ഇ​ന്ന് ലോ​ക പ​രി​സ്ഥി​തി​ദി​നം; മ​ണ്ണി​നെ പ​ച്ച​പ്പ​ണി​യി​ച്ച് ഒ​മാ​ൻ കൃ​ഷി​ക്കൂ​ട്ടം

മ​സ്ക​ത്ത്: പ​രി​സ്ഥി​തി​യെ മ​ലി​ന​മാ​ക്കാ​തെ, അ​തി​ന്റെ ജൈ​വ​വൈ​വി​ധ്യ​ത്തെ നി​ല​നി​ർ​ത്തി പ്ര​വാ​സ​ലോ​ക​ത്ത് ഹ​രി​ത വി​പ്ല​വം തീ​ർ​ക്കു​ക​യാ​ണ് ഒ​മാ​ൻ കൃ​ഷി​ക്കൂ​ട്ടം. കൃ​ഷി ചെ​യ്യാ​ൻ പ്രോ​ത്സാ​ഹി​പ്പി​ക്കു​ന്ന ഈ ​കൂ​ട്ടാ​യ്മ പ​തി​നൊ​ന്നു വ​ർ​ഷ​ത്തി​ലേ​റെ​യാ​യി ഒ​മാ​നി​ലെ പ്ര​വാ​സി മ​ല​യാ​ളി​ക​ൾ​ക്കി​ട​യി​ൽ സു​പ​രി​ചി​ത​മാ​ണ്. ജോ​ലി സം​ബ​ന്ധ​മാ​യോ കു​ടും​ബ​ത്തോ​ടൊ​പ്പ​മോ പ്ര​വാ​സി​ക​ളാ​യ ക​ഴി​യു​ന്ന​വ​ർ​ക്ക് കൃ​ഷി എ​ന്ന ചി​ന്ത പോ​ലും വി​പ്ല​വ​ക​ര​മാ​ണെ​ന്ന് തോ​ന്നാ​റു​ണ്ട്. സ്ഥ​ല പ​രി​മി​തി​യി​ലും, ചു​ട്ടു​പൊ​ള്ളു​ന്ന കാ​ലാ​വ​സ്ഥ​യി​ലും, മ​ണ്ണും ച​ട്ടി​യും, വെ​ള്ള​വും വി​ല കൊ​ടു​ത്തു വാ​ങ്ങു​ന്ന അ​വ​സ്ഥ​യി​ലും താ​ൽ​പ​ര്യം കൊ​ണ്ട് മാ​ത്രം കൃ​ഷി ചെ​യ്യാ​ൻ മു​ന്നി​ട്ടി​റ​ങ്ങു​ന്ന​വ​രാ​ണ് പ്ര​വാ​സി​ക​ൾ. കു​ഞ്ഞു ച​ട്ടി​ക​ളി​ലും ഭാ​ഗ്യ​മു​ള്ള ചി​ല​ർ​ക്ക് മാ​ത്രം കി​ട്ടു​ന്ന വീ​ട്ടു മു​റ്റ​ത്തെ ഇ​ത്തി​രി മ​ണ്ണി​ലാ​യാ​ലും അ​തി​ന്റെ സ്വാ​ഭാ​വി​ക​ത നി​ല​നി​ർ​ത്തു​ക എ​ന്ന​തി​നാ​ണ് പ്രാ​ധാ​ന്യം ന​ൽ​കു​ന്ന​ത്.

ഈ ​ത​ല​മു​റ​യെ മാ​ത്ര​മ​ല്ല, വ​രും ത​ല​മു​റ​യെ​യും പ്ര​കൃ​തി​യോ​ടും മ​ണ്ണി​നോ​ടും ചേ​ർ​ത്തു നി​ർ​ത്തു​ക എ​ന്ന വ​ലി​യ ഉ​ത്ത​ര​വാ​ദി​ത്തം ഏ​റ്റെ​ടു​ത്ത് മു​ന്നേ​റു​ക​യാ​ണ് ഒ​മാ​ൻ​കൃ​ഷി​ക്കൂ​ട്ടം. കൃ​ഷി​യോ​ട് താ​ൽ​പ​ര്യ​മു​ള്ള ആ​ർ​ക്കും വി​ത്തു​ക​ളും, ആ​ശ​യ​ങ്ങ​ളും, പി​ന്തു​ണ​യു​മാ​യി എ​ന്നും ഒ​മാ​ൻ കൃ​ഷി​ക്കൂ​ട്ടം കൂ​ടെ​യു​ണ്ട്. ഇ​തേ ആ​ശ​യം പു​തു​ത​ല​മു​റ​ക്ക് കൈ​മാ​റു​ന്ന​തി​നും, മ​ണ്ണി​നെ​യും ജ​ല​ത്തെ​യും അ​തു​വ​ഴി ആ​വാ​സ വ്യ​വ​സ്ഥ​യെ​യും മ​ന​സ്സി​ലാ​ക്കാ​നും ഇ​ന്ത്യ​ൻ സ്കൂ​ളു​ക​ൾ കേ​ന്ദ്രീ​ക​രി​ച്ചു വി​വി​ധ ഇ​നം മ​ത്സ​ര​ങ്ങ​ളും വ​ർ​ഷം തോ​റും സം​ഘ​ടി​പ്പി​ച്ചു വ​രു​ന്നു​ണ്ട്.

