തീരുമാനത്തിൽ മാറ്റം; റസിഡൻറ്​ കാർഡ്​ ഉള്ളവർക്ക്​ ഒമാനിൽ പ്രവേശിക്കാം

മസ്​കത്ത്​: വിദേശികൾക്ക്​ പ്രവേശനവിലക്ക്​ ഏർപ്പെടുത്താനുള്ള തീരുമാനത്തിൽ ഒമാൻ ഭേദഗതി വരുത്തി. റസിഡൻറ്​ കാർ ഡ്​ ഉള്ളവർക്ക്​ രാജ്യത്തെ വിമാനത്താവളങ്ങളിലൂടെ തിരികെയെത്താമെന്ന്​ സിവിൽ ഏവിയേഷൻ പൊതുഅതോറിറ്റി സർക്കുലറിലൂടെ അറിയിച്ചു. തിങ്കളാഴ്​ച വൈകുന്നേരമാണ്​ ഇത്​ സംബന്ധിച്ച സർക്കുലർ പുറത്തുവിട്ടത്​. പുതിയ സർക്കുലർ പ്രകാരം പ്രവേശന വിലക്ക്​ വിസിറ്റിങ്​ വിസക്കാർക്ക്​ മാത്രമായിരിക്കും.
ഗൾഫ്​ സഹകരണ കൗൺസിൽ രാഷ്​ട്രങ്ങളിലെ പൗരന്മാർക്കും റസിഡൻറ്​ വിസയുള്ളവരും ഒഴികെ വിദേശികൾക്കായിരിക്കും വിമാനത്താവളങ്ങൾ വഴി രാജ്യത്തേക്ക്​ പ്രവേശിക്കുന്നതിനുള്ള വിലക്ക്​ ബാധകമായിരിക്കുകയെന്ന്​ അതോറിറ്റി എയർട്രാൻസ്​പോർട്ട്​ വിഭാഗം ഡയറക്​ടർ സാലിം ഹമെദ്​ സൈദ്​ അൽ ഹുസ്​നി ഒപ്പുവെച്ച സർക്കുലറിൽ പറയുന്നു. ഇന്ന്​ ഉച്ചക്ക്​ 12 മണി മുതലായിരിക്കും തീരുമാനം പ്രാബല്ല്യത്തിൽ വരുക.

ഒമാനിലെത്തുന്ന എല്ലാവരും 14 ദിവസത്തെ നിർബന്ധിത ക്വാറ​ൈൻറൻ നടപടികൾക്ക്​ വിധേയരാകേണ്ടിവരും. വിമാനത്താവളത്തിലെ മെഡിക്കൽ സംഘത്തി​​​െൻറ പരിശോധനയിൽ ഹോസ്​പിറ്റൽ ക്വാറ​ൈൻറൻ വേണ്ടവരെ അങ്ങോട്​ മാറ്റും. അല്ലാത്തവർ വീടുകളിൽ കരുതൽ നിരീക്ഷണത്തിൽ ഇരിക്കേണ്ടിവരും. ട്രാൻസിറ്റ്​ യാത്രക്കാർക്ക്​ ഒമാനിലെ വിമാനത്താവളങ്ങൾ യാത്ര ചെയ്യുന്നതിന്​ വിലക്കില്ലെന്നും സർക്കുലറിൽ പറയുന്നു.
ആരോഗ്യമന്ത്രാലയത്തി​​​െൻറ മാർഗനിർദേശങ്ങൾക്ക്​ അനുസരിച്ച്​ പൊതുആരോഗ്യ ഉറപ്പാക്കുന്നതിനുള്ള എല്ലാ നടപടികളും വിമാനത്താവളങ്ങളിലും വിമാനത്താവള ജീവനക്കാരിലും നടപ്പാക്കിയിട്ടുണ്ട്​. അന്താരാഷ്​ട്ര വിമാനത്തിൽ നിന്ന്​ ആഭ്യന്തര സർവീസിലേക്ക്​ മാറി കയറുന്ന യാത്രക്കാരും പൊതുആരോഗ്യ സുരക്ഷക്കായി കൈകൊണ്ട നടപടികൾ അനുസരിക്കേണ്ടിവരു​ം.
തൊഴിൽ വിസയിലുള്ളവർക്ക്​ തിരിച്ചുവരാമെന്ന അറിയിപ്പ്​ പ്രവാസികളിൽ ആശ്വാസം പരത്തിയിട്ടുണ്ട്​.