ശൈത്യകാല ടൂറിസം; വിനോദ സഞ്ചാരികളുമായി ചാര്‍ട്ടര്‍ വിമാനങ്ങളെത്തും
text_fields
മസ്കത്ത്: ശൈത്യകാല ടൂറിസത്തിന്റെ ഭാഗമായി യൂറോപ്പിൽനിന്നും മറ്റ് രാജ്യങ്ങളിൽനിന്നും ദോഫാർ ഗവർണറേറ്റിലേക്ക് ചാർട്ടർ വിമാനങ്ങൾ പ്രവർത്തിപ്പിക്കുന്നതിനുള്ള പ്രമോഷനുമായി പൈതൃക, ടൂറിസം മന്ത്രാലയം. ടൂറിസം മന്ത്രി സലിം മുഹമ്മദ് അൽ മഹ്റൂഖി ഇക്കാര്യം അറിയിച്ചത്.
ദോഫാറിനെ വര്‍ഷം മുഴുവനും വിനോദസഞ്ചാര കേന്ദ്രമായി മാറ്റുന്നതിനുള്ള പൈതൃക ടൂറിസം മന്ത്രാലയത്തിന്റെ ശ്രമങ്ങളുടെ ഭാഗമായാണ് ചാര്‍ട്ടര്‍ വിമാനങ്ങള്‍ അനുവദിക്കുന്നത്. യൂറോപ്യന്‍ രാജ്യങ്ങളില്‍നിന്ന് കൂടുതല്‍ ചാര്‍ട്ടേഡ് വിമാനങ്ങളും ക്രൂസ് കപ്പലുകളും ആകര്‍ഷിക്കാന്‍ മന്ത്രാലയം പ്രവര്‍ത്തിക്കുന്നുണ്ട്. ഈ വർഷം ഖരീഫിനായി ദോഫാർ ഗവർണറേറ്റിൽ വിദേശ-സ്വദേശി വിനോദസഞ്ചാരികൾ ധാരാളമായി എത്തിയിരുന്നു.
ഖരീഫ് സീസണിനോടനുബന്ധിച്ച് ഇത്തവണ ദോഫാറിലേക്ക് സഞ്ചാരികളുടെ വൻ ഒഴുക്കാണുണ്ടായിരിക്കുന്നത്. രാജ്യത്തിനകത്തുനിന്നും പുറത്തുനിന്നുമായി സീസണിൽ ആഗസ്റ്റ് 15 വരെ എത്തിയ സന്ദർശകരുടെ എണ്ണം 7.39 ലക്ഷമായെന്ന് അധികൃതർ കഴിഞ്ഞ ദിവസം വെളിപ്പെടുത്തി. ജൂലൈ 31 വരെ 3.96 ലക്ഷം പേരാണെന്ന് അധികൃതർ നേരത്തേ വെളിപ്പെടുത്തിയിരുന്നു. ആഗസ്റ്റിലാണ് കൂടുതൽ സന്ദർശകർ എത്തിയതെന്നാണ് കണക്കുകൾ വ്യക്തമാക്കുന്നത്.
കഴിഞ്ഞ വർഷത്തെ ഇതേ കാലയളവിനെ അപേക്ഷിച്ച് 16.8 ശതമാനം വർധനയാണ് രേഖപ്പെടുത്തിയിരിക്കുന്നത്. 2022ൽ ഈ കാലയളവിൽ ദോഫാറിലെത്തിയത് 6.36 ലക്ഷം പേരായിരുന്നു. ദേശീയ സ്ഥിതിവിവര കേന്ദ്രമാണ് ഇതുസംബന്ധിച്ച കണക്കുകൾ പുറത്തുവിട്ടത്.
ഖരീഫിനുശേഷം വന്നണയുന്ന ശൈത്യകാല പ്രയോജനപ്പെടുത്തി വിനോദ സഞ്ചാരം സജീവമാക്കാനാണ് അധികൃതർ ചാർട്ടർ വിമാനം വഴി സഞ്ചാരികളെ എത്തിക്കുന്നതിലൂടെ ലക്ഷ്യമിടുന്നത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