ഇ​ന്ത്യ​ൻ സ്കൂ​ൾ ബു​റൈ​മി​യി​ൽ വി​ദ്യാ​ർ​ഥി​ക​ൾ​ക്കാ​യി ഒ​രു മാ​തൃ​ക കൃ​ഷി​ത്തോ​ട്ടം ഒ​മാ​ൻ​കൃ​ഷി​ക്കൂ​ട്ടം ബു​റൈ​മി അ​ഡ്മി​ൻ​സി​ന്റെ നേ​തൃ​ത്വ​ത്തി​ൽ വ​ർ​ഷ​ങ്ങ​ളാ​യി ന​ട​ത്തി​വ​രു​ന്നു. കൂ​ടാ​തെ കു​ട്ടി​ക​ളെ കൃ​ഷി​യി​ലേ​ക്ക് കൂ​ടു​ത​ൽ ആ​ക​ർ​ഷി​ക്കാ​നാ​യി ‘ദ ​ഗ്രീ​ൻ ലി​റ്റി​ൽ ഫിം​ഗേ​ഴ്സ്’ എ​ന്ന പേ​രി​ൽ എ​ല്ലാ​വ​ർ​ഷ​വും മു​ട​ങ്ങാ​തെ മ​ത്സ​ര​വും ന​ട​ത്തി വ​രു​ന്നു. ഒ​മാ​ൻ​കൃ​ഷി​ക്കൂ​ട്ടം വി​ത​ര​ണം ചെ​യ്യു​ന്ന പ​ച്ച​ക്ക​റി​ത്തൈ​ക​ൾ സ്വ​ന്ത​മാ​യി ന​ട്ടു വ​ള​ർ​ത്തി, അ​വ​യി​ൽ ഏ​റ്റ​വും ന​ല്ല വി​ള​വു​ക​ൾ ല​ഭി​ക്കു​ന്ന കു​ട്ടി​ക​ൾ​ക്ക് സ​മ്മാ​ന​വും ന​ൽ​കി​വ​രു​ന്നു. ഇ​ന്ത്യ​ൻ സ്കൂ​ൾ മ​സ്ക​ത്തി​ൽ കൂ​ട്ടി​ക​ളെ​യും ചേ​ർ​ത്ത് ഒ​മാ​ൻ​കൃ​ഷി​ക്കൂ​ട്ട​ത്തി​ന് ഒ​രു മാ​തൃ​ക കൃ​ഷി​ത്തോ​ട്ടം ഉ​ണ്ടാ​ക്കു​വാ​നു​ള്ള അ​വ​സ​രം ല​ഭി​ച്ചി​രു​ന്നു. പ​രി​സ്ഥി​തി ദി​ന​ത്തി​ൽ ന​ടു​ന്ന ഒ​രു ചെ​ടി​തൈ​യി​ൽ അ​വ​സാ​നി​ക്കാ​തെ അ​വ​യെ പ​രി​പാ​ലി​ക്കാ​നും, എ​പ്പോ​ഴും ന​മ്മു​ടെ ഭൂ​മി​യു​ടെ സം​ര​ക്ഷ​ണം ന​മ്മു​ടെ ഉ​ത്ത​ര​വാ​ദി​ത്ത​മാ​ണെ​ന്ന ബോ​ധം എ​ല്ലാ മ​നു​ഷ്യ​രി​ലും ഉ​ണ്ടാ​വ​ണം എ​ന്ന ല​ക്ഷ്യ​ത്തോ​ടെ പ​രി​സ്ഥി​തി ദി​ന​വു​മാ​യി ബ​ന്ധ​പ്പെ​ട്ടു നി​ര​വ​ധി ക്ലാ​സു​ക​ൾ ഒ​മാ​ൻ​കൃ​ഷി​ക്കൂ​ട്ടം സം​ഘ​ടി​പ്പി​ക്കാ​റു​ണ്ട്.

