ആ​ഘോ​ഷ രാ​വു​ക​ളി​ല​ലി​ഞ്ഞ് വ​ട​ക്ക​ന്‍ ശ​ര്‍ഖി​യ

മ​സ്‌​ക​ത്ത്:​ വ​ട​ക്ക​ന്‍ ശ​ര്‍ഖി​യ ഗ​വ​ര്‍ണ​റേ​റ്റി​ല്‍ ശൈ​ത്യ​കാ​ല ആ​ഘോ​ഷ​ങ്ങ​ള്‍ സ​ന്ദ​ർ​ശ​ക​രു​ടെ മ​നം​ക​വ​രു​ന്നു. വി​വി​ധ ഇ​ട​ങ്ങ​ളി​ലാ​യി ന​ട​ക്കു​ന്ന ആ​ഘോ​ഷ പ​രി​പാ​ടി​ക​ൾ​ക്ക് ഇ​തി​ന​കം എ​ത്തി​യ​ത് നാ​ല​ര ല​ക്ഷ​ത്തി​ല്‍ അ​ധി​കം സ​ഞ്ചാ​രി​ക​ളാ​ണെ​ന്ന് ഇ​വ​ന്റ്‌​സ് അ​വ​യ​ര്‍ന​സ് വി​ഭാ​ഗം ഡ​യ​ര​ക്ട​ര്‍ ബ​ദ​ര്‍ ബി​ന്‍ അ​ഹ​്മ​ദ് അ​ല്‍ ഹ​ബ്‌​സി പ​റ​ഞ്ഞു.

സി​നാ​വ്, ബി​ദി​യ, അ​ല്‍ ഖാ​ബി​ൽ, വാ​ദി ബ​നീ ഖാ​ലി​ദ്, ഇ​ബ്ര​യി തു​ട​ങ്ങി​യ സ്ഥ​ല​ങ്ങ​ളി​ലാ​ണ് വി​ന്റ​ര്‍ ഫെ​സ്റ്റു​ക​ൾ ന​ട​ക്കു​ന്ന​ത്. ചി​ല​ത് ഈ ​മാ​സം അ​വ​സാ​നം വ​രെ നീ​ണ്ടു​നി​ൽ​ക്കു​ന്ന​തു​മാ​ണ്.

'സി​നാ​വ് ഈ​സ് ഔ​ര്‍ ഡെ​സ്റ്റി​നേ​ഷ​ന്‍' എ​ന്ന ശീ​ര്‍ഷ​ക​ത്തി​ല്‍ ഫെ​ബ്രു​വ​രി ര​ണ്ട് മു​ത​ല്‍ എ​ട്ട് വ​രെ ന​ട​ന്ന പ​രി​പാ​ടി​യി​ല്‍ 150,000ത്തി​ല്‍ പ​രം ആ​ളു​ക​ളാ​ണ് എ​ത്തി​യ​ത്.

വാ​ദി ബ​നീ ഖാ​ലി​ദി​ല്‍ ന​ട​ന്ന ജ​ലോ​ത്സ​വം ആ​സ്വ​ദി​ക്കാ​നെ​ത്തി​യ​ത് 50,000ത്തി​ല്‍ അ​ധി​കം പേ​രാ​ണ്. ബി​ദി​യ കാ​ര്‍ണി​വ​ല്‍ 120,000 ഓ​ളം സ​ന്ദ​ര്‍ശ​ക​രെ ആ​ക​ര്‍ഷി​ച്ചു.

ഇ​ബ്ര​യി​ല്‍ ന​ട​ന്ന സാ​ദ് അ​ല്‍ റാ​കി​ബ് ഇ​വ​ന്റി​ല്‍ പ്ര​ധാ​നം ഒ​ട്ട​ക​യോ​ട്ട മ​ത്സ​ര​ങ്ങ​ളും പ്ര​ദ​ര്‍ശ​ന​ങ്ങ​ളു​മാ​യി​രു​ന്നു.

40,000 ഓ​ളം ആ​ളു​ക​ള്‍ ആ​ണ് ഈ ​പ​രി​പാ​ടി ആ​സ്വ​ദി​ക്കാ​നാ​യി എ​ത്തി​യ​ത്. അ​ല്‍ ഖാ​ബി​ല്‍ വി​ലാ​യ​ത്തി​ല്‍ ന​ട​ന്നു​വ​രു​ന്ന റ​ഹാ​ല ഫെ​സ്റ്റി​വ​ലി​ല്‍ ഇ​തി​നോ​ട​കം ഒ​രു ല​ക്ഷ​ത്തി​ല്‍ പ​രം സ​ന്ദ​ര്‍ശ​ക​രെ​ത്തി. ഈ ​മാ​സം 27 വ​രെ ഫെ​സ്റ്റി​വ​ല്‍ അ​നു​ബ​ന്ധ പ​രി​പാ​ടി​ക​ള്‍ തു​ട​രും.

ഫെ​സ്റ്റി​വ​ലു​ക​ള്‍ ആ​സ്വ​ദി​ക്കാ​ന്‍ വ​ട​ക്ക​ന്‍ ശ​ര്‍ഖി​യ​യി​ലേ​ക്ക് എ​ത്തി​യ​വ​രി​ല്‍ ഒ​മാ​ന്റെ വി​വി​ധ ഗ​വ​ര്‍ണ​റേ​റ്റു​ക​ളി​ല്‍ നി​ന്നു​ള്ള​വ​രും സു​ല്‍ത്താ​നേ​റ്റി​ന് പു​റ​ത്ത് നി​ന്നു​ള്ള​വ​രു​മു​ണ്ട് എ​ന്ന​തും ശ്ര​ദ്ധേ​യ​മാ​ണ്.