ആഭ്യന്തര യുദ്ധത്തിൽ പരിക്കേറ്റ യമനികളെ ഒമാനിലെത്തിച്ചു

മസ്​കത്ത്​: ആഭ്യന്തര യുദ്ധത്തിൽ പരിക്കേറ്റ യമൻ സ്വദേശികളെ ചികിൽസക്കായി ഒമാനിലെത്തിച്ചു. 50 പേരെയാണ്​ സലാലയിലെ അറബ്​ സെൻറർ ഫോർ ആർട്ടിഫിഷ്യൽ ലിമ്പ്​സിൽ പ്രവേശിപ്പിച്ചത്​. യുദ്ധത്തിൽ കൈകാലുകൾ നഷ്​ടപ്പെട്ടവരാണ്​ ഇവർ. ഇത്​ മൂന്നാം തവണയാണ്​ യമനിൽ നിന്നുള്ളവരെ ഇവിടെ പ്രവേശിപ്പിക്കുന്നത്​. യമനി ജനതയോടുള്ള മനുഷ്യത്വപൂർണമായ പെരുമാറ്റത്തിന്​ ഒമാൻ സർക്കാറിനോടും ജനതയോടും പരിക്കേറ്റവർ നന്ദി പറഞ്ഞു. ഇക്കഴിഞ്ഞ മാർച്ചിലാണ്​ അറബ്​ സെൻറർ ഫോർ ആർട്ടിഫിഷ്യൽ ലിമ്പ്​സ്​ ഉദ്​ഘാടനം ചെയ്​തത്​.