ചൂട്​ കനത്തതോടെ മത്സ്യക്ഷാമം രൂക്ഷമായി

മ​ത്ര: ചൂ​ട് ക​ന​ത്ത​തോ​ടെ മ​ത്സ്യ​ക്ഷാ​മം രൂ​ക്ഷ​മാ​യി. ക​ന​ത്ത ചൂ​ടു​മൂ​ലം മ​ത്സ്യ​ബ​ന്ധ​ന​ത്തി​ന് പോ​കു​ന്ന​ത് കു​റ​ഞ്ഞ​താ​ണ് മ​ത്സ്യ​ക്ഷാ​മം നേ​രി​ടാ​നു​ള്ള പ്ര​ധാ​ന കാ​ര​ണം. മ​ത്സ്യ​ബ​ന്ധ​ന​ത്തി​ന്​ പോ​കു​ന്ന​വ​ർ​ക്കാ​ക​​ട്ടെ ആ​വ​ശ്യ​ത്തി​ന്​ മ​ത്സ്യം ല​ഭി​ക്കാ​ത്ത അ​വ​സ്ഥ​യു​മു​ണ്ട്. ക​ടു​ത്ത വേ​ന​ലി​ൽ ജ​ലോ​പ​രി​ത​ല​ത്തി​ലെ വെ​ള്ള​ത്തി​ന്​ ചൂ​ടേ​റു​ന്ന​തി​നാ​ൽ മ​ത്സ്യ​ങ്ങ​ള്‍ കൂ​ട്ട​മാ​യി ആ​ഴ​ക്ക​ട​ലി​ലേ​ക്ക്​ വ​ലി​യു​ന്ന​താ​ണ്​ ല​ഭ്യ​ത​ക്കു​റ​വി​ന് കാ​ര​ണ​മെ​ന്ന് ഈ ​മേ​ഖ​ല​യി​ല്‍ പ​ണി​യെ​ടു​ക്കു​ന്ന​വ​ര്‍ പ​റ​യു​ന്നു.

മ​ത്സ്യം‌ തേ​ടി മാ​ർ​ക്ക​റ്റി​ലെ​ത്തു​ന്ന​വ​ര്‍ക്ക് കാ​ലി​യാ​യ ത​ട്ടു​ക​ളാ​ണ് കാ​ണാ​ന്‍ സാ​ധി​ക്കു​ന്ന​ത്. ഭ​ക്ഷ​ണ​ത്തോ​ടൊ​പ്പം‌ മീ​ന്‍ ശീ​ല​മാ​ക്കി​യ മ​ല​യാ​ളി​ക​ളാ​ണ് ഇ​തു​മൂ​ലം ഏ​റെ പ്ര​യാ​സം നേ​രി​ടു​ന്ന​ത്‌. വി​ല​ക്കു​റ​വി​ല്‍ യ​ഥേ​ഷ്​​ടം ല​ഭി​ക്കാ​റു​ണ്ടാ​യി​രു​ന്ന മ​ത്തി പോ​ലും ഇ​പ്പോ​ള്‍ ആ​വ​ശ്യ​ത്തി​ന്​ കി​ട്ടാ​നി​ല്ലാ​ത്ത അ​വ​സ്ഥ​യാ​ണ്. നെ​ത്തോ​ലി‌, മു​ള്ള​ന്‍, മാ​ന്ത​ള്‍ പോ​ലെ മ​ല​യാ​ളി​ക​ൾ​ക്ക്​ പ്രി​യ​ങ്ക​ര​മാ​യ മ​ത്സ്യ​ങ്ങ​ളൊ​ന്നും ക​ണി​കാ​ണാ​ന്‍ പോ​ലും ഇ​ല്ലെ​ന്ന​താ​ണ് അ​വ​സ്ഥ.

മാ​ളു​ക​ളി​ല്‍ പോ​യാ​ല്‍ അ​ത്യാ​വ​ശ്യ​ത്തി​നു​ള്ള മ​ത്സ്യ വി​ഭ​വ​ങ്ങ​ള്‍ ല​ഭി​ക്കു​മെ​ങ്കി​ലും കോ​വി​ഡ്‌ നി​യ​ന്ത്ര​ണ ഭാ​ഗ​മാ​യി സ​ന്ധ്യ​യോ​ടെ അ​ട​ക്കു​ന്ന​തി​നാ​ൽ പ​ക​ൽ​സ​മ​യ​ങ്ങ​ളി​ൽ പോ​കേ​ണ്ടി​വ​രും. ജോ​ലി തി​ര​ക്കി​നി​ട​യി​ൽ ഇ​ങ്ങ​നെ പോ​കാ​ൻ പ​ല​ർ​ക്കും സാ​ധി​ക്കാ​റി​ല്ല.