ഖത്തറിൽ കോവിഡ്​ മരണം 13 ആയി

ദോഹ: ഖത്തറിൽ കോവിഡ്​ രോഗം ബാധിച്ച്​ ചികിൽസയിലായിരുന്ന ഒരാൾ കൂടി മരിച്ചു. ഇതോടെ ആകെ മരണം 13 ആയി.
52വയസുകാരനായ പ്രവാസിയാണ്​ മരിച്ചത്​. അടിയന്തരവിഭാഗത്തിൽ ചികിൽസയിലായിരുന്ന ഇദ്ദേഹത്തിന്​ മറ്റ്​ ദീർഘകാല
അസുഖങ്ങളും ഉണ്ടായിരുന്നതായി പൊതുജനാരോഗ്യമന്ത്രാലയം അറിയിച്ചു. ശനിയാഴ്​ച 1130 പേർക്കുകൂടി കോവിഡ്​
രോഗം സ്​ഥിരീകരിച്ചിട്ടുണ്ട്​.

നിലവിൽ ചികിൽസയിലുള്ളവർ 18819പേരാണ്​. ശനിയാഴ്​ച 129 പേർക്കുകൂടി രോഗമുക്​തി
ഉണ്ടായിട്ടുണ്ട്​. ഇതോടെ ആകെ രോഗം ഭേദമായവർ 2449ആയി. ആകെ 124554 പേരെ പരിശോധിച്ചപ്പോൾ 21331പേരിലാണ്​
​ൈവറസ്​ ബാധ സ്​ഥിരീകരിച്ചത്​. മരിച്ചവരും രോഗം ഭേദമായവരും ഉൾപ്പെടെയാണിത്​.