലി​ന്റെ സ​ഹാ​യ​​ത്തോ​ടെ​യാ​ണ് സിം​ഹ​ങ്ങ​ളു​ടെ പു​ന​ര​ധി​വാ​സം സാ​ധ്യ​മാ​ക്കി​യ​ത്. കു​വൈ​ത്ത് മൃ​ഗ​ശാ​ല​യി​ൽ ക​ഴി​ഞ്ഞി​രു​ന്ന സിം​ഹ​ങ്ങ​ളെ കൊ​ണ്ടു​പോ​കാ​ൻ അ​ധി​കൃ​ത​ർ ഖ​ത്ത​റി​ലെ അ​നി​മ​ൽ ഡി​ഫ​ൻ​ഡേ​ഴ്സ് ഇ​ന്റ​ർ​നാ​ഷ​ന​ലി​ന്റെ സ​ഹാ​യം തേ​ടു​ക​യാ​യി​രു​ന്നു.

ലോ​ക​ത്തി​ലെ ഏ​റ്റ​വും വ​ലി​യ അ​നി​മ​ൽ ട്രാ​ൻ​സ്​​പോ​ർ​ട്ട് സെ​ന്റ​ർ ഖ​ത്ത​ർ എ​യ​ർ​വേ​യ്‌​സ് കാ​ർ​ഗോ വി​മാ​ന​ത്താ​വ​ള​ത്തി​ന് സ​മീ​പം അ​ടു​ത്തി​ടെ തു​റ​ന്നി​രു​ന്നു. വ​ന്യ​ജീ​വി​ക​ളെ​യും വം​ശ​നാ​ശ ഭീ​ഷ​ണി നേ​രി​ടു​ന്ന ജീ​വ​ജാ​ല​ങ്ങ​ളെ​യും യാ​തൊ​രു ചെ​ല​വും കൂ​ടാ​തെ അ​വ​യു​ടെ സ്വാ​ഭാ​വി​ക ആ​വാ​സ​വ്യ​വ​സ്ഥ​ക​ളി​ലേ​ക്ക് എ​ത്തി​ക്കാ​ൻ സ​ഹാ​യി​ക്കു​മെ​ന്ന് ഖ​ത്ത​ർ എ​യ​ർ​വേ​യ്സ് ചീ​ഫ് കാ​ർ​ഗോ ഓ​ഫി​സ​ർ മാ​ർ​ക് ഡ്ര്യൂ​ഷ് പ​റ​ഞ്ഞു.

മൃ​ഗ​ങ്ങ​ളെ കൊ​ണ്ടു​പോ​കാ​ൻ ഏ​റെ പ​രി​ശ്ര​മ​വും ക​രു​ത​ലും ആ​വ​ശ്യ​മാ​ണ്. യാ​ത്ര​യും മൃ​ഗ​ങ്ങ​ളെ ക​യ​റ്റു​ന്ന​തും ഇ​റ​ക്കു​ന്ന​തും ശ​രി​യാ​യ കൂ​ടും പ​രി​ച​ര​ണ​വും ഉ​റ​പ്പു​വ​രു​ത്ത​ത് വ​രെ​യു​ള്ള ക​രു​ത​ൽ എ​ല്ലാം ഉ​ത്ത​ര​വാ​ദി​ത്ത​ത്തോ​ടെ ചെ​യ്യേ​ണ്ട​താ​ണ്. അ​ഭി​മാ​ന​ത്തോ​ടെ​യും ആ​വേ​ശ​ത്തോ​ടെ​യു​മാ​ണ് ത​ങ്ങ​ൾ അ​തി​ന്റെ ഭാ​ഗ​മാ​കു​ന്ന​തെ​ന്ന് അ​ദ്ദേ​ഹം കൂ​ട്ടി​ച്ചേ​ർ​ത്തു.