പത്താംക്ലാസ്​: ബിർല സ്​കൂളിന്​ മികച്ച വിജയം

ദോഹ: സി.ബി.എസ്​.ഇ പത്താം ക്ലാസ്​ പരീക്ഷയിൽ 518 പേർ പരീക്ഷയെഴുതിയ ദോഹ ബിർല പബ്ലിക്​ സ്​കൂളിന്​ 100 ശതമാനം വിജയം. 99 ശതമാനം മാർക്ക്​ നേടിയ ആദിത്യ കൃഷ്​ണകുമാർ നായർ സ്​കൂൾതലത്തിൽ ഒന്നാമതായി. അർണബ്​ ചക്രബർത്തി (98.8 ശതമാനം), ആനി സജി മാത്യുസ്​ (98.4 ശതമാനം) എന്നിവർ രണ്ടും മൂന്നും സ്​ഥാനക്കാരായി.

242 വിദ്യാർഥികൾ 90 ശതമാനം മാർക്കിന്​ മുകളിലും 214 വിദ്യാർഥികൾ 75 ശതമാനത്തിന്​ മുകളിലും മാർക്ക്​ നേടി മികച്ച വിജയം കൈവരിച്ചു. 83 പേർ മുഴുവൻ വിഷയങ്ങൾക്കും എ വൺ ഗ്രേഡ്​ സ്വന്തമാക്കി.

കോവിഡ്​ മഹാമാരിയുടെ കാലത്തും കുട്ടികളുടെ വിജയത്തിനായി പരിശ്രമിച്ച അധ്യാപകരെയും മികച്ച വിജയം സമ്മാനിച്ച അധ്യാപകരെയും ചെയർമാൻ ഗോപി ഷഹാനി, ​സ്​കൂൾ ബോർഡ്​ അംഗങ്ങൾ, പ്രിൻസിപ്പൽ എ.പി. ശർമ എന്നിവർ അഭിനന്ദിച്ചു.