ഓ​രോ സീ​സ​ൺ തു​ട​ങ്ങു​ന്ന​തി​നു മു​മ്പ് എ​ല്ലാ അം​ഗ​ങ്ങ​ൾ​ക്കും സൗ​ജ​ന്യ വി​ത്തു​ക​ൾ വി​ത​ര​ണം ചെ​യ്യാ​റു​ണ്ട്. വി​ത്ത് മു​ള​ച്ചു വ​രു​ന്ന മു​ത​ൽ വി​ള​വെ​ടു​പ്പു​വ​രെ​യു​ള്ള കാ​ല​ഘ​ട്ട​ത്തി​ൽ അം​ഗ​ങ്ങ​ൾ​ക്കു​ള്ള സം​ശ​യ​ദൂ​രി​ക​ര​ണ​വും മാ​ർ​ഗ്ഗ​നി​ർ​ദ്ദേ​ശ​വും കൃ​ത്യ​മാ​യി ന​ൽ​കി വ​രു​ന്നു. മ​ണ്ണി​ന്റെ ഘ​ട​ന ന​ശി​പ്പി​ക്കാ​തെ ജൈ​വ രീ​തി​യി​ൽ ഉ​ള്ള കൃ​ഷി​യാ​ണ് ഒ​മാ​ൻ​കൃ​ഷി​ക്കൂ​ട്ടം പ്രോ​ത്സാ​ഹി​പ്പി​ക്കു​ന്ന​ത്. കീ​ട​നി​യ​ന്ത്ര​ണ​ത്തി​ലും ജൈ​വ കീ​ട നി​യ​ന്ത്ര​ണ മാ​ർ​ഗ​ങ്ങ​ൾ അ​വ​ലം​ഭി​ക്കാ​ന​ല്ലാ​തെ, രാ​സ കീ​ട​നാ​ശി​നി​ക​ൾ ഉ​പ​യോ​ഗി​ക്കാ​ൻ ഉ​പ​ദേ​ശി​ക്കാ​റി​ല്ല.

ഓ​രോ സീ​സ​ണി​ലും മി​ക​ച്ച കൃ​ഷി​ക്കാ​രെ ക​ണ്ടെ​ത്തു​ന്ന​തി​നാ​യി മാ​തൃ​ക ക​ർ​ഷ​ക​ൻ/ ക​ർ​ഷ​ക മ​ത്സ​ര​ങ്ങ​ൾ സം​ഘ​ടി​പ്പി​ച്ചു വ​രു​ന്നു​ണ്ട്. മ​സ്ക​ത്ത്, സു​ഹാ​ർ, ബു​റൈ​മി എ​ന്നീ മൂ​ന്നു മേ​ഖ​ല​ക​ളാ​യി ത​രം തി​രി​ച്ചു ന​ട​ത്തു​ന്ന മ​ത്സ​രം വി​ജ​യി​ക​ളെ ഒ​മാ​ൻ കൃ​ഷി​ക്കൂ​ട്ടം വി​ള​വെ​ടു​പ്പു​ത്സ​വ​ത്തി​ൽ ആ​ദ​രി​ക്കു​ന്നു.

ഇ​ത്ത​വ​ണ പ​രി​സ്ഥി​തി ദി​ന സ​ന്ദേ​ശം പ്ലാ​സ്റ്റി​ക് മാ​ലി​ന്യ​ങ്ങ​ൾ കു​റ​ക്കു​ക എ​ന്ന​താ​ണ​ല്ലോ. ഒ​മാ​ൻ കൃ​ഷി​ക്കൂ​ട്ടം ഈ ​ഒ​രു സ​ന്ദേ​ശം എ​ല്ലാ​യ്‌​പ്പോ​ഴും പ​രി​ഗ​ണി​ച്ചു ത​ന്നെ​യാ​ണ് മു​ൻ​പോ​ട്ട് പോ​കു​ന്ന​തെ​ന്ന് ബ​ന്ധ​പ്പെ​ട്ട​വ​ർ പ​റ​ഞ്ഞു.