ലോകകപ്പിന്​ മുന്നോടിയായി 105 പുതിയ ഹോട്ടലുകൾ

ദോഹ: അടുത്ത വർഷം രാജ്യം വിരുന്നൊരുക്കുന്ന ലോകകപ്പ്,​ ഖത്തറിന്​ വെറുമൊരു ഫുട്​ബാൾ മാമാങ്കം മാത്രമല്ല. വിശ്വപോരാട്ടത്തിനായി ലോകം ഖത്തറിലേക്ക്​ ചുരുങ്ങു​േമ്പാൾ രാജ്യത്തി​െൻറ വിനോദ സഞ്ചാര മേഖലക്ക്​ ഊർജം നൽകാനുള്ള എല്ലാ ശ്രമങ്ങളും അണിയറയിൽ ഒരുക്കുകയാണ്​ സംഘാടകർ. ലോകകപ്പിന്​ മു​േന്നാടിയായി 105 പുതിയ ഹോട്ടലുകളും അപ്പാർട്​മെൻറുകളും പ്രവർത്തനസജ്ജമാവുമെന്ന്​ ഖത്തർ എയർവേസ്​ ചീഫ്​ എക്​സിക്യൂട്ടിവും ഖത്തർ നാഷനൽ ടൂറിസം സെക്രട്ടറി ജനറലുമായ അക്​ബർ അൽ ബാകിർ പറയുന്നു.

'ഖത്തറി​െൻറ ആതിഥ്യ മര്യാദയും സ്​നേഹവും കൂടുതൽ വിശാലമാക്കി വിനോദ സഞ്ചാര മേഖലയെ വികസിപ്പിക്കുകയാണ്​ രാജ്യം. ലോകകപ്പിനെത്തുന്ന ഓരോ അതിഥിക്കും അത്​ അനുഭവവേദ്യമാവും. ചുരുങ്ങിയ ബജറ്റിൽ തന്നെ അവരുടെ ആവശ്യം നിറവേറ്റുകയാണ്​ ലക്ഷ്യം' -അദ്ദേഹം പറഞ്ഞു. ലോകകപ്പ്​ നടക്കുന്ന 28 ദിവസത്തിനുള്ളിൽ 15 ലക്ഷം പേരെയെങ്കിലുമായാണ്​ രാജ്യം പ്രതീക്ഷിക്കുന്നത്​